17John 17

1Yesu alipokwisha sema hayo, alitazama juu mbinguni, akasema, "Baba, saa imefika! Mtukuze Mwanao ili naye Mwana apate kukutukuza.Select John 17:1

2Maana ulimpa Mwanao mamlaka juu ya watu wote ili awape uzima wa milele wote hao uliompa.Select John 17:2

3Na uzima wa milele ndio huu: kukujua wewe uliye peke yako Mungu wa kweli, na kumjua Yesu Kristo uliyemtuma.Select John 17:3

4Mimi nimekutukuza hapa duniani; nimeikamilisha ile kazi uliyonipa nifanye.Select John 17:4

5Sasa, Baba, nitukuze mbele yako kwa ule utukufu niliokuwa nao kabla ya kuumbwa ulimwengu.Select John 17:5

6"Nimekufanya ujulikane kwa watu wale ulionipa kutoka duniani. Walikuwa watu wako, nawe ukanipa wawe wangu; nao wamelishika neno lako.Select John 17:6

7Sasa wanajua kwamba kila ulichonipa kimetoka kwako.Select John 17:7

8Mimi nimewapa ule ujumbe ulionipa nao wameupokea; wanajua kwamba kweli nimetoka kwako, na wanaamini kwamba wewe ulinituma.Select John 17:8

9"Nawaombea hao; siuombei ulimwengu, ila nawaombea hao ulionipa, maana ni wako.Select John 17:9

10Yote niliyo nayo ni yako, na yako ni yangu; na utukufu wangu umeonekana ndani yao.Select John 17:10

11Na sasa naja kwako; simo tena ulimwenguni, lakini wao wamo ulimwenguni. Baba Mtakatifu! Kwa nguvu ya jina lako ulilonipa, tafadhali uwaweke salama ili wawe kitu kimoja kama sisi tulivyo mmoja.Select John 17:11

12Nilipokuwa nao, mimi niliwaweka salama kwa nguvu ya jina lako ulilonipa. Mimi nimewalinda, wala hakuna hata mmoja wao aliyepotea, isipokuwa yule aliyelazimika kupotea ili Maandiko Matakatifu yapate kutimia.Select John 17:12

13Basi, sasa naja kwako, na nimesema mambo haya ulimwenguni, ili waweze kushiriki kikamilifu furaha yangu.Select John 17:13

14Mimi nimewapa neno lako, nao ulimwengu ukawachukia, kwa sababu wao si wa ulimwengu kama vile nami nisivyo wa ulimwengu.Select John 17:14

15Siombi uwatoe ulimwenguni, bali naomba uwakinge na yule Mwovu.Select John 17:15

16Wao si wa ulimwengu, kama vile nami nisivyo wa ulimwengu.Select John 17:16

17Waweke wakfu kwa ukweli; neno lako ni ukweli.Select John 17:17

18Kama vile ulivyonituma ulimwenguni, nami pia nimewatuma wao ulimwenguni;Select John 17:18

19na kwa ajili yao mimi mwenyewe najiweka wakfu ili nao pia wafanywe wakfu katika ukweli.Select John 17:19

20"Siwaombei hao tu, bali nawaombea pia wote watakaoamini kutokana na ujumbe wao.Select John 17:20

21Naomba ili wote wawe kitu kimoja. Baba! Naomba wawe ndani yetu kama vile wewe ulivyo ndani yangu nami ndani yako. Naomba wawe kitu kimoja kusudi ulimwengu upate kuamini kwamba wewe ulinituma.Select John 17:21

22Mimi nimewapa utukufu uleule ulionipa mimi, ili wawe kitu kimoja kama nasi tulivyo mmoja;Select John 17:22

23mimi niwe ndani yao, nawe uwe ndani yangu; naomba wakamilishwe na kuwa kitu kimoja, ili ulimwengu upate kujua kwamba wewe ulinituma, na kwamba unawapenda wao kama unavyonipenda mimi.Select John 17:23

24"Baba! Nataka wao ulionipa wawe pamoja nami pale nilipo, ili wauone utukufu wangu ulionipa; kwa kuwa ulinipenda kabla ya kuumbwa ulimwengu.Select John 17:24

25Baba Mwema! Ulimwengu haukujui, lakini mimi nakujua. Hawa nao wanajua kwamba wewe ulinituma.Select John 17:25

26Nimekufanya ujulikane kwao na nitaendelea kufanya hivyo, ili upendo ulio nao kwangu uwe ndani yao, nami niwe ndani yao."Select John 17:26