7Romans 7

1Hamuzivi here, hama (nokuti ndinotaura kuna avo vanoziva murairo), kuti murairo unotonga munhu nguva yese yaanenge ari mupenyu?Select Romans 7:1

2Nokuti mukadzi akawanikwa wakasungwa nemurairo kumurume anorarama; asi kana murume afa, wasunungurwa pamurairo wemurume.Select Romans 7:2

3Naizvozvo zvino kana murume ari mupenyu, achanzi chifeve kana akava weumwe murume; asi kana murume afa, wasununguka pamurairo, kuti asava chifeve, kana akava wemumwe murume.Select Romans 7:3

4Naizvozvo, hama dzangu, nemwi makaitwa vakafa kumurairo nemuviri waKristu, kuti muve veumwe, kuna iye wakamutswa kubva kuvakafa, kuti tiberekere Mwari zvibereko.Select Romans 7:4

5Nokuti pataiva munyama, kuchiva kwezvivi zvaiva kubidikidza nemurairo kwakabata mumitezo yedu kubereka zvibereko zvinoisa kurufu.Select Romans 7:5

6Asi zvino takasunungurwa pamurairo, takafa kune zvatakange takabatwa nazvo, kuti tishumire muutsva hwemweya, kwete neutsaru hwerugwaro.Select Romans 7:6

7Ko zvino tichatii? Murairo chivi here? Ngazvisadaro! Asi handisaiziva chivi, kunze kwekubudikidza nemurairo; nokuti handisaizivawo ruchiva, kana murairo wakange usina kureva kuti: Usachiva.Select Romans 7:7

8Asi chivi, chawana mukana nemurairo, chikaita mandiri ruchiva rwese; nokuti kunze kwemurairo chivi chakafa.Select Romans 7:8

9Ini ndakambova mupenyu kunze kwemurairo, asi murairo pawakasvika, chivi chakava chipenyuzve, neni ndikafa;Select Romans 7:9

10uye murairo waiva weupenyu, iwo wakawanikwa neni wava werufu;Select Romans 7:10

11nokuti chivi, chawana mukana nemurairo, chakandinyengera chikandiuraya nawo.Select Romans 7:11

12Naizvozvo mutemo mutsvene, nemurairo mutsvene, uye wakarurama, uye wakanaka.Select Romans 7:12

13Naizvozvo zvakanaka zvakava rufu mandiri here? Ngazvisadaro! Asi chivi, kuti chiratidzwe kuti chivi, chinobata rufu mandiri nezvakanaka; kuti chivi nemurairo chive chakaipa kwazvo-kwazvo.Select Romans 7:13

14Nokuti tinoziva kuti murairo ndewemweya; asi ini ndiri wenyama, ndakatengeswa pasi pechivi.Select Romans 7:14

15Nokuti icho chandinoita, handichizivi; nokuti chandinoda, ndicho chandisingaiti; asi chandinovenga, ndicho chandinoita.Select Romans 7:15

16Zvino kana ndichiita icho chandisingadi, ndinobvumirana nemurairo kuti wakanaka.Select Romans 7:16

17Asi ikozvinowo handisisiri ini ndinochiita, asi chivi chinogara mandiri.Select Romans 7:17

18Nokuti ndinoziva kuti mandiri, ndiko kuti munyama yangu, hamugari chakanaka; nokuti kuda kurimo mandiri, asi kuita chakanaka handikuwani.Select Romans 7:18

19Nokuti chakanaka chandinoda, handiiti; asi chakaipa chandisingadi, ndicho chandinoita.Select Romans 7:19

20Zvino kana ndichiita icho chandisingadi ini, handisisiri ini ndinochiita, asi chivi chinogara mandiri.Select Romans 7:20

21Naizvozvo ndinowana murairo wekuti kana ndichida kuita chakanaka, chakaipa chiripo pandiri.Select Romans 7:21

22Nokuti ndinofara mumurairo waMwari zvinoenderana nemunhu wemukati;Select Romans 7:22

23asi ndinoona umwe murairo mumitezo yangu unorwa nemurairo wemurangariro wangu, uye uchanditapira kumurairo wechivi uri mumitezo yangu.Select Romans 7:23

24Ini munhu anosuruvara! Ndiani achandisunungura pamuviri werufu urwu?Select Romans 7:24

25Ndinotenda Mwari kubudikidza naJesu Kristu Ishe wedu. Naizvozvo zvino nemurangariro ini ndomene ndinoshumira murairo waMwari, asi nenyama murairo wechivi.Select Romans 7:25