15Matthew 15

1Ipapo kwakauya kuna Jesu vanyori neVaFarisi vachibva kuJerusarema vachiti:Select Matthew 15:1

2Sei vadzidzi venyu vachidarika tsika yevakuru? Nokuti havashambi maoko avo kana vachidya chingwa.Select Matthew 15:2

3Asi akapindura akati kwavari: Nemhaka yei imwiwo muchidarika murairo waMwari nekuda kwetsika yenyu?Select Matthew 15:3

4Nokuti Mwari wakaraira achiti: Kudza baba namai vako; uye kuti: Anotuka baba kana mai, anofanira kufa rufu.Select Matthew 15:4

5Asi imwi munoti: Ani nani anoti kuna baba kana kuna mai: Chipi nechipi chaungabatsirwa neni chibairo,Select Matthew 15:5

6naizvozvo haatongokudzi baba vake kana mai vake; naizvozvo mashayisa murairo waMwari maturo netsika yenyu.Select Matthew 15:6

7Vanyepedzeri, Isaya wakaporofita zvakanaka pamusoro penyu achiti:Select Matthew 15:7

8Vanhu ava vanoswedera kwandiri nemuromo wavo, vachindikudza nemiromo; asi moyo wavo uri kure neni.Select Matthew 15:8

9Asi vanondinamata pasina, vachidzidzisa dzidziso dziri mirairo yevanhu.Select Matthew 15:9

10Zvino akadanira chaunga kwaari, akati kwavari: Teererai munzwisise.Select Matthew 15:10

11Hazvisi zvinopinda mumuromo zvinosvibisa munhu; asi izvo zvinobuda mumuromo, ndizvo zvinosvibisa munhu.Select Matthew 15:11

12Zvino vadzidzi vake vakaswedera vakati kwaari: Munoziva kuti VaFarisi vakati vachinzwa shoko iri vakagumbuka here?Select Matthew 15:12

13Asi wakapindura akati: Chinomera chimwe nechimwe Baba vangu vekudenga chavasina kudzvara chichadzurwa.Select Matthew 15:13

14Varegei; vatungamiriri vakapofumara vemapofu. Zvino kana bofu richitungamirira bofu, achawira mugomba ari maviri.Select Matthew 15:14

15Petro akapindura akati kwaari: Tidudzirei mufananidzo uyu.Select Matthew 15:15

16Zvino Jesu akati: Imwiwo muchiri vasinganzwisisi nhai?Select Matthew 15:16

17Nazvino hamunzwisisi here, kuti zvese zvinopinda mumuromo zvinoenda mudumbu, uye zvinoraswa kunze?Select Matthew 15:17

18Asi zvinhu zvinobuda mumuromo zvinobva mumoyo; izvo zvinosvibisa munhu.Select Matthew 15:18

19Nokuti mumoyo munobuda ndangariro dzakaipa, umhondi, ufeve, upombwe, umbavha, uchapupu hwenhema, kunyomba.Select Matthew 15:19

20Izvi ndizvo zvinosvibisa munhu; asi kudya nemaoko asina kushambwa hazvisvibisi munhu.Select Matthew 15:20

21Zvino Jesu wakabvapo akaenda kumiganhu yeTire neSidhoni.Select Matthew 15:21

22Zvino tarira, mukadzi muKenani wakabva kumiganhu iyo akadanidzira kwaari achiti: Ndinzwirei tsitsi, Ishe, Mwanakomana waDhavhidhi; mukunda wangu wakabatwa zvakaipa nedhimoni.Select Matthew 15:22

23Asi haana kumupindura shoko. Vadzidzi vake ndokuuya kwaari vakamukumbirisa vachiti: Muindisei, nokuti anodanidzira shure kwedu.Select Matthew 15:23

24Asi wakapindura akati: Handina kutumwa zvimwe, kunze kwekumakwai akarasika eimba yaIsraeri.Select Matthew 15:24

25Zvino akauya akamunamata achiti: Ishe, ndibatsirei.Select Matthew 15:25

26Asi wakapindura akati: Hazvina kunaka kutora chingwa chevana ndokukandira imbwanana.Select Matthew 15:26

27Asi iye akati: Hongu, Ishe, asi nembwanana dzinodya zvezvimedu zvinowa patafura yavatenzi vadzo.Select Matthew 15:27

28Zvino Jesu akapindura akati kwaari: Haiwa mukadzi, rutendo rwako rukuru! Ngazvive kwauri sezvaunoda. Mukunda wake akaporeswa kubva panguva iyo.Select Matthew 15:28

29Jesu ndokubva ipapo akauya parutivi rwegungwa reGarirea; akakwira mugomo, akagara ipapo.Select Matthew 15:29

30Zvino zvaunga zvikuru zvakauya kwaari zvine mhetamakumbo, mapofu, zvimumumu, zvirema, nevamwe vazhinji, vakavakanda patsoka dzaJesu; akavaporesa;Select Matthew 15:30

31zvekuti zvaunga zvakashamisika zvichiona zvimumumu zvichitaura, zvirema zvakagwinya, vanokamhina vachifamba, nemapofu achiona; vakarumbidza Mwari waIsraeri.Select Matthew 15:31

32Jesu ndokudanira vadzidzi vake kwaari akati: Ndinonzwa tsitsi nechaunga, nokuti vakagara neni zvino mazuva matatu vasina chinhu chekudya, uye handidi kuvaindisa vasina kudya, zvimwe vangaziya panzira.Select Matthew 15:32

33Vadzidzi vake ndokuti kwaari: Tichawanepi zvingwa zvakawanda zvakadaro murenje, kuti tigutise chaunga chikuru chakadai?Select Matthew 15:33

34Jesu ndokuti kwavari: Mune zvingwa zvingani? Vakati: Zvinomwe, nehove diki shomanene.Select Matthew 15:34

35Ndokuraira zvaunga kuti zvigare pasi pavhu.Select Matthew 15:35

36Akatora zvingwa zvinomwe nehove, akavonga, akamedura, ndokupa vadzidzi vake, vadzidzi vakapa chaunga.Select Matthew 15:36

37Vakadya vese vakaguta; vakanonga zvimedu zvakasara, matengu manomwe azere.Select Matthew 15:37

38Zvino avo vakadya vakange vari varume zvuru zvina pasina vakadzi nevana.Select Matthew 15:38

39Zvino wakati aregera zvaunga zvichienda, akapinda muchikepe, akasvika kumiganhu yeMagidhara.Select Matthew 15:39