24Matthew 24

1Zvino Jesu wakabuda akabva patembere; vadzidzi vake ndokuswedera kuzomuratidza zvivakwa zvetembere.Select Matthew 24:1

2Jesu akati kwavari: Hamuoni zvinhu izvi zvese here? Zvirokwazvo ndinoti kwamuri: Hakungatozongosiiwi pano ibwe pamusoro pebwe risingatongoputsirwi pasi.Select Matthew 24:2

3Kuzoti agere pagomo reMiorivhi, vadzidzi vakauya kwaari vari vega vachiti: Tiudzei, zvinhu izvi zvichava rinhi? Nechiratidzo chekuuya kwenyu nechokuguma kwenyika chichava chipi?Select Matthew 24:3

4Jesu akapindura akati kwavari: Chenjerai kuti kusava neanokutsausai;Select Matthew 24:4

5nokuti vazhinji vachauya muzita rangu, vachiti: Ndini Kristu; uye vachatsausa vazhinji.Select Matthew 24:5

6Zvino muchanzwa zvehondo nerunyerekupe rwehondo; chenjerai, musakanganiswa; nokuti zvese zvinofanira kuitika; asi kuguma kuchigere.Select Matthew 24:6

7Nokuti rudzi ruchamukira rudzi, neushe huchamukira ushe, uye kuchava nenzara nematenda nekudengenyeka kwenyika kunzvimbo dzakasiyana-siyana.Select Matthew 24:7

8Asi zvese izvi kutanga kwemarwadzo.Select Matthew 24:8

9Ipapo vachakukumikidzai mukutambudzika, uye vachakuurayai; uye muchavengwa nemarudzi ese nekuda kwezita rangu.Select Matthew 24:9

10Zvino ipapo vazhinji vachagumbuswa, uye vachatengesana, nekuvengana.Select Matthew 24:10

11Uye vaporofita vazhinji venhema vachamuka, vatsause vazhinji.Select Matthew 24:11

12Uye nekuda kwekuti uipi huchawanda, rudo rwevazhinji rwuchatonhora.Select Matthew 24:12

13Asi anotsungirira kusvikira pakuguma, ndiye achaponeswa.Select Matthew 24:13

14Uye evhangeri iyi yeushe ichaparidzwa munyika yese chive uchapupu kumarudzi ese; ipapo kuguma kuchasvika.Select Matthew 24:14

15Naizvozvo kana muchiona nyangadzi yekuparadza yakarehwa naDhanyeri muporofita, imire panzvimbo tsvene (anorava ngaanzwisise),Select Matthew 24:15

16zvino vari muJudhiya ngavatizire kumakomo;Select Matthew 24:16

17ari pamusoro pedenga reimba ngaarege kuburuka kuzotora chinhu kubva mumba make;Select Matthew 24:17

18neari kumunda ngaarege kudzokera shure kunotora nguvo dzake.Select Matthew 24:18

19Asi mune nhamo vane mimba nevanonwisa nemazuva iwayo!Select Matthew 24:19

20Asi nyengeterai kuti kutiza kwenyu kurege kuva muchando, kana nesabata.Select Matthew 24:20

21Nokuti ipapo kuchavapo kutambudzika kukuru, kusati kwakavapo kwakadaro kubva pakutanga kwenyika kusvikira zvino, uye kusingazovipozve.Select Matthew 24:21

22Dai mazuva ayo asaipfupiswa, hakuna nyama zvachose yaiponeswa; asi nekuda kwevasanangurwa mazuva ayo achapfupiswa.Select Matthew 24:22

23Zvino kana munhu akati kwamuri: Tarirai, Kristu pano, kana apo, musatenda.Select Matthew 24:23

24Nokuti kuchamuka vana kristu venhema nevaporofita venhema, vachaita zviratidzo zvikuru nezvishamiso, zvekuti kana zvichibvira, vatsause nevasanangurwa.Select Matthew 24:24

25Tarirai, ndagara ndakuudzai.Select Matthew 24:25

26Naizvozvo kana vakati kwamuri: Tarirai, ari murenje, musabuda; tarirai ari mudzimba dzemukati, musatenda.Select Matthew 24:26

27Nokuti semheni inobuda kumabvazuva ichipenya kusvikira kumavirira, kuchava saizvozvo nekuuya kweMwanakomana wemunhu.Select Matthew 24:27

28Nokuti pese-pese pane chitunha, ndipo pachaunganidzwa magora.Select Matthew 24:28

29Pakarepo shure kwekutambudzika kwemazuva ayo zuva richasvibiswa, nemwedzi hauzopi chiedza chawo, uye nyeredzi dzichawa kudenga, nemasimba ekumatenga achazungunuswa.Select Matthew 24:29

30Uye ipapo kuchaonekwa chiratidzo cheMwanakomana wemunhu kudenga; uye ipapo marudzi ese enyika achachema, uye achaona Mwanakomana wemunhu achiuya pamakore ekudenga nesimba nekubwinya kukuru.Select Matthew 24:30

31Uye achatuma vatumwa vake nekurira kukuru kwehwamanda, vachaunganidza vasanangurwa vake kubva kumhepo ina, kubva kumigumo yematenga kusvikira kumigumo yawo.Select Matthew 24:31

32Asi dzidzai mufananidzo kubva pamuonde: Kana davi rawo rava ikozvino nyoro, richitunga mashizha, munoziva kuti zhizha rava pedo.Select Matthew 24:32

33Saizvozvo nemwi, kana moona izvozvi zvese, zivai kuti zvava pedo pamikova.Select Matthew 24:33

34Zvirokwazvo ndinoti kwamuri: Zera iri haringatongopfuuri kusvikira izvozvi zvese zvaitika.Select Matthew 24:34

35Denga nenyika zvichapfuura, asi mashoko angu haangatongopfuuri.Select Matthew 24:35

36Asi zvezuva iro neawa hakuna anozviziva, kwete kunyange vatumwa vekumatenga, asi Baba vangu chete.Select Matthew 24:36

37Asi semazuva aNowa, kuchaita saizvozvowo kuuya kweMwanakomana wemunhu.Select Matthew 24:37

38Nokuti sepamazuva akatangira mafashame, vaidya nekunwa, vachiwana nekuwaniswa, kusvikira zuva Nowa raakapinda muareka,Select Matthew 24:38

39uye vakange vasingazivi, kusvikira kwasvika mafashame avabvisa vese, kuchaita saizvozvowo kuuya kweMwanakomana wemunhu.Select Matthew 24:39

40Ipapo vaviri vachava mumunda; umwe achatorwa, uye umwe achasiiwa.Select Matthew 24:40

41Vakadzi vaviri vachikuya paguyo; umwe achatorwa, neumwe achasiiwa.Select Matthew 24:41

42Rindai naizvozvo, nokuti hamuzivi nguva Ishe wenyu yaachauya.Select Matthew 24:42

43Asi zivai izvi, kuti dai mwene weimba aiziva kuti inguva yekurinda ipi ichasvika mbavha, angadai airinda, akasatendera imba yake kuti ipazwe.Select Matthew 24:43

44Naizvozvo imwiwo ivai makagadzirira; nokuti neawa ramusingafungiri, Mwanakomana wemunhu anouya.Select Matthew 24:44

45Ko ndiani muranda wakatendeka, wakangwara, ishe wake wakamugadza pamusoro pevaranda vake kuti avape kudya nenguva yakafanira?Select Matthew 24:45

46Wakaropafadzwa muranda uyo, unoti kana ishe wake achisvika anomuwana achiita saizvozvo.Select Matthew 24:46

47Zvirokwazvo ndinoti kwamuri: Achamugadza pamusoro pezvese zvaanazvo.Select Matthew 24:47

48Asi kana muranda uyo wakaipa akati mumoyo make: Ishe wangu anonoka kuuya;Select Matthew 24:48

49ndokutanga kurova vamwe varanda vanobata pamwe naye, nekudya nekunwa nevararadzi,Select Matthew 24:49

50ishe wemuranda uyo achasvika nezuva raasingatariri neawa raasingazivi,Select Matthew 24:50

51akamugura nepakati, agoisa mugove wake pamwe nevanyepedzeri; apo pachava nekuchema nekugeda-geda kwemeno.Select Matthew 24:51