6Galatians 6

1Ndugu, kama mkimwona mtu fulani amekosea, basi, ninyi mnaoongozwa na Roho mwonyeni mtu huyo ajirekebishe; lakini fanyeni hivyo kwa upole, mkiwa na tahadhari msije nanyi wenyewe mkajaribiwa.Select Galatians 6:1

2Saidianeni kubeba mizigo yenu na hivyo mtatimiza sheria ya Kristo.Select Galatians 6:2

3Mtu akijiona kuwa ni kitu, na kumbe si kitu, huyo anajidanganya mwenyewe.Select Galatians 6:3

4Lakini kila mmoja na aupime vizuri mwenendo wake mwenyewe. Ukiwa mwema, basi, anaweza kuona fahari juu ya alichofanya bila kuwa na sababu ya kujilinganisha na mtu mwingine.Select Galatians 6:4

5Maana kila mmoja anao mzigo wake mwenyewe wa kubeba.Select Galatians 6:5

6Mwenye kufundishwa neno la Mungu na amshirikishe mwalimu wake riziki zake.Select Galatians 6:6

7Msidanganyike; Mungu hafanyiwi dhihaka. Alichopanda mtu ndicho atakachovuna.Select Galatians 6:7

8Apandaye katika tamaa za kidunia, atavuna humo uharibifu; lakini akipanda katika Roho, atavuna kutoka kwa Roho uzima wa milele.Select Galatians 6:8

9Basi, tusichoke kutenda mema; maana tusipolegea tutavuna mavuno kwa wakati wake.Select Galatians 6:9

10Kwa hiyo, tukiwa bado na wakati, tuwatendee watu wote mema, na hasa ndugu wa imani yetu.Select Galatians 6:10

11Tazameni jinsi nilivyoandika kwa herufi kubwa, kwa mkono wangu mwenyewe.Select Galatians 6:11

12Wale wanaotaka kuonekana wazuri kwa mambo ya mwili ndio wanaotaka kuwalazimisha ninyi mtahiriwe. Wanafanya hivyo kwa sababu moja tu: kusudi wao wenyewe wasije wakadhulumiwa kwa sababu ya msalaba wa Kristo.Select Galatians 6:12

13Maana, hao wenyewe waliotahiriwa hawaishiki Sheria; huwataka ninyi mtahiriwe wapate kujivunia alama hiyo mwilini mwenu.Select Galatians 6:13

14Lakini mimi sitajivunia kamwe chochote isipokuwa msalaba wa Bwana wetu Yesu Kristo; maana kwa njia ya msalaba huo ulimwengu umesulubiwa kwangu, nami nimesulubiwa kwa ulimwengu.Select Galatians 6:14

15Kutahiriwa au kutotahiriwa si kitu; cha maana ni kuwa kiumbe kipya.Select Galatians 6:15

16Wanaoufuata mwongozo huo nawatakia amani na huruma; amani na huruma kwa Israeli--Wateule wa Mungu.Select Galatians 6:16

17Basi, sasa mtu yeyote asinisumbue tena, maana alama nilizo nazo mwilini mwangu ni zile za Yesu.Select Galatians 6:17

18Ndugu, nawatakieni ninyi nyote neema ya Bwana wetu Kristo. Amina.Select Galatians 6:18