3Hebrews 3

1Naizvozvo, hama tsvene, vagovani vekudanwa kwekudenga, rangarirai muapositori nemupristi mukuru wekupupura kwedu, iye Kristu Jesu,Select Hebrews 3:1

2wakatendeka kuna iye wakamugadza, saMozisiwo muimba yake yese.Select Hebrews 3:2

3Nokuti uyu wakanzi wakafanira rukudzo kupfuura Mozisi, sezvo anovaka imba ane rukudzo kuipfuura.Select Hebrews 3:3

4Nokuti imba imwe neimwe inovakwa neumwe; asi anovaka zvese ndiMwari.Select Hebrews 3:4

5Zvino Mozisi zvirokwazvo wakanga akatendeka muimba yake yese semuranda, kuti huve uchapupu hwezvinhu zvaizotaurwa;Select Hebrews 3:5

6asi Kristu seMwanakomana pamusoro peimba yake; imba yake yatiri isu, kana chete tikabatisisa kushinga nekuzvirumbidza kwetariro kusvika pakuguma.Select Hebrews 3:6

7Naizvozvo sezvinotaura Mweya Mutsvene achiti: Nhasi kana muchinzwa inzwi rake,Select Hebrews 3:7

8musaomesa moyo yenyu, sepakumukira, nezuva rekuedzwa murenje,Select Hebrews 3:8

9madzibaba enyu paakandiedza, vachindinzvera, ndokuona mabasa angu makore makumi mana.Select Hebrews 3:9

10Naizvozvo ndakatsamwiswa nezera iro, ndokuti: Vanogara vachitsauka pamoyo; uye ava havana kuziva nzira dzangu;Select Hebrews 3:10

11naizvozvo ndakapika pakutsamwa kwangu, ndikati: Havangatongopindi pazororo rangu.Select Hebrews 3:11

12Chenjererai, hama, kuti kusava nemoyo wakashata wekusatenda pakati peumwe neumwe wenyu, pakutsauka kubva kuna Mwari mupenyu;Select Hebrews 3:12

13asi kurudziranai pazuva nezuva, kuchanzi nhasi; kuti kurege kuva neumwe wenyu anoomeswa nekunyengera kwechivi;Select Hebrews 3:13

14nokuti tava vagovani vaKristu, kana chete tichibatisisa kuvamba kwechivimbo kusvikira pakuguma;Select Hebrews 3:14

15kuchanzi: Nhasi kana muchinzwa inzwi rake, musaomesa moyo yenyu, sepakumukira.Select Hebrews 3:15

16Nokuti vamwe vakati vanzwa vakamukira, asi havasi vese vakabva Egipita kubudikidza naMozisi.Select Hebrews 3:16

17Asi wakatsamwiswa nani makore makumi mana? Havasi ivo vakatadza here, vane mitumbi yakawira murenje?Select Hebrews 3:17

18Uye ndivana ani vaakapikira kuti havangapindi pazororo rake, kunze kweavo vasina kutenda?Select Hebrews 3:18

19Zvino tinoona kuti vakange vasingagoni kupinda nekuda kwekusatenda.Select Hebrews 3:19