4John 4

1Naizvozvo Ishe paakaziva kuti VaFarisi vakange vanzwa kuti Jesu anoita nekubhabhatidza vadzidzi vakawanda kupfuura Johwani,Select John 4:1

2kunyange Jesu pachake wakange asingabhabhatidzi, asi vadzidzi vake,Select John 4:2

3akabva Judhiya, akaendazve muGarirea.Select John 4:3

4Asi wakange achifanira kugura neSamaria.Select John 4:4

5Zvino wakasvika paguta reSamaria rinonzi Sikari, pedo nedunhu Jakobho raakange apa Josefa mwanakomana wake.Select John 4:5

6Zvino chitubu chaJakobho chakange chiripo. Naizvozvo Jesu aneta nerwendo wakagara saizvozvo pachitubu. Raiva awa rinenge rechitanhatu.Select John 4:6

7Kwakasvika mukadzi achibva muSamaria kuzochera mvura; Jesu akati kwaari: Ndipe ndinwe.Select John 4:7

8(Nokuti vadzidzi vake vakange vaenda muguta kunotenga kudya).Select John 4:8

9Naizvozvo mukadzi ari muSamaria wakati kwaari: Sei iwe uri muJudha uchikumbira kunwa kwandiri, mukadzi muSamaria? Nokuti VaJudha havadyidzani neVaSamaria.Select John 4:9

10Jesu akapindura akati kwaari: Dai waiziva chipo chaMwari, uye kuti ndiani anoti kwauri: Ndipe ndinwe; ungadai waikumbira kwaari, uye ungadai akupa mvura mhenyu.Select John 4:10

11Mukadzi akati kwaari: Ishe, hamuna chinhu chekucheresa, uye tsime rakadzika; zvino munoitora kupi mvura mhenyu?Select John 4:11

12Imwi muri mukuru kuna baba vedu Jakobho, vakatipa tsime, vakanwa pariri ivo, nevana vavo, nezvipfuwo zvavo here?Select John 4:12

13Jesu akapindura ndokuti kwaari: Ani nani anonwa pamvura iyi, achava nenyotazve;Select John 4:13

14asi ani nani anonwa pamvura yandichamupa ini, haachatongozovi nenyota nekusingaperi; asi mvura yandichamupa ichava maari chitubu chemvura, inodzutukira kuupenyu husingaperi.Select John 4:14

15Mukadzi akati kwaari: Ishe, ndipei mvura iyi, kuti ndirege kuva nenyota, kana kuuya pano kuzochera.Select John 4:15

16Jesu akati kwaari: Enda, unodana murume wako, ugouya pano.Select John 4:16

17Mukadzi akapindura ndokuti: Handina murume. Jesu akati kwaari: Wareva zvakanaka kuti: Handina murume.Select John 4:17

18Nokuti wakava nevarume vashanu, uyo waunaye ikozvino haasi murume wako; apa wareva chokwadi.Select John 4:18

19Mukadzi akati kwaari: Ishe, ndinoona kuti imwi muri muporofita.Select John 4:19

20Madzibaba edu ainamata mugomo iri; asi imwi munoti muJerusarema ndimo munzvimbo munhu yaanofanira kunamatapo.Select John 4:20

21Jesu akati kwaari: Mukadzi, nditende, kuti awa rinouya, ramuchashumira Baba musiri mugomo iri, kana paJerusarema.Select John 4:21

22Imwi munonamata chamusingazivi; isu tinoshumira chatinoziva; nokuti ruponeso rwunobva kuVaJudha.Select John 4:22

23Asi awa rinouya, uye ratova iro, apo vanamati vechokwadi vachanamata Baba mumweya nemuchokwadi; nokutiwo Baba vanotsvaka vakadaro kuti vavanamate.Select John 4:23

24Mwari Mweya; neavo vanomunamata vanofanira kunamata mumweya nemuchokwadi.Select John 4:24

25Mukadzi akati kwaari: Ndinoziva kuti Mesiasi anouya anonzi Kristu; kana iye asvika, achatiudza zvinhu zvese.Select John 4:25

26Jesu akati kwaari: Ini ndinotaura kwauri, ndini.Select John 4:26

27Zvino nenguva iyi vadzidzi vake vakasvika, vakashamisika kuti anotaura nemukadzi; asi hakuna umwe wakati: Munotsvakei? Kana: Munotaurirei naye?Select John 4:27

28Naizvozvo mukadzi akasiya chirongo chake, ndokubva oenda muguta, akati kuvanhu:Select John 4:28

29Uyai, muone munhu, wandiudza zvinhu zvese zvandakaita; ko uyu haasi iye Kristu here?Select John 4:29

30Naizvozvo vakabuda muguta, vakauya kwaari.Select John 4:30

31Zvichakadaro vadzidzi vakamunyengetedza vachiti: Rabhi*, idyai.Select John 4:31

32Asi iye wakati kwavari: Ini ndine kudya kwekudya kwamusingazivi imwi.Select John 4:32

33Naizvozvo vadzidzi vakataurirana vachiti: Kuti pane umwe wamuvigira zvekudya?Select John 4:33

34Jesu akati kwavari: Zvekudya zvangu ndizvo kuti ndiite chido chewakandituma, nekupedza basa rake.Select John 4:34

35Imwi hamutauri here kuti: Kuchine mwedzi mina, zvino kukohwa kunosvika? Tarirai, ndinoti kwamuri: Simudzai meso enyu, muone minda, kuti yatochenera kukohwa.Select John 4:35

36Zvino anokohwa anogamuchira mubairo, uye anounganidza zvibereko muupenyu husingaperi; kuti vaviri anokusha neanokohwa vafare pamwe.Select John 4:36

37Nokuti pane izvi shumo ndeyechokwadi inoti: Umwe anokusha, uye umwe anokohwa.Select John 4:37

38Ini ndakakutumai kukohwa zvamusakashandira; vamwe vakashanda, zvino imwi mapinda pabasa ravo.Select John 4:38

39Zvino vazhinji veVaSamaria kubva muguta iro vakatenda kwaari nekuda kweshoko remukadzi, rakapupura richiti: Wandiudza zvese zvandakaita.Select John 4:39

40Zvino VaSamaria vakati vachisvika kwaari, vakamunyengetedza kuti agare navo; ndokugarapo mazuva maviri.Select John 4:40

41Vazhinji vakawedzerwa vakatenda nekuda kweshoko rake.Select John 4:41

42Zvino vakati kumukadzi: Hatichatendi nekuda kwekureva kwako; nokuti tazvinzwira, uye tinoziva kuti uyu ndiye zvirokwazvo Muponesi wenyika, Kristu.Select John 4:42

43Zvino shure kwemazuva maviri wakabvapo, ndokuenda kuGarirea;Select John 4:43

44nokuti Jesu amene wakapupura kuti muporofita haana rukudzo munyika yekwake.Select John 4:44

45Zvino wakati asvika kuGarirea, VaGarirea vakamugamuchira, vaona zvinhu zvese zvaakaita paJerusarema pamabiko, nokuti naivo vakange vaenda kumabiko.Select John 4:45

46Zvino Jesu wakasvikazve paKana yeGarirea, paakange aita mvura ive waini. Zvino pakange pane rimwe jinda, mwanakomana waro wakange achirwara paKapenaume.Select John 4:46

47Iro rakati richinzwa kuti Jesu wabva Judhiya akasvika kuGarirea, rikaenda kwaari, rikamugombedzera kuti aburukire aporese mwanakomana waro; nokuti wakange odofa.Select John 4:47

48Naizvozvo Jesu akati kwariri: Kunze kwekuti maona zviratidzo nezvishamiso, hamungatongotendi.Select John 4:48

49Jinda rikati kwaari: Ishe, burukai mwana wangu asati afa.Select John 4:49

50Jesu akati kwaari: Enda, mwanakomana wako anorarama. Munhu ndokutenda shoko Jesu raakareva kwaari, akaenda.Select John 4:50

51Zvino wakati oburuka, varanda vake vakamuchingamidza, vakamuudza vachiti: Mwana wenyu anorarama.Select John 4:51

52Zvino akavabvunza awa raakatanga kunaya. Zvino vakati kwaari: Zuro neawa rechinomwe fivhiri yakamuregedza.Select John 4:52

53Naizvozvo baba vakaziva kuti maiva imo muawa Jesu maakati kwaari: Mwanakomana wako anorarama; zvino akatenda iye neimba yake yese.Select John 4:53

54Ichizve chiratidzo chechipiri Jesu chaakaita, abva Judhiya asvika Garirea.Select John 4:54