21Matthew 21

1Vakati vachiswedera kuJerusarema, vasvika kuBhetifage pagomo reMiorivhi, ipapo Jesu akatuma vadzidzi vaviri,Select Matthew 21:1

2achiti kwavari: Endai kumusha wakatarisana nemwi, pakarepo muchawana mbongoro yakasungirwa, nedhongwana rinayo; sunungurai, muuyise kwandiri.Select Matthew 21:2

3Kana ani nani achitaura chinhu kwamuri, muchati: Ishe anozvida; pakarepo achazvitumira.Select Matthew 21:3

4Izvozvi zvese zvakaitika, kuti zvizadziswe zvakataurwa nemuporofita, achiti:Select Matthew 21:4

5Udzai mukunda weZiyoni: Tarira Mambo wako anouya kwauri, ari munyoro, akatasva mbongoro, nedhongwana, mwana wechipfuwo chemutoro.Select Matthew 21:5

6Vadzidzi vakaenda, vakaita Jesu sezvaakavaraira,Select Matthew 21:6

7vakauisa mbongoro nedhongwana, vakaisa nguvo dzavo pamusoro pazvo; vakamugadza pamusoro pazvo.Select Matthew 21:7

8Chaunga chikuru kwazvo chikawarira nguvo dzacho munzira; vamwe vakatema matavi pamiti vakawarira munzira.Select Matthew 21:8

9Zvaunga zvakange zvakamutungamirira nevakange vachitevera vakadanidzira, vachiti: Hosana* kuMwanakomana waDavhidhi! Wakaropafadzwa iye anouya muzita raIshe! Hosana kumusoro-soro!Select Matthew 21:9

10Wakati apinda muJerusarema, guta rese rikazungunuswa, richiti: Ndiani uyu?Select Matthew 21:10

11Zvaunga zvikati: Uyu ndiJesu muporofita weNazareta reGarirea.Select Matthew 21:11

12Zvino Jesu wakapinda mutembere yaMwari, akadzingira vese vaitengesa nevaitenga mutembere, akapidigura matafura evaitsinhanha mari, nezvigaro zvevaitengesa njiva.Select Matthew 21:12

13Akati kwavari: Kwakanyorwa kuchinzi: Imba yangu ichanzi imba yemunyengetero; asi imwi munoiita bako remakororo.Select Matthew 21:13

14Zvino kwakauya kwaari mapofu nevaikamhina mutembere; akavaporesa.Select Matthew 21:14

15Asi vapristi vakuru nevanyori vakati vachiona zvinhu zvinoshamisa zvaakange achiita, nevana vachidanidzira mutembere vachiti: Hosana kuMwanakomana waDhavhidhi! vakatsamwa,Select Matthew 21:15

16vakati kwaari: Unonzwa zvavanotaura ivava here? Jesu akati kwavari: Hongu, hamuna kutongoverenga here, kuti: Mumuromo mavacheche nevanoyamwa makapedzeredza rumbidzo?Select Matthew 21:16

17Akavasiya, akabuda panze peguta, achienda Bhetaniya, ndokurarapo.Select Matthew 21:17

18Kuzoti mangwanani-ngwanani wakati achidzokera kuguta, akanzwa nzara.Select Matthew 21:18

19Zvino wakati achiona umwe muonde panzira, akaenda kwauri, akasawana chinhu kwauri, asi mashizha chete; akati kwauri: Ngakurege kuva nezvibereko kwauri kusvikira narinhi. Pakarepo muonde ukasvava.Select Matthew 21:19

20Vadzidzi vakati vachiona, vakashamisika, vachiti: Muonde wasvava pakarepo sei?Select Matthew 21:20

21Jesu akapindura akati kwavari: Zvirokwazvo ndinoti kwamuri: Dai maiva nerutendo, musiri vasina chokwadi, hamungaiti izvi kumuonde chete, asi kunyange kana mukati kugomo iri: Simudzwa ukandirwe mugungwa; zvichaitwa.Select Matthew 21:21

22Nezvese zvipi nezvipi zvamunokumbira mumunyengetero, kana muchitenda, muchazvigamuchira.Select Matthew 21:22

23Wakati apinda mutembere, vapristi vakuru nevakuru vevanhu vakauya kwaari achidzidzisa, vakati: Munoita zvinhu izvozvi nesimba ripi? Ndiani akakupai simba iri?Select Matthew 21:23

24Jesu akapindura akati kwavari: Neni ndichakubvunzai shoko rimwe; kana mukandiudza iro, neni ndichakuudzai kuti ndinoita izvi nesimba ripi.Select Matthew 21:24

25Rubhabhatidzo rwaJohwani rwakabvepi? Kudenga here kana kuvanhu? Zvino vakataurirana pakati pavo vachiti: Kana tikati: Kudenga; uchati kwatiri: Saka sei musina kumutenda?Select Matthew 21:25

26Asi kana tikati: Kuvanhu; tinotya chaunga; nokuti vese vakatora Johwani semuporofita.Select Matthew 21:26

27Vakapindura Jesu vakati: Hatizivi. Iye ndokuti kwavari: Neni handingakuudziyi simba randinoita naro izvi.Select Matthew 21:27

28Zvino munofungei? Munhu waiva nevanakomana vaviri; akauya kune wekutanga, akati: Mwana, enda nhasi unobata mumunda wangu wemizambiringa.Select Matthew 21:28

29Iye akapindura akati: Handidi; asi pashure akatendeuka akaenda.Select Matthew 21:29

30Akaenda kune wechipiri akataura saizvozvo. Iye akapindura akati: Ndinoenda, ishe; akasaenda.Select Matthew 21:30

31Ndeupi pavaviri akaita kuda kwababa? Vakati kwaari: Wekutanga. Jesu akati kwavari: Zvirokwazvo ndinoti kwamuri: Vateresi nezvifeve vanokutangirai kupinda muushe hwaMwari.Select Matthew 21:31

32Nokuti Johwani akauya kwamuri nenzira yekururama, mukasamutenda; asi vateresi nezvifeve vakamutenda, asi imwi makati muchiona, hamuna kutendeuka shure kwaizvozvi kuti mumutende.Select Matthew 21:32

33Inzwai umwe mufananidzo. Kwaiva neumwe munhu, mwene weimba, wakasima munda wemizambiringa, akaisa ruzhowa rwakaukomberedza, akachera pekusvinira waini mauri, akavaka shongwe, akauhaisa* kuvarimi, akaenda kunze kwenyika.Select Matthew 21:33

34Kuzoti nguva yezvibereko yaswedera, akatuma varanda vake kuvarimi kuti vagamuchire zvibereko zvake.Select Matthew 21:34

35Asi varimi vakabata varanda vake, umwe vakarova, umwe vakauraya, umwe vakataka nemabwe.Select Matthew 21:35

36Akatumazve vamwe varanda vazhinji kune vekutanga; vakavaitira saizvozvo.Select Matthew 21:36

37Asi pakupedzisira akatuma mwanakomana wake kwavari, achiti: Vacharemekedza mwanakomana wangu.Select Matthew 21:37

38Asi varimi vakati vachiona mwanakomana, vakataurirana, vachiti: Uyu ndiye mugari wenhaka; uyai, ngatimuurayeyi tibate nhaka yake.Select Matthew 21:38

39Zvino vakamubata vakaposhera panze kunze kwemunda wemizambiringa vakamuuraya.Select Matthew 21:39

40Naizvozvo kana mwene wemunda wemizambiringa achisvika, uchaitei kuvarimi avo?Select Matthew 21:40

41Vakati kwaari: Achaparadza zvakaipa ava vakaipa, akahaisa vamwe varimi munda wemizambiringa, vachamupa zvibereko nenguva dzazvo.Select Matthew 21:41

42Jesu akati kwavari: Hamuna kutongoverenga here pamagwaro panoti: Ibwe vavaki ravakaramba, ndiro rakava musoro wekona; kubva kuna Ishe izvi zvaitika zvinoshamisa pameso edu?Select Matthew 21:42

43Naizvozvo ndinoti kwamuri: Ushe hwaMwari huchatorwa kubva kwamuri, hukapiwa kurudzi rwunobereka zvibereko zvahwo.Select Matthew 21:43

44Uye anowira pamusoro pebwe iri, achavhunikanya; asi pane upi neupi warinowira richamukuya.Select Matthew 21:44

45Vapristi vakuru neVaFarisi vakati vachinzwa mifananidzo yake, vakaziva kuti anotaura nezvavo.Select Matthew 21:45

46Zvino vakati vachitsvaka kumubata vakatya zvaunga nokuti vaimutora semuporofita.Select Matthew 21:46