24Luke 24

1Zvino nemusi wekutanga wevhiki, mambakwedza, vakauya kuguva, vakatakura zvinonhuhwira zvavakange vagadzirira, nevamwe vanavo.Select Luke 24:1

2Zvino vakawana ibwe rakakunguruswa kubva paguva.Select Luke 24:2

3Vakabva vapinda vakasawana mutumbi waIshe Jesu.Select Luke 24:3

4Zvino vakati vakakanganiswa kwazvo nazvo, zvino tarira, varume vaviri vakamira navo vakapfeka nguvo dzinopenya;Select Luke 24:4

5zvino vachiri kutya, ndokukotamisa zviso pasi, varume vakati kwavari: Munotsvakirei mupenyu pavakafa?Select Luke 24:5

6Haasi pano, asi wamuka; rangarirai kuti wakataura sei kwamuri achiri muGarirea,Select Luke 24:6

7achiti: Mwanakomana wemunhu anofanira kukumikidzwa mumaoko evanhu vezvivi, nekurovererwa pamuchinjikwa, uye pazuva retatu amukezve.Select Luke 24:7

8Zvino vakarangarira mashoko ake.Select Luke 24:8

9Zvino vakadzoka vachibva kuguva, vakaudza zvinhu izvi zvese kuvanegumi neumwe nekune vamwe vese.Select Luke 24:9

10Vaiva Maria Magidharini naJohwana naMaria mai vaJakobho, nevamwe vavaiva navo, vakaudza vaapositori zvinhu izvi.Select Luke 24:10

11Zvino mashoko avo akaonekera sekutaura kusina maturo pamberi pavo, uye havana kuvatenda.Select Luke 24:11

12Asi Petro wakasimuka akamhanyira kuguva; akakotama ndokutarira, akaona micheka yerineni yakaradzikwa yega; ndokuenda, ashamisika mukati make nezvakange zvaitika.Select Luke 24:12

13Zvino tarira, pazuva iroro vaviri vavo vaifamba vachienda kumusha wainzi Emausi, wakange uri masitadhia* makumi matanhatu kubva kuJerusarema.Select Luke 24:13

14Zvino ivo vaitaurirana pamusoro pezvinhu izvi zvese zvakange zvaitika.Select Luke 24:14

15Zvino zvakaitika kuti vachitaurirana nekubvunzana, Jesu amene wakaswedera akafamba navo,Select Luke 24:15

16asi meso avo akange abatwa kuti vasamuziva.Select Luke 24:16

17Zvino wakati kwavari: Mashoko ei awa amunokurukurirana muchifamba, uye makasuruvara?Select Luke 24:17

18Umwe, wainzi Kiriyopasi, ndokupindura akati kwaari: Ndiwe wega mutorwa muJerusarema, uye hauziva zvakaitikamo mumazuva ano here?Select Luke 24:18

19Zvino akati kwavari: Zvinhui? Ivo vakati kwaari: Zviri maererano naJesu weNazareta, waiva murume muporofita ane simba pachiito nepashoko pamberi paMwari nevanhu vese;Select Luke 24:19

20uye kuti vapristi vakuru nevatongi vedu vakamukumikidza sei kuti atongerwe rufu, uye vakamuroverera pamuchinjikwa.Select Luke 24:20

21Asi isu taivimba kuti ndiye waizodzikunura Israeri. Asiwo kunze kweizvi zvese, nhasi izuva retatu kubva zvaitika zvinhu izvi.Select Luke 24:21

22Asi vamwewo vakadzi vekwedu vatishamisa, vanga vafumira kuguva;Select Luke 24:22

23zvino vati vasingawani mutumbi wake, vauya vachiti vaona chiratidzo chevatumwawo, vati mupenyu.Select Luke 24:23

24Uye vamwe vevaiva nesu vaenda kuguva, vakawanawo zvakadaro vakadziwo sezvavakange vareva; asi iye havana kumuona.Select Luke 24:24

25Zvino iye akati kwavari: Haiwa imwi vekusanzwisisa, uye mune moyo ine chinono kutenda zvese vaporofita zvavakataura!Select Luke 24:25

26Ko Kristu wakange asingafaniri kutambudzika nezvinhu izvi, ndokupinda pakubwinya kwake here?Select Luke 24:26

27Ndokutanga kuna Mozisi nekuvaporofita vese, akadudzira kwavari mumagwaro ese zvinhu zviri maererano naye.Select Luke 24:27

28Zvino vakaswedera kumusha kwavakange vachienda; iye ndokuita sewopfuurira.Select Luke 24:28

29Asi vakamumanikidza, vachiti: Garai nesu, nokuti koda kuvira, uye zuva ranyura. Ndokupinda kunogara navo.Select Luke 24:29

30Zvino zvakaitika agere navo pakudya, wakatora chingwa akaropafadza, akamedura ndokupa kwavari.Select Luke 24:30

31Zvino meso avo ndokuzarurwa, ndokumuziva; iye ndokunyangarika kwavari.Select Luke 24:31

32Zvino vakataurirana vachiti: Moyo wedu wanga usingapisi mukati medu here paanga achitaura nesu munzira, nepaanga achitizarurira magwaro?Select Luke 24:32

33Zvino vakasimuka neawa iroro, vakadzokera kuJerusarema, vakawana vanegumi neumwe vakaungana nevaiva navo,Select Luke 24:33

34vachiti: Ishe wamuka zvirokwazvo, waonekwa naSimoni.Select Luke 24:34

35Ivo vakarondedzera zvinhu zvakaitika munzira, uye kuti wakazikanwa navo sei pakumedura chingwa.Select Luke 24:35

36Zvino vakati vachataura zvinhu izvozvi, Jesu amene wakamira pakati pavo, akati kwavari: Rugare kwamuri.Select Luke 24:36

37Asi vakavhunduswa, vakatya, vakafunga kuti vaona mweya.Select Luke 24:37

38Zvino akati kwavari: Munonetsekerei, uye mifungo inomukirei mumoyo yenyu?Select Luke 24:38

39Tarirai maoko angu netsoka dzangu, kuti ndini ndomene. Ndibatei, muone, nokuti mweya hauna nyama nemafupa, sezvamunoona ndinazvo.Select Luke 24:39

40Zvino wakati areva izvi akavaratidza maoko netsoka.Select Luke 24:40

41Zvino vakati vachigere kutenda nekuda kwekufara vachishamisika, akati kwavari: Mune chinodyika pano here?Select Luke 24:41

42Zvino vakamupa nhindi yehove yakagochwa neyezinga reuchi.Select Luke 24:42

43Iye ndokutora akadya pamberi pavo.Select Luke 24:43

44Zvino wakati kwavari: Awa mashoko andakataura kwamuri ndichiri nemwi, kuti zvinhu zvese zvinofanira kuzadziswa, zvakanyorwa pamurairo waMozisi, nepavaporofita nepaMapisarema maererano neni.Select Luke 24:44

45Ipapo akazarura kunzwisisa kwavo, kuti vanzwisise magwaro.Select Luke 24:45

46Ndokuti kwavari: Zvakanyorwa saizvozvi, saizvozvowo zvakafanira Kristu kutambudzika, nekumuka kubva kuvakafa zuva retatu,Select Luke 24:46

47uye kuti kutendeuka nekanganwiro yezvivi zviparidzirwe marudzi ese muzita rake, kutanga paJerusarema.Select Luke 24:47

48Uye imwi muri zvapupu zvezvinhu izvi.Select Luke 24:48

49Zvino tarirai, ini ndinotuma chivimbiso chaBaba vangu pamusoro penyu; asi imwi garai muguta reJerusarema, kusvikira mafukidzwa nesimba rinobva kumusoro.Select Luke 24:49

50Zvino akavatungamirira kunze kusvikira Bhetaniya, ndokusimudza maoko ake akavaropafadza.Select Luke 24:50

51Zvino zvakaitika achavaropafadza, akaparadzana navo, akakwidzwa kudenga.Select Luke 24:51

52Zvino vakamunamata, vakadzokera kuJerusarema vane mufaro mukuru;Select Luke 24:52

53uye vakagara nguva dzese mutembere, vachirumbidza nekutenda Mwari. Ameni.Select Luke 24:53