3Galatians 3

1Haiwa VaGaratia matununu, ndiani wakakuroyai kuti murege kuteerera chokwadi, imwi makaratidzwa Jesu Kristu pachena pamberi pemeso, akarovererwa pamuchinjikwa pakati penyu?Select Galatians 3:1

2Ndichochi chete chandinoda kudzidza kwamuri chekuti: Makagamuchira Mweya nemabasa emurairo here, kana nekunzwa kwerutendo?Select Galatians 3:2

3Ko muri matununu akadai? Makatanga muMweya, zvino mopedzisa munyama here?Select Galatians 3:3

4Makatambudzika zvikuru zvakadai pasina here? Zvakadaro pasinawo!Select Galatians 3:4

5Naizvozvo iye anokupai Mweya neanoita mabasa esimba pakati penyu, anozviita nemabasa emurairo here, kana nekunzwa kwerutendo?Select Galatians 3:5

6Abhurahama sezvaakatenda Mwari, zvikaverengwawo kwaari kuti kururama.Select Galatians 3:6

7Naizvozvo munoziva kuti avo verutendo, ndivo vana vaAbhurahama.Select Galatians 3:7

8Nerugwaro, rwaona zviri mberi kuti Mwari anoti vahedheni vakarurama kubudikidza nerutendo, rwakagara rwaparidza evhangeri kuna Abhurahama, ruchiti: Mauri marudzi ese acharopafadzwa.Select Galatians 3:8

9Naizvozvo verutendo vanoropafadzwa pamwe naAbhurahama wakatenda.Select Galatians 3:9

10Nokuti vese vemabasa emurairo vari pasi pekutukwa; nokuti kwakanyorwa, kuchinzi: Wakatukwa wese asingarambiri pazvese zvakanyorwa mubuku yemurairo kuti azviite.Select Galatians 3:10

11Asi zviri pachena kuti hakuna munhu anonzi wakarurama nemurairo pamberi paMwari, nokuti kunonzi: Wakarurama achararama nerutendo.Select Galatians 3:11

12Zvino murairo haubvi parutendo, asi zvinonzi: Munhu anoita zvinhu izvi achararama mazviri.Select Galatians 3:12

13Kristu wakatidzikunura pachakatukwa chemurairo, aitirwa chakatukwa isu, nokuti kwakanyorwa, kuchinzi: Wakatukwa wese wakaremberera pamuti;Select Galatians 3:13

14kuti ropafadzo yaAbhurahama isvike kuvahedheni muna Kristu Jesu, kuti tigamuchire nerutendo chivimbiso cheMweya.Select Galatians 3:14

15Hama, ndinotaura nemutoo wevanhu; kunyange sungano yevanhu yasimbiswa, hakuna munhu anoikonesa kana kuwedzera kwairi.Select Galatians 3:15

16Zvino zvivimbiso zvakataurwa kuna Abhurahama nekumbeu yake. Haarevi achiti: Nekumbeu dzako, sevanenge vazhinji, asi saanenge ari mumwe, anoti: Nekumbeu yako; inova Kristu.Select Galatians 3:16

17Ndinoreva ichiwo: Sungano yakagara yasimbiswa naMwari muna Kristu, murairo ukazouya makore mazana mana nemakumi matatu apfuura haungaishaisi maturo, kuti uite chivimbiso chive chisina maturo.Select Galatians 3:17

18Nokuti kana nhaka ichibva kumurairo, haichabvi kuchivimbiso; asi Mwari wakapa pachena Abhurahama nechivimbiso.Select Galatians 3:18

19Ko murairo chii? Wakawedzerwa nekuda kwekudarika, kusvikira mbeu yasvika yakaitirwa chivimbiso; wakagadzwa nevatumwa muruoko rwemurevereri.Select Galatians 3:19

20Asi murevereri haasi weumwe, asi Mwari ndeumwe.Select Galatians 3:20

21Ko murairo unopesana nezvivimbiso zvaMwari here? Ngazvisadaro! Nokuti dai pakange pane murairo wakapiwa unogona kuraramisa, zvirokwazvo kururama kungadai kuchibva kumurairo.Select Galatians 3:21

22Asi rugwaro rwakapfigira zvese pasi pechivi, kuti chivimbiso chinobva parutendo rwaJesu Kristu chipiwe kune vanotenda.Select Galatians 3:22

23Asi kusati kwasvika rutendo, taichengetwa pasi pemurairo, takapfigirwa kusvikira kurutendo rwaizozarurwa shure.Select Galatians 3:23

24Saizvozvo murairo wakange uri murairidzi wedu kuna Kristu, kuti tinzi takarurama nerutendo.Select Galatians 3:24

25Asi rutendo rwakati rwasvika, hatisisiri pasi pemurairidzi.Select Galatians 3:25

26Nokuti mese muri vana vaMwari nerutendo muna Kristu Jesu.Select Galatians 3:26

27Nokuti mese makabhabhatidzwa muna Kristu, makapfeka Kristu.Select Galatians 3:27

28Hakuna muJudha kana muGiriki, hakuna wakasungwa kana wakasununguka, hakuna munhurume nemunhukadzi; nokuti imwi mese muri vamwe muna Kristu Jesu.Select Galatians 3:28

29Zvino kana imwi muri vanhu vaKristu, saka muri mbeu yaAbhurahama, uye vadyi venhaka maererano nechivimbiso.Select Galatians 3:29