14Luke 14

1Zvino zvakaitika pakupinda kwake mumba meumwe wevakuru kuVaFarisi kuzodya chingwa nesabata, kuti ivo vakamucherekedza.Select Luke 14:1

2Zvino tarira, kwakange kune umwe munhu pamberi pake waiva nerukandwe.Select Luke 14:2

3Jesu ndokupindura akataura kunyanzvi dzemutemo neVaFarisi, achiti: Zviri pamutemo here kuporesa nesabata?Select Luke 14:3

4Asi vakanyarara. Zvino akamubata akamuporesa ndokurega achienda.Select Luke 14:4

5Akavapindura achiti: Ndiani wenyu, ungati ane mbongoro kana nzombe ikawira mugomba, akasaisimudza pakarepo nezuva resabata?Select Luke 14:5

6Vakasagona kumupindurazve pamusoro pezvinhu izvi.Select Luke 14:6

7Zvino wakataura mufananidzo kune vakakokwa, achiona kuti vanosarudza sei zvigaro zvepamusoro, akati kwavari:Select Luke 14:7

8Kana wakokwa neumwe munhu kumuchato, usagara pachigaro chepamusoro; zvimwe umwe anokudzwa kupfuura iwe wakokwa naye,Select Luke 14:8

9zvino wakakukoka iwe naiye asvike ati kwauri: Dziurira uyu; ipapo uchatanga kutora nzvimbo yepasisa nenyadzi.Select Luke 14:9

10Asi kana wakokwa, enda ugare panzvimbo yepasisa, kuti kana uyo wakakukoka achisvika, angati kwauri: Shamwari, kwira kumusoro; zvino uchava nerukudzo pamberi pevagere pakudya newe.Select Luke 14:10

11Nokuti ani nani anozvikwiridzira, achaninipiswa; neanozvininipisa achakwiridzirwa.Select Luke 14:11

12Ipapo akatiwo kune wakamukoka: Kana waita chisvusvuro kana chirairo, usadana shamwari dzako, kana vanakomana vamai vako, kana hama dzako, kana vavakidzani vafumi, zvimwe ivowo vangazokukokazve, ugoripirwa.Select Luke 14:12

13Asi kana waita mabiko, dana varombo, vanokamhina, mhetamakumbo, mapofu;Select Luke 14:13

14uye ucharopafadzwa, nokuti havana zvokukuripira nazvo, nokuti ucharipirwa pakumuka kwevakarurama.Select Luke 14:14

15Umwe wevakange vagere naye pakudya wakati achinzwa zvinhu izvi, akati kwaari: Wakaropafadzwa uyo achadya chingwa paushe hwaMwari.Select Luke 14:15

16Asi akati kwaari: Umwe munhu wakaita chirairo chikuru, akakokera vazhinji.Select Luke 14:16

17Akatuma muranda wake nenguva yekuraira kuti ati kune vakange vakakokwa: Uyai, nokuti zvese zvagadzirwa zvino.Select Luke 14:17

18Zvino vese vakatanga umwe neumwe kuzvikumbirira ruregerero. Wekutanga akati kwaari: Ndatenga munda, ndinofanira kuenda ndinomuona; ndinokukumbira, ini undiregerere.Select Luke 14:18

19Uye umwe akati: Ndatenga zvipani zvishanu zvenzombe, ndinoenda kunodziidza; ndinokumbira, ini undiregerere.Select Luke 14:19

20Uye umwe akati: Ndawana mukadzi, naizvozvo handigoni kuuya.Select Luke 14:20

21Zvino muranda uyo wakauya akapira zvinhu izvi ishe wake. Ipapo mwene weimba akatsamwa, akati kumuranda wake: Buda nekukurumidza uende kumigwagwa nemunzira dzemuguta, upinze pano varombo, nevanokamhina, nemhetamakumbo, nemapofu.Select Luke 14:21

22Muranda ndokuti: Ishe, zvaitwa sezvamaraira, asi nzvimbo ichipo.Select Luke 14:22

23Ishe akati kumuranda: Buda kumigwagwa nekuuzhowa, ugombedzere vapinde, kuti imba yangu izadzwe.Select Luke 14:23

24Nokuti ndinoti kwamuri: Hakuna umwe kune varume avo vakakokwa acharavira chirairo changu.Select Luke 14:24

25Zvino zvaunga zvikuru zvaifamba naye; akatendeuka akati kwavari:Select Luke 14:25

26Kana ani nani achiuya kwandiri, akasavenga baba vake namai, nemukadzi, nevana, nevanin'ina nemadzikoma, nehanzvadzi, hongu, kunyange neupenyu hwake, haagoni kuva mudzidzi wangu.Select Luke 14:26

27Zvino ani nani asingatakuri muchinjikwa wake akanditevera, haagoni kuva mudzidzi wangu.Select Luke 14:27

28Nokuti ndiani wenyu, anoti achida kuvaka shongwe, asingatangi agara pasi, akaverenga madhuriro, kana ane zvekupedzesa?Select Luke 14:28

29Kuti zvimwe ateya nheyo akasagona kupedza, vese vanoona vanotanga kumuseka,Select Luke 14:29

30vachiti: Uyu munhu akatanga kuvaka, asi akakoniwa kupedzisa.Select Luke 14:30

31Kana ndeupi mambo, kana achienda kuhondo akamirisana neumwe mambo, asingatangi agara pasi, akafungisisa kuti angagona here nezvuru gumi kusangana neanouya akapikisana naye nezvuru makumi maviri?Select Luke 14:31

32Asi kana zvisakadaro, iye achiri kure, anotuma nhume, akumbire zverugare.Select Luke 14:32

33Saka saizvozvo, ani nani kwamuri asingasii zvese zvaanazvo, haagoni kuva mudzidzi wangu.Select Luke 14:33

34Munyu wakanaka; asi kana munyu warasa kuvava, ucharungwa nei?Select Luke 14:34

35Hauchina kufanira kunyange pamunda, kana padutu remupfudze; vanourasira kunze. Ane nzeve dzekunzwa, ngaanzwe.Select Luke 14:35