17Luke 17

1Kisha, Yesu akawaambia wanafunzi wake, "Haiwezekani kabisa kusitokee vikwazo vinavyosababisha dhambi; lakini ole wake mtu yule atakayevisababisha.Select Luke 17:1

2Ingekuwa afadhali kwake kufungiwa shingoni jiwe kubwa la kusagia na kutoswa baharini, kuliko kumkwaza mmoja wa wadogo hawa.Select Luke 17:2

3Jihadharini! Kama ndugu yako akikukosea, mwonye; akitubu, msamehe.Select Luke 17:3

4Na kama akikukosea mara saba kwa siku, na kila mara akarudi kwako akisema Nimetubu, lazima umsamehe."Select Luke 17:4

5Mitume wakamwambia Bwana, "Utuongezee imani."Select Luke 17:5

6Naye Bwana akajibu, "Kama imani yenu ingekuwa ndogo hata kama chembe ndogo ya haradali, mngeweza kuuambia mti huu wa mkuyu: Ng'oka ukajipandikize baharini, nao ungewatii.Select Luke 17:6

7"Tuseme mmoja wenu ana mtumishi ambaye analima shambani au anachunga kondoo. Je, anaporudi kutoka shambani, atamwambia: Haraka, njoo ule chakula?Select Luke 17:7

8La! Atamwambia: Nitayarishie chakula, ujifunge tayari kunitumikia mpaka nitakapomaliza kula na kunywa, ndipo nawe ule na unywe.Select Luke 17:8

9Je utamshukuru huyo mtumishi kwa sababu ametimiza aliyoamriwa?Select Luke 17:9

10Hali kadhalika na ninyi mkisha fanya yote mliyoamriwa, semeni: Sisi ni watumishi tusio na faida, tumetimiza tu yale tuliyotakiwa kufanya."Select Luke 17:10

11Yesu akiwa safarini kwenda Yerusalemu alipitia mipakani mwa Samaria na Galilaya.Select Luke 17:11

12Alipokuwa anaingia katika kijiji kimoja, watu kumi wenye ukoma walikutana naye, wakasimama kwa mbali.Select Luke 17:12

13Wakapaza sauti wakisema, "Yesu Mwalimu, tuonee huruma!"Select Luke 17:13

14Alipowaona akawaambia, "Nendeni mkajionyeshe kwa makuhani." Basi, ikawa walipokuwa wanakwenda, wakatakasika.Select Luke 17:14

15Mmoja wao alipoona kwamba ameponywa alirudi akimtukuza Mungu kwa sauti kubwa.Select Luke 17:15

16Akajitupa chini mbele ya miguu ya Yesu huku akimshukuru. Huyo alikuwa Msamaria.Select Luke 17:16

17Hapo Yesu akasema, "Je, si watu kumi walitakaswa? Wale tisa wako wapi?Select Luke 17:17

18Hakupatikana mwingine aliyerudi kumtukuza Mungu ila tu huyu mgeni?"Select Luke 17:18

19Halafu akamwambia huyo mtu, "Simama, uende zako; imani yako imekuponya."Select Luke 17:19

20Wakati mmoja, Mafarisayo walimwuliza Yesu, "Ufalme wa Mungu utakuja lini?" Naye akawajibu, "Ufalme wa Mungu hauji kwa namna itakayoweza kuonekana.Select Luke 17:20

21Wala hakuna atakayeweza kusema, Uko hapa, au Uko pale. Kwa kweli Ufalme wa Mungu uko kati yenu."Select Luke 17:21

22Halafu akawaambia wanafunzi wake, "Siku zinakuja ambapo mtatamani kuona mojawapo ya siku za Mwana wa Mtu, lakini hamtaiona.Select Luke 17:22

23Na watu watawaambieni: Tazameni yuko hapa; ninyi msitoke wala msiwafuate.Select Luke 17:23

24Kwa maana kama vile umeme unavyotokea ghafla na kuangaza anga upande mmoja hadi mwingine, ndivyo Mwana wa Mtu atakavyokuwa siku yake.Select Luke 17:24

25Lakini kabla ya hayo, itambidi ateseke sana na kukataliwa na kizazi hiki.Select Luke 17:25

26Kama ilivyokuwa nyakati za Noa, ndivyo itakavyokuwa katika siku za Mwana wa Mtu.Select Luke 17:26

27Watu waliendelea kula na kunywa, kuoa na kuolewa mpaka wakati ule Noa alipoingia katika safina. Gharika ikatokea na kuwaangamiza wote.Select Luke 17:27

28Itakuwa kama ilivyotokea wakati wa Loti. Watu waliendelea kula na kunywa, kununua na kuuza, kupanda mbegu na kujenga.Select Luke 17:28

29Lakini siku ile Loti alipoondoka Sodoma, moto na kiberiti vikanyesha kama mvua kutoka mbinguni na kuwaangamiza wote.Select Luke 17:29

30Ndivyo itakavyokuwa siku ile Mwana wa Mtu atakapofunuliwa.Select Luke 17:30

31"Siku hiyo, yeyote atakayekuwa juu ya paa asishuke nyumbani kuchukua mali yake. Kadhalika, naye atakayekuwa shambani asirudi nyuma.Select Luke 17:31

32Kumbukeni yaliyompata mke wa Loti.Select Luke 17:32

33Yeyote anayetaka kuiokoa nafsi yake, ataipoteza; na yeyote anayeipoteza, ataiokoa.Select Luke 17:33

34Nawaambieni, siku ile usiku watu wawili watakuwa wanalala pamoja, mmoja atachukuliwa na yule mwingine ataachwa.Select Luke 17:34

35Wanawake wawili watakuwa wakisaga nafaka pamoja; mmoja atachukuliwa na mwingine ataachwa."Select Luke 17:35

36Watu wawili watakuwa shambani; mmoja atachukuliwa na mwingine ataachwa.Select Luke 17:36

37Hapo wakamwuliza, "Ni wapi Bwana?" Naye akawaambia, "Ulipo mzoga, ndipo tai watakapokusanyikia."Select Luke 17:37