25Matthew 25

1"Wakati huo, Ufalme wa mbinguni utafanana na wasichana kumi waliochukua taa zao, wakaenda kumlaki bwana arusi.Select Matthew 25:1

2Watano miongoni mwao walikuwa wapumbavu na watano walikuwa wenye busara.Select Matthew 25:2

3Wale wapumbavu walichukua taa zao, lakini hawakuchukua akiba ya mafuta.Select Matthew 25:3

4Lakini wale wenye busara walichukua mafuta katika chupa pamoja na taa zao.Select Matthew 25:4

5Kwa kuwa bwana arusi alikawia kuja, wale wanawali wote wote walisinzia, wakalala.Select Matthew 25:5

6Usiku wa manane kukawa na kelele: Haya, haya! Bwana arusi anakuja; nendeni kumlaki.Select Matthew 25:6

7Hapo wale wanawali wote wakaamka, wakazitayarisha taa zao.Select Matthew 25:7

8Wale wapumbavu wakawaambia wale wenye busara: Tupeni mafuta yenu kidogo maana taa zetu zinazimika.Select Matthew 25:8

9Lakini wale wenye busara wakawaambia, Hayatatutosha sisi na ninyi! Afadhali mwende dukani mkajinunulie wenyewe!Select Matthew 25:9

10Basi, wale wanawali wapumbavu walipokwenda kununua mafuta, bwana arusi akafika, na wale wanawali waliokuwa tayari wakaingia pamoja naye katika jumba la arusi, kisha mlango ukafungwa.Select Matthew 25:10

11Baadaye wale wanawali wengine wakaja, wakaita: Bwana, bwana, tufungulie!Select Matthew 25:11

12Lakini yeye akawajibu, Nawaambieni kweli, siwajui ninyi."Select Matthew 25:12

13Kisha Yesu akasema, "Kesheni basi, kwa maana hamjui siku wala saa.Select Matthew 25:13

14"Itakuwa kama mtu mmoja aliyetaka kusafiri ng'ambo: aliwaita watumishi wake, akawakabidhi mali yake.Select Matthew 25:14

15Alimpa kila mmoja kadiri ya uwezo wake: mmoja sarafu tano za fedha ziitwazo talanta, mwingine talanta mbili na mwingine talanta moja, kisha akasafiri.Select Matthew 25:15

16Mara yule aliyekabidhiwa talanta tano akafanya kazi nazo akapata faida talanta tano.Select Matthew 25:16

17Hali kadhalika na yule aliyekabidhiwa talanta mbili akapata faida talanta mbili.Select Matthew 25:17

18Lakini yule aliyekabidhiwa talanta moja akaenda akachimba shimo ardhini, akaificha fedha ya bwana wake.Select Matthew 25:18

19"Baada ya muda mrefu, yule bwana alirudi, akaanza kukagua hesabu ya matumizi na mapato ya fedha yake.Select Matthew 25:19

20Mtumishi aliyekabidhiwa talanta tano akaja amechukua zile talanta tano faida, akamwambia, Bwana, ulinikabidhi talanta tano, hapa pana talanta tano zaidi faida niliyopata.Select Matthew 25:20

21Bwana wake akamwambia, Vema, mtumishi mwema na mwaminifu. Umekuwa mwaminifu katika mambo madogo nitakukabidhi makubwa. Njoo ufurahi pamoja na bwana wako.Select Matthew 25:21

22"Mtumishi aliyekabidhiwa talanta mbili akaja, akatoa talanta mbili faida, akisema, Bwana, ulinikabidhi talanta mbili. Chukua talanta mbili zaidi faida niliyopata.Select Matthew 25:22

23Bwana wake akamwambia, Vema, mtumishi mwema na mwaminifu. Umekuwa mwaminifu katika mambo madogo, nitakukabidhi makubwa. Njoo ufurahi pamoja na bwana wako.Select Matthew 25:23

24"Lakini yule aliyekabidhiwa talanta moja akaja, akasema, Bwana, najua wewe ni mtu mgumu; wewe huvuna pale ambapo hukupanda, na kukusanya pale ambapo hukutawanya.Select Matthew 25:24

25Niliogopa, nikaificha fedha yako katika ardhi. Chukua basi mali yako.Select Matthew 25:25

26"Bwana wake akamwambia, Wewe ni mtumishi mwovu na mvivu! Unajua kuwa mimi huvuna mahali ambapo sikupanda, na hukusanya pale ambapo sikutawanya.Select Matthew 25:26

27Ilikupasa basi, kuiweka fedha yangu katika benki, nami ningelichukua mtaji wangu na faida yake!Select Matthew 25:27

28Basi, mnyang'anyeni hiyo fedha mkampe yule mwenye talanta kumi.Select Matthew 25:28

29Maana, aliye na kitu atapewa na kuzidishiwa. Lakini yule asiye na kitu, hata kile alicho nacho kitachukuliwa.Select Matthew 25:29

30Na kuhusu huyu mtumishi asiye na faida, mtupeni nje gizani! Huko kutakuwa na kilio na kusaga meno.Select Matthew 25:30

31"Wakati Mwana wa Mtu atakapokuja katika utukufu wake na malaika wote wakiwa pamoja naye, hapo ataketi juu ya kiti chake cha enzi kitukufu,Select Matthew 25:31

32na mataifa yote yatakusanyika mbele yake, naye atawatenganisha watu kama mchungaji anavyotenganisha kondoo na mbuzi.Select Matthew 25:32

33Atawaweka kondoo upande wake wa kulia na mbuzi upande wake wa kushoto.Select Matthew 25:33

34"Kisha Mfalme atawaambia wale walio upande wake wa kulia, Njoni enyi mliobarikiwa na Baba yangu; pokeeni Ufalme mliotayarishiwa tangu kuumbwa kwa ulimwengu.Select Matthew 25:34

35Maana nilikuwa na njaa nanyi mkanipa chakula; nilikuwa na kiu nanyi mkanipa maji; nilikuwa mgeni nanyi mkanikaribisha;Select Matthew 25:35

36nilikuwa uchi, mkanivika; nilikuwa mgonjwa nanyi mkaja kunitazama; nilikuwa gerezani nanyi mkaja kunitembelea.Select Matthew 25:36

37Hapo, hao watu wema watamjibu mfalme Bwana, ni lini tulikuona mwenye njaa nasi tukakupa chakula, au ukiwa na kiu nasi tukakunywesha maji?Select Matthew 25:37

38Ni lini tulikuona ukiwa mgeni nasi tukakukaribisha, au bila nguo nasi tukakuvika?Select Matthew 25:38

39Ni lini tulikuona ukiwa mgonjwa au mfungwa nasi tukaja kukutazama?Select Matthew 25:39

40Mfalme atawajibu, Kweli nawaambieni, kila kitu mlichomtendea mmojawapo wa hawa ndugu zangu wadogo, mlinitendea mimi.Select Matthew 25:40

41"Kisha atawaambia wale walio upande wake wa kushoto, Ondokeni mbele yangu enyi mliolaaniwa! Nendeni katika moto wa milele aliotayarishiwa Ibilisi na malaika wake.Select Matthew 25:41

42Maana nilikuwa na njaa nanyi hamkunipa chakula; nilikuwa na kiu nanyi hamkunipa maji.Select Matthew 25:42

43Nilikuwa mgeni nanyi hamkunikaribisha; nilikuwa mgonjwa na mfungwa nanyi hamkuja kunitazama.Select Matthew 25:43

44"Hapo nao watajibu, Bwana, ni lini tulikuona ukiwa na njaa au kiu, ukiwa mgeni au bila nguo, ukiwa mgonjwa au mfungwa, nasi hatukuja kukuhudumia?Select Matthew 25:44

45Naye atawajibu, Nawaambieni kweli, kila mlipokataa kumtendea mambo haya mmojawapo wa hawa wadogo, mlikataa kunitendea mimi.Select Matthew 25:45

46Basi, hawa watakwenda kwenye adhabu ya milele, lakini wale waadilifu watakwenda kwenye uzima wa milele."Select Matthew 25:46