10Hebrews 10

1Nokuti murairo zvaune mumvuri wezvinhu zvakanaka zvinouya, usiri mufananidzo wemene wezvinhu izvozvo, haungatongogoni kubudikidza nezvibairo izvozvo zvavanoramba vachibaira gore rimwe nerimwe kupedzeredza avo vanoswedera.Select Hebrews 10:1

2Dai zvakange zvakadaro zvingadai zvisina kuguma kubairwa here? Nokuti vanamati vangadai vasingachazivizve zvivi, vanatswa kamwe chete.Select Hebrews 10:2

3Asi kuzvibairo izvozvo kune kurangarirwa kwezvivi gore rimwe nerimwe;Select Hebrews 10:3

4nokuti hazvigoni kuti ropa renzombe nerembudzi ribvise zvivi.Select Hebrews 10:4

5Naizvozvo paanosvika panyika anoti: Chibairo nechipo hamuna kuzvida, asi makandigadzirira muviri;Select Hebrews 10:5

6zvibairo zvinopiswa nezvechivi hamuna kuzvifarira;Select Hebrews 10:6

7ipapo ndikati: Tarirai ndinouya (murugwaro rwakapetwa makanyorwa pamusoro pangu) kuita chido chenyu, Mwari.Select Hebrews 10:7

8Pakutanga achiti: Zvibairo nezvipiriso nezvibairo zvinopiswa nezvibairo zvechivi hamuna kuzvida kana kufadzwa nazvo, (izvo zvinobairwa sezvinoenderana nemurairo),Select Hebrews 10:8

9ndokuzoti: Tarira, ndinouya kuzoita chido chenyu, Mwari. Anobvisa chekutanga, kuti amise chechipiri.Select Hebrews 10:9

10Pachido ichi takaitwa vatsvene kubudikidza nechibairo chemuviri waJesu Kristu kamwe.Select Hebrews 10:10

11Uye mupristi umwe neumwe wakamira zuva rimwe nerimwe achishumira, nekubaira kazhinji zvibairo izvozvo zvisingatongogoni kubvisa zvivi;Select Hebrews 10:11

12asi iye wakati abaira chibairo chimwe nekuda kwezvivi nekusingaperi, akagara pasi kuruoko rwerudyi rwaMwari,Select Hebrews 10:12

13kubva ikozvino anotarisira kusvikira vavengi vake vaitwa chitsiko chetsoka dzake.Select Hebrews 10:13

14Nokuti nechibairo chimwe chete wakapedzeredza nekusingaperi avo vanoitwa vatsvene.Select Hebrews 10:14

15NeMweya Mutsvenewo anotipupurira; nokuti shure kwekuti ataura pakutanga anoti:Select Hebrews 10:15

16Iyi isungano yandichaita navo shure kwemazuva iwayo, ndizvo zvinotaura Ishe, ndichaisa mirairo yangu mumoyo yavo, uye ndichainyora mufungwa dzavo.Select Hebrews 10:16

17Nezvivi zvavo nekuipa kwavo handichatongorangaririzve.Select Hebrews 10:17

18Zvino pane kanganwiro yeizvi, hapachina chibairo chechivi.Select Hebrews 10:18

19Naizvozvo, hama, tine ushingi hwekupinda panzvimbo tsvene neropa raJesu,Select Hebrews 10:19

20nenzira itsva mhenyu, yaakatizarurira kubudikidza nemuvheiri, ndiyo nyama yake;Select Hebrews 10:20

21uye tine mupristi mukuru pamusoro peimba yaMwari,Select Hebrews 10:21

22ngatiswedere nemoyo wechokwadi muchivimbo chakazara cherutendo, moyo yasaswa kubva pahana yakaipa, nemuviri wakashambidzwa nemvura yakachena.Select Hebrews 10:22

23Ngatibatisise kupupura kwetariro yedu, tisingazungunuki, nokuti iye wakavimbisa wakatendeka;Select Hebrews 10:23

24uye ngatirangariranei pakumutsa rudo uye mabasa akanaka,Select Hebrews 10:24

25tisingasii kuungana kwedu, setsika yevamwe, asi tichikurudzirana; zvikuru kwazvowo sezvamunoona zuva richiswedera.Select Hebrews 10:25

26Nokuti kana tichitadza maune mushure mekunge tagamuchira ruzivo rwechokwadi, hakuchina kusara chibairo pamusoro pezvivi,Select Hebrews 10:26

27asi kumwe kumirira kunotyisa kwekutongwa, nehasha dzemoto dzichapedza vapikisi.Select Hebrews 10:27

28Munhu anoramba murairo waMozisi anofa pasina tsitsi nezvapupu zviviri kana zvitatu;Select Hebrews 10:28

29munofunga kuti achanzi wakafanira kurangwa zvinorwadza sei wakatsikira pasi Mwanakomana waMwari, uye akatora ropa resungano raakaitwa mutsvene naro serisiri dzvene, uye akazvidza Mweya wenyasha?Select Hebrews 10:29

30Nokuti tinomuziva iye wakati: Kutsiva ndekwangu, ini ndicharipira, anotaura Ishe. Uyezve anoti: Ishe achatonga vanhu vake.Select Hebrews 10:30

31Zvinotyisa kuwira mumaoko aMwari mupenyu.Select Hebrews 10:31

32Asi rangarirai mazuva akare, amakati mavhenekerwa maari mukatsunga pakurwa kukuru kwematambudziko;Select Hebrews 10:32

33pamwe, pamakaitwa chiokero zvese nekunyombwa nematambudziko; pamwewo pamakagovana naivo vakaitirwa zvakadaro.Select Hebrews 10:33

34Nokuti nemwi makanzwira tsitsi zvisungo zvangu, makagamuchira nemufaro kupambiwa kwenhumbi dzenyu, muchiziva mukati menyu kuti imwi mune fuma yakapfuura nekunaka, uye inogara iripo kumatenga.Select Hebrews 10:34

35Naizvozvo regai kurasa kushinga kwenyu, kune mubairo mukuru.Select Hebrews 10:35

36Nokuti munofanira kuva nekutsungirira, zvekuti kana maita chido chaMwari, mugamuchire chivimbiso.Select Hebrews 10:36

37Nokuti pachine kanguva kadiki-diki, anouya achauya, uye haanganonoki.Select Hebrews 10:37

38Asi wakarurama achararama nerutendo; zvino kana akadzokera shure, mweya wangu haungafari naye.Select Hebrews 10:38

39Zvino isu hatisi veavo vanodzokera shure kukuparadzwa; asi veavo vanotenda kukuponeswa kwemweya.Select Hebrews 10:39