1Luke 1

1Mheshimiwa Theofilo: Watu wengi wamejitahidi kuandika juu ya mambo yale yaliyotendeka kati yetu.Select Luke 1:1

2Waliandika kama tulivyoelezwa na wale walioyaona kwa macho yao tangu mwanzo, na waliotangaza ujumbe huo.Select Luke 1:2

3Inafaa nami pia, Mheshimiwa, baada ya kuchunguza kwa makini mambo yote tangu mwanzo, nikuandikie kwa mpango,Select Luke 1:3

4ili nawe uweze kujionea mwenyewe ukweli wa mambo yale uliyofundishwa.Select Luke 1:4

5Wakati Herode alipokuwa mfalme wa Yudea, kulikuwa na kuhani mmoja jina lake Zakaria, wa kikundi cha Abia. Mke wake alikuwa anaitwa Elisabeti, naye alikuwa wa ukoo wa kuhani Aroni.Select Luke 1:5

6Wote wawili walikuwa wanyofu mbele ya Mungu, wakiishi kwa kufuata amri na maagizo yote ya Bwana bila lawama.Select Luke 1:6

7Lakini hawakuwa wamejaliwa watoto kwa vile Elisabeti alikuwa tasa, nao wote wawili walikuwa wazee sana.Select Luke 1:7

8Siku moja, ilipokuwa zamu yake ya kutoa huduma ya ukuhani mbele ya Mungu,Select Luke 1:8

9Zakariya alichaguliwa kwa kura, kama ilivyokuwa desturi, kuingia hekaluni ili afukize ubani.Select Luke 1:9

10Watu, umati mkubwa, walikuwa wamekusanyika nje wanasali wakati huo wa kufukiza ubani.Select Luke 1:10

11Malaika wa Bwana akamtokea humo ndani, akasimama upande wa kulia wa madhabahu ya kufukizia ubani.Select Luke 1:11

12Zakariya alipomwona alifadhaika, hofu ikamwingia.Select Luke 1:12

13Lakini malaika akamwambia, "Zakariya, usiogope, kwa maana sala yako imesikilizwa, na Elisabeti mkeo atakuzalia mtoto wa kiume, nawe utampa jina Yohane.Select Luke 1:13

14Utakuwa na furaha kubwa na watu wengi watashangilia kwa sababu ya kuzaliwa kwake.Select Luke 1:14

15Atakuwa mkuu mbele ya Bwana. Hatakunywa divai wala kileo, atajazwa Roho Mtakatifu tangu tumboni mwa mama yake.Select Luke 1:15

16Atawaelekeza wengi wa watu wa Israeli kwa Bwana Mungu wao.Select Luke 1:16

17Atamtangulia Bwana akiongozwa na nguvu na roho kama Eliya. Atawapatanisha kina baba na watoto wao; atawafanya wasiotii wawe na fikira za uadilifu, na hivyo amtayarishie Bwana watu wake."Select Luke 1:17

18Zakariya akamwambia huyo malaika, "Ni kitu gani kitakachonihakikishia jambo hilo? Mimi ni mzee, hali kadhalika na mke wangu."Select Luke 1:18

19Malaika akamjibu, "Mimi ni Gabrieli, nisimamaye mbele ya Mungu, na nimetumwa niseme nawe, nikuletee hii habari njema.Select Luke 1:19

20Sikiliza, utakuwa bubu kwa sababu huyasadiki haya maneno yatakayotimia kwa wakati wake. Hutaweza kusema mpaka hayo niliyokuambia yatakapotimia."Select Luke 1:20

21Wakati huo, wale watu walikuwa wanamngoja Zakariya huku wakishangaa juu ya kukawia kwake Hekaluni.Select Luke 1:21

22Alipotoka nje, hakuweza kusema nao. Ikawa dhahiri kwao kwamba alikuwa ameona maono Hekaluni. Lakini akawa anawapa ishara kwa mikono, akabaki bubu.Select Luke 1:22

23Zamu yake ya kuhudumu ilipokwisha, alirudi nyumbani.Select Luke 1:23

24Baadaye Elisabeti mkewe akapata mimba. Akajificha nyumbani kwa muda wa miezi mitano, akisema:Select Luke 1:24

25"Hivi ndivyo alivyonitendea Bwana; ameniangalia na kuniondolea aibu niliyokuwa nayo mbele ya watu."Select Luke 1:25

26Mnamo mwezi wa sita, malaika Gabrieli alitumwa na Mungu aende kwenye mji uitwao Nazareti huko Galilaya,Select Luke 1:26

27kwa msichana mmoja aitwaye Maria, mchumba wa mtu mmoja jina lake Yosefu, wa ukoo wa Daudi.Select Luke 1:27

28Malaika akamwendea, akamwambia, "Salamu Maria! Umejaliwa neema nyingi! Bwana yu pamoja nawe."Select Luke 1:28

29Maria aliposikia maneno hayo alifadhaika sana, akawaza: maneno haya yanamaanisha nini?Select Luke 1:29

30Malaika akamwambia, "Usiogope Maria, kwa maana Mungu amekujalia neema.Select Luke 1:30

31Utachukua mimba, utamzaa mtoto wa kiume na utampa jina Yesu.Select Luke 1:31

32Yeye atakuwa mkuu na ataitwa Mwana wa Mungu Mkuu. Bwana Mungu atampa kiti cha mfalme Daudi, babu yake.Select Luke 1:32

33Kwa hivyo atautawala ukoo wa Yakobo milele, na ufalme wake hautakuwa na mwisho."Select Luke 1:33

34Maria akamjibu, "Yatawezekanaje hayo, hali mimi ni bikira?"Select Luke 1:34

35Malaika akamjibu, "Roho Mtakatifu atakushukia, na uwezo wake Mungu Mkuu utakujia kama kivuli; kwa sababu hiyo, mtoto atakayezaliwa ataitwa Mtakatifu, Mwana wa Mungu.Select Luke 1:35

36Ujue pia kwamba hata Elisabeti, jamaa yako, naye amepata mimba ingawa ni mzee, na sasa ni mwezi wa sita kwake yeye ambaye watu walimfahamu kuwa tasa.Select Luke 1:36

37Kwa maana hakuna jambo lisilowezekana kwa Mungu."Select Luke 1:37

38Maria akasema, "Mimi ni mtumishi wa Bwana, nitendewe kama ulivyosema." Kisha yule malaika akaenda zake.Select Luke 1:38

39Siku kadhaa baadaye, Maria alifunga safari akaenda kwa haraka hadi mji mmoja ulioko katika milima ya Yuda.Select Luke 1:39

40Huko, aliingia katika nyumba ya Zakariya, akamsalimu Elisabeti.Select Luke 1:40

41Mara tu Elisabeti aliposikia sauti ya Maria, mtoto mchanga tumboni mwake Elisabeti akaruka. Naye Elisabeti akajazwa Roho Mtakatifiu,Select Luke 1:41

42akasema kwa sauti kubwa, "Umebarikiwa kuliko wanawake wote, naye utakayemzaa amebarikiwa.Select Luke 1:42

43Mimi ni nani hata mama wa Bwana wangu afike kwangu?Select Luke 1:43

44Nakwambia, mara tu niliposikia sauti yako, mtoto mchanga tumboni mwangu aliruka kwa furaha.Select Luke 1:44

45Heri yako wewe uliyesadiki kwamba yatatimia yale Bwana aliyokwambia."Select Luke 1:45

46Naye Maria akasema,Select Luke 1:46

47"Moyo wangu wamtukuza Bwana, roho yangu inafurahi kwa sababu ya Mungu Mwokozi wangu.Select Luke 1:47

48Kwa kuwa amemwangalia kwa huruma mtumishi wake mnyenyekevu. Hivyo tangu sasa watu wote wataniita mwenye heri.Select Luke 1:48

49Kwa kuwa Mwenyezi Mungu amenitendea makuu, jina lake ni takatifu.Select Luke 1:49

50Huruma yake kwa watu wanaomcha hudumu kizazi hata kizazi.Select Luke 1:50

51Amefanya mambo makuu kwa mkono wake: amewatawanya wenye kiburi katika mawazo ya mioyo yao;Select Luke 1:51

52amewashusha wenye nguvu kutoka vitu vyao vya enzi, akawakweza wanyenyekevu.Select Luke 1:52

53Wenye njaa amewashibisha mema, matajiri amewaacha waende mikono mitupu.Select Luke 1:53

54Amemsaidia Israeli mtumishi wake, akikumbuka huruma yake.Select Luke 1:54

55Kama alivyowaahidia wazee wetu Abrahamu na wazawa wake hata milele."Select Luke 1:55

56Maria alikaa na Elisabeti kwa muda upatao miezi mitatu, halafu akarudi nyumbani kwake.Select Luke 1:56

57Wakati wa kujifungua kwake Elisabeti ulifika, akajifungua mtoto wa kiume.Select Luke 1:57

58Jirani na watu wa jamaa yake walipopata habari kwamba Bwana amemwonea huruma kubwa, walifurahi pamoja naye.Select Luke 1:58

59Halafu siku ya nane walifika kumtahiri mtoto, wakataka kumpa jina la baba yake, Zakariya.Select Luke 1:59

60Lakini mama yake akasema, "La, sivyo, bali ataitwa Yohane."Select Luke 1:60

61Wakamwambia, "Mbona hakuna yeyote katika ukoo wake mwenye jina hilo?"Select Luke 1:61

62Basi, wakamwashiria baba yake wapate kujua alitaka mtoto wake apewe jina gani.Select Luke 1:62

63Naye akaomba kibao cha kuandikia, akaandika hivi: "Yohane ndilo jina lake." Wote wakastaajabu.Select Luke 1:63

64Papo hapo midomo na ulimi wake Zakariya vikafunguliwa, akawa anaongea akimsifu Mungu.Select Luke 1:64

65Hofu ikawaingia jirani wote, na habari hizo zikaenea kila mahali katika milima ya Yudea.Select Luke 1:65

66Wote waliosikia mambo hayo waliyatafakari mioyoni mwao wakisema: "Mtoto huyu atakuwa mtu wa namna gani?" Maana, hakika nguvu ya Bwana ilikuwa pamoja naye.Select Luke 1:66

67Zakariya, baba yake mtoto, akajazwa Roho Mtakatifu, akatamka ujumbe wa Mungu:Select Luke 1:67

68"Asifiwe Bwana Mungu wa Israeli, kwani amekuja kuwasaidia na kuwakomboa watu wake.Select Luke 1:68

69Ametupatia Mwokozi shujaa, mzawa wa Daudi mtumishi wake.Select Luke 1:69

70Aliahidi hapo kale kwa njia ya manabii wake watakatifu,Select Luke 1:70

71kwamba atatuokoa mikononi mwa adui zetu na kutoka mikononi mwa wote wanaotuchukia.Select Luke 1:71

72Alisema atawahurumia wazee wetu, na kukumbuka agano lake takatifu.Select Luke 1:72

73Kiapo alichomwapia Abrahamu baba yetu, ni kwamba atatujalia sisiSelect Luke 1:73

74tukombolewe kutoka adui zetu, tupate kumtumikia bila hofu,Select Luke 1:74

75kwa unyofu na uadilifu mbele yake, siku zote za maisha yetu.Select Luke 1:75

76Nawe mwanangu, utaitwa, nabii wa Mungu Mkuu, utamtangulia Bwana kumtayarishia njia yake;Select Luke 1:76

77kuwatangazia watu kwamba wataokolewa kwa kuondolewa dhambi zao.Select Luke 1:77

78Mungu wetu ni mpole na mwenye huruma. Atasababisha pambazuko angavu la ukombozi litujie kutoka juu,Select Luke 1:78

79na kuwaangazia wote wanaokaa katika giza kuu la kifo, aongoze hatua zetu katika njia ya amani."Select Luke 1:79

80Mtoto akakua, akapata nguvu rohoni. Alikaa jangwani mpaka alipojionyesha rasmi kwa watu wa Israeli.Select Luke 1:80