18Luke 18

1Zvino wakavaudzawo mufananidzo kuti vanofanira kunyengetera nguva dzese, uye vasaora moyo,Select Luke 18:1

2achiti: Kwaiva mune rimwe guta neumwe mutongi, wakange asingatyi Mwari, uye asingaremekedzi munhu;Select Luke 18:2

3zvino kwakange kune chirikadzi muguta iro, yakange ichiuya kwaari, ichiti: Ndiruramisirei kumuvengi wangu.Select Luke 18:3

4Asi wakange asingadi kwenguva; asi pashure pezvinhu izvi wakati mukati make: Kunyange ndisingatyi Mwari, uye ndisingaremekedzi munhu;Select Luke 18:4

5asi nokuti chirikadzi iyi inonditambudza, ndichairuramisira, zvimwe pakupedzisira ingasvika pakunditsamwisa kwazvo.Select Luke 18:5

6Ishe ndokuti: Inzwai mutongi asakarurama zvaanoreva.Select Luke 18:6

7Ko Mwari haangaruramisiri here vakasanangurwa vake, vanodana kwaari masikati neusiku, kunyange achivanonokera?Select Luke 18:7

8Ndinoti kwamuri: Achakurumidza kuvaruramisira. Asi kana Mwanakomana wemunhu achisvika, achawana rutendo panyika here?Select Luke 18:8

9Zvino wakareva mufananidzo uyu kune vamwewo vaizvivimba kuti vakarurama, vachizvidza vamwe, akati:Select Luke 18:9

10Vanhu vaviri vakakwira kutembere kunonyengetera; umwe muFarisi, uye umwe muteresi.Select Luke 18:10

11MuFarisi wakamira akazvinyengeterera zvinhu izvi, akati: Mwari, ndinokutendai kuti handina kufanana nevamwe vanhu, makororo, vasakarurama, mhombwe, kana kunyange semuteresi uyu.Select Luke 18:11

12Ndinotsanya kaviri pavhiki, ndinopa chegumi chezvese zvandinowana.Select Luke 18:12

13Asi muteresi amire kure wakasada kunyange kusimudzira meso kudenga, asi wakarova pachifuva chake, achiti: Mwari, ndinzwirei tsitsi ini mutadzi.Select Luke 18:13

14Ndinoti kwamuri: Uyu wakaburukira kumba kwake anzi wakarurama pane uya; nokuti umwe neumwe anozvikwiridzira achaninipiswa, uye anozvininipisa achakwiridzirwa.Select Luke 18:14

15Zvino vakauisa kwaari vachechewo, kuti avabate; asi vadzidzi vakati vachizviona, vakavatsiura.Select Luke 18:15

16Asi Jesu wakadanira ivo vacheche kwaari akati: Tenderai vacheche vauye kwandiri, musavadzivisa, nokuti ushe hwaMwari ndehwevakadai.Select Luke 18:16

17Zvirokwazvo ndinoti kwamuri: Ani nani asingagamuchiri ushe hwaMwari semucheche, haangatongopindi mahuri.Select Luke 18:17

18Zvino umwe mutungamiriri wakamubvunza, achiti: Mudzidzisi wakanaka, ndiitei kuti ndigare nhaka yeupenyu husingaperi?Select Luke 18:18

19Jesu ndokuti kwaari: Unondiidzirei wakanaka? Hakuna wakanaka, kunze kweumwe, Mwari.Select Luke 18:19

20Mirairo unoiziva, inoti: Usaita upombwe, usauraya, usaba, usapupura nhema, kudza baba vako namai vako.Select Luke 18:20

21Iye ndokuti: Izvi zvese ndakazvichengeta kubva paudiki hwangu.Select Luke 18:21

22Zvino Jesu wakati achinzwa zvinhu izvi akati kwaari: Uchiri kushaiwa chinhu chimwe; tengesa zvese zvaunazvo, ugovere varombo, uye uchava nefuma yakakosha kudenga; ugouya pano wonditevera.Select Luke 18:22

23Zvino wakati anzwa zvinhu izvi, akashungurudzika zvikuru; nokuti wakange akafuma zvikuru.Select Luke 18:23

24Zvino Jesu wakati achiona kuti washungurudzika zvikuru akati: Zvicharemera sei vane fuma kupinda muushe hwaMwari.Select Luke 18:24

25Nokuti zvakareruka kuti kamera ripinde richidarika nemuburi retsono, kumufumi kupinda muushe hwaMwari.Select Luke 18:25

26Zvino avo vakanzwa, vakati: Zvino ndiani anogona kuponeswa?Select Luke 18:26

27Asi iye akati: Zvinhu zvisingagoneki nevanhu, zvinogoneka naMwari.Select Luke 18:27

28Petro ndokuti: Tarirai, isu takasiya zvese, tikakuteverai.Select Luke 18:28

29Zvino akati kwavari: Zvirokwazvo ndinoti kwamuri: Hakuna munhu wakasiya imba, kana vabereki, kana madzikoma nevanin'ina, kana mukadzi, kana vana, nekuda kweushe hwaMwari,Select Luke 18:29

30asingazogamuchiri zvakapetwa kazhinji nenguva ino, nemunguva inouya upenyu husingaperi.Select Luke 18:30

31Zvino wakatora vanegumi nevaviri, akati kwavari: Tarirai, tinokwira kuJerusarema, uye zvinhu zvese zvakanyorwa nevaporofita maererano neMwanakomana wemunhu zvichazadziswa.Select Luke 18:31

32Nokuti achakumikidzwa kune vechirudzi, agosekwa, nekuitirwa zvakaipa, nekupfirwa,Select Luke 18:32

33uye vachamurova netyava uye vachamuuraya; uye pazuva retatu achamukazve.Select Luke 18:33

34Asi ivo havana kunzwisisa chinhu chimwe cheizvozvi, uye shoko iri rakange rakavanzwa kwavari, uye havana kunzwisisa zvinhu zvakarehwa.Select Luke 18:34

35Zvino zvakaitika oswedera Jeriko, rimwe bofu raigara padivi penzira richipemha;Select Luke 18:35

36rakati richinzwa chaunga chichipfuura, rikabvunza kuti chinyi ichi.Select Luke 18:36

37Zvino vakariudza kuti: Jesu weNazareta anopfuura.Select Luke 18:37

38Zvino rakadanidzira richiti: Jesu Mwanakomana waDhavhidhi, ndinzwirei tsitsi!Select Luke 18:38

39Zvino vakange vakatungamira vakaritsiura kuti rinyarare; asi iro rakanyanyisa kudanidzira, richiti: Mwanakomana waDhavidhi, ndinzwirei tsitsi!Select Luke 18:39

40Zvino Jesu wakamira, akaraira kuti riuyiswe kwaari; zvino rakati raswedera akaribvunza,Select Luke 18:40

41achiti: Unoda kuti ndikuitirei? Zvino rakati: Ishe, kuti ndionezve.Select Luke 18:41

42Jesu ndokuti kwaari: Chionazve! Rutendo rwako rwakuponesa.Select Luke 18:42

43Pakarepo rikaonazve, rikamutevera, richirumbidza Mwari; vanhu vese vakati vachizviona vakarumbidza Mwari.Select Luke 18:43