2Philippians 2

1Naizvozvo kana kune imwe kurudziro kuna Kristu, kana imwe nyaradzo yerudo, kana kumwe kudyidzana kweMweya, kana mune umwe moyo munyoro nemukunzwira tsitsi,Select Philippians 2:1

2zadzisai mufaro wangu, kuti muve nefungwa imwe, muve nerudo rumwe, nemweya umwe, nendangariro imwe;Select Philippians 2:2

3musingaiti chinhu nenharo kana nekuzvikudza kusina maturo, asi mukuzvininipisa kwemoyo umwe neumwe achikudza vamwe kukupfuurai pakunaka;Select Philippians 2:3

4umwe neumwe ngaarege kutarira zvake, asi umwe neumwe zvinhu zvevamwewo.Select Philippians 2:4

5Nokuti fungwa iyi ngaive mamuri, yakange iri muna Kristu Jesuwo;Select Philippians 2:5

6iye ari muchimiro chaMwari, haana kurangarira kuti kuenzana naMwari kupamba;Select Philippians 2:6

7asi wakazviita asina maturo, akatora chimiro chemuranda, akava mumufananidzo wevanhu;Select Philippians 2:7

8akati awanikwa muchimiro chemunhu, akazvininipisa, akava wakateerera kusvikira parufu, irwo rufu rwemuchinjikwa.Select Philippians 2:8

9Naizvozvo Mwariwo wakamukudza zvikuru, akamupa zita rinopfuura zita rimwe nerimwe;Select Philippians 2:9

10kuti muzita raJesu ibvi rese rifugame, revekudenga nevepanyika, nevepasi penyika,Select Philippians 2:10

11uye rurimi rwega-rwega rwupupure kuti Jesu Kristu ndiye Ishe, kuve rumbidzo yaMwari Baba.Select Philippians 2:11

12Naizvozvo, vadikanwi vangu, sezvamakateerera nguva dzese, kwete sepakuvapo kwangu chete, asi ikozvino kunyanyisa pakusavapo kwangu, shandai ruponeso rwenyu pachenyu nekutya nekudedera;Select Philippians 2:12

13nokuti ndiMwari anoshanda mamuri, zvese kuda nekuita nekuda kwechido chake chakanaka.Select Philippians 2:13

14Itai zvinhu zvese musinganyunyuti nekupikisana;Select Philippians 2:14

15kuti muve vakachena uye vasina chavangapomerwa, vana vaMwari vasina gwapa pakati perudzi rwakakombama nekutsauka, vamunopenya pakati pavo sezviedza munyika,Select Philippians 2:15

16muchitaridza shoko reupenyu, pakuzvikudza kwangu nezuva raKristu, kuti handina kumhanya pasina, kana kushanda pasina.Select Philippians 2:16

17Asi kana neni ndikadururwa sechibairo chinodururwa pamusoro pechibairo nebasa rerutendo rwenyu, ndinofara uye ndinofara nemwi mese.Select Philippians 2:17

18Nekuda kweizvozvi imwiwo mufare uye mufare pamwe neni.Select Philippians 2:18

19Asi ndinovimba muna Ishe Jesu kutumira Timotio kwamuri nekukurumidza, kuti iniwo ndifare pandinoziva zviri maererano nemwi.Select Philippians 2:19

20Nokuti handina munhu ane fungwa yakadaro, achava nehanya zvirokwazvo nezvenyu.Select Philippians 2:20

21Nokuti vese vanozvitsvakira zvavo, kwete zvinhu zviri zvaKristu Jesu.Select Philippians 2:21

22Asi munoziva kutendeka kwake, kuti semwana kuna baba wakashanda pamwe neni paevhangeri.Select Philippians 2:22

23Zvino ndiye wandinotarisira kutumira kwamuri pakarepo, kana ndaona zvakanangana neni;Select Philippians 2:23

24asi ndinovimba muna Ishe kuti iniwo ndomene ndichakurumidza kuuya.Select Philippians 2:24

25Asi ndakaona zvakafanira kutuma kwamuri Epafrodito, hama, nemushandi pamwe neni neuto pamwe neni, asi nhume yenyu nemushumiri wekushaiwa kwangu;Select Philippians 2:25

26sezvo akange achikushuvai mese, uye akatambudzika, nokuti makange manzwa kuti wakange achirwara.Select Philippians 2:26

27Nokuti zvirokwazvo wakange achirwara ari pedo nekufa; asi Mwari wakamunzwira tsitsi; kwete iye ega, asi neni, kuti ndirege kuva neshungu pamusoro peshungu.Select Philippians 2:27

28Naizvozvo ndakashingaira zvikuru kumutuma, kuti kana momuonazve mufare, neni shungu dzangu dziderere zvikuru.Select Philippians 2:28

29Naizvozvo mugamuchirei muna Ishe nemufaro wese, uye mubate vakadai neruremekedzo;Select Philippians 2:29

30nokuti nekuda kwebasa raKristu wakaswedera pakufa, asingarangariri upenyu hwake, kuti akwanise kushaiwa kundishumira kwenyu.Select Philippians 2:30