10John 10

1Yesu alisema "Kweli nawaambieni, yeyote yule asiyeingia katika zizi la kondoo kwa kupitia mlangoni, bali hupenya na kuingia kwa njia nyingine, huyo ni mwizi na mnyang'anyi.Select John 10:1

2Lakini anayeingia kwa kupitia mlangoni, huyo ndiye mchungaji wa kondoo.Select John 10:2

3Mngoja mlango wa zizi humfungulia, na kondoo husikia sauti yake, naye huwaita kondoo wake kila mmoja kwa jina lake na kuwaongoza nje.Select John 10:3

4Akisha watoa nje huwatangulia mbele nao kondoo humfuata, kwani wanaijua sauti yake.Select John 10:4

5Kondoo hao hawawezi kumfuata mgeni, bali watamkimbia kwa sababu hawaijui sauti yake."Select John 10:5

6Yesu aliwaambia mfano huo, lakini wao hawakuelewa alichotaka kuwaambia.Select John 10:6

7Basi, akasema tena, "Kweli nawaambieni, mimi ni mlango wa kondoo.Select John 10:7

8Wale wengine wote waliokuja kabla yangu ni wezi na wanyang'anyi, nao kondoo hawakuwasikiliza.Select John 10:8

9Mimi ni mlango. Anayeingia kwa kupitia kwangu ataokolewa; ataingia na kutoka, na kupata malisho.Select John 10:9

10Mwizi huja kwa shabaha ya kuiba, kuua na kuharibu. Mimi nimekuja mpate kuwa na uzima--uzima kamili.Select John 10:10

11"Mimi ni mchungaji mwema. Mchungaji mwema huutoa uhai wake kwa ajili ya kondoo wake.Select John 10:11

12Mtu wa kuajiriwa ambaye si mchungaji, na wala kondoo si mali yake, anapoona mbwa mwitu anakuja, huwaacha kondoo na kukimbia. Kisha mbwa mwitu huwakamata na kuwatawanya.Select John 10:12

13Yeye hajali kitu juu ya kondoo kwa sababu yeye ni mtu wa mshahara tu.Select John 10:13

14Mimi ni mchungaji mwema. Nawajua walio wangu, nao walio wangu wananijua mimi,Select John 10:14

15kama vile Baba anijuavyo, nami nimjuavyo Baba. Mimi nayatoa maisha yangu kwa ajili yao.Select John 10:15

16Tena ninao kondoo wengine ambao hawamo zizini humu. Inanibidi kuwaleta hao pia, nao wataisikia sauti yangu, na kutakuwako kundi moja na mchungaji mmoja.Select John 10:16

17"Baba ananipenda kwani nautoa uhai wangu ili nipate kuupokea tena.Select John 10:17

18Hakuna mtu anayeninyang'anya uhai wangu; mimi na nautoa kwa hiari yangu mwenyewe. Ninao uwezo wa kuutoa na uwezo wa kuuchukua tena. Hivi ndivyo Baba alivyoniamuru nifanye."Select John 10:18

19Kukawa tena na mafarakano kati ya Wayahudi kwa sababu ya maneno haya.Select John 10:19

20Wengi wao wakasema, "Ana pepo; tena ni mwendawazimu! Ya nini kumsikiliza?"Select John 10:20

21Wengine wakasema, "Haya si maneno ya mwenye pepo. Je, pepo anaweza kuyafumbua macho ya vipofu?"Select John 10:21

22Huko Yerusalemu kulikuwa na sikukuu ya Kutabaruku. Wakati huo ulikuwa wa baridi.Select John 10:22

23Naye Yesu akawa anatembea Hekaluni katika ukumbi wa Solomoni.Select John 10:23

24Basi, Wayahudi wakamzunguka, wakamwuliza, "Utatuacha katika mashaka mpaka lini? Kama wewe ndiye Kristo, basi, tuambie wazi."Select John 10:24

25Yesu akawajibu, "Nimewaambieni, lakini hamsadiki. Kazi ninazozifanya mimi kwa jina la Baba yangu zinanishuhudia.Select John 10:25

26Lakini ninyi hamsadiki kwa sababu ninyi si kondoo wangu.Select John 10:26

27Kondoo wangu huisikia sauti yangu; mimi nawajua, nao hunifuata.Select John 10:27

28Mimi nawapa uzima wa milele; nao hawatapotea milele, wala hakuna mtu atakayeweza kuwatoa mkononi mwangu.Select John 10:28

29Baba yangu ambaye ndiye aliyenipa hao ni mkuu kuliko wote, wale hakuna awezaye kuwatoa mikononi mwake Baba.Select John 10:29

30Mimi na Baba, tu mmoja."Select John 10:30

31Basi, Wayahudi wakachukua mawe ili wamtupie.Select John 10:31

32Yesu akawaambia, "Nimewaonyesheni kazi nyingi kutoka kwa Baba. Ni ipi kati ya hizo inayowafanya mnipige mawe?"Select John 10:32

33Wayahudi wakamjibu, "Hatukupigi mawe kwa ajili ya tendo jema, ila kwa sababu ya kukufuru! Maana wajifanya kuwa Mungu hali wewe ni binadamu tu."Select John 10:33

34Yesu akawajibu, "Je, haikuandikwa katika Sheria yenu: Mimi nimesema, ninyi ni miungu?Select John 10:34

35Mungu aliwaita miungu wale waliopewa neno lake; nasi twajua kwamba Maandiko Matakatifu yasema ukweli daima.Select John 10:35

36Je, yeye ambaye Baba alimweka wakfu na kumtuma ulimwenguni, mnamwambia: Unakufuru, eti kwa sababu nilisema: Mimi ni Mwana wa Mungu?Select John 10:36

37Kama sifanyi kazi za Baba yangu msiniamini.Select John 10:37

38Lakini ikiwa ninazifanya, hata kama hamniamini, walau ziaminini hizo kazi mpate kujua na kutambua kwamba Baba yuko ndani yangu, nami niko ndani yake."Select John 10:38

39Wakajaribu tena kumkamata lakini akachopoka mikononi mwao.Select John 10:39

40Yesu akaenda tena ng'ambo ya mto Yordani, mahali Yohane alipokuwa akibatiza, akakaa huko.Select John 10:40

41Watu wengi walimwendea wakasema, "Yohane hakufanya ishara yoyote. Lakini yale yote Yohane aliyosema juu ya mtu huyu ni kweli kabisa."Select John 10:41

42Watu wengi mahali hapo wakamwamini.Select John 10:42