13Mark 13

1Yesu alipokuwa anatoka Hekaluni, mmoja wa wanafunzi wake alimwambia, "Mwalimu, tazama jinsi mawe haya na majengo haya yalivyo ya ajabu!"Select Mark 13:1

2Yesu akamwambia, "Je, unayaona majengo haya makubwa? Hakuna hata jiwe moja litakalosalia juu ya lingine; kila kitu kitabomolewa."Select Mark 13:2

3Yesu alipokuwa ameketi juu ya mlima wa Mizeituni akielekea Hekalu, Petro, Yakobo, Yohane na Andrea wakamwuliza kwa faragha,Select Mark 13:3

4"Twambie mambo haya yatatukia lini? Ni ishara gani itakayoonyesha kwamba mambo haya karibu yatimizwe?"Select Mark 13:4

5Yesu akaanza kuwaambia, "Jihadharini msije mkadanganywa na mtu.Select Mark 13:5

6Maana wengi watakuja wakilitumia jina langu, wakisema, Mimi ndiye! nao watawapotosha watu wengi.Select Mark 13:6

7Mtakaposikia juu ya vita na fununu za vita, msifadhaike. Mambo hayo lazima yatokee, lakini mwisho wenyewe ungali bado.Select Mark 13:7

8Taifa moja litapigana na taifa lingine; utawala mmoja utapigana na utawala mwingine; kila mahali kutakuwa na mitetemeko ya ardhi na njaa. Mambo haya ni kama tu maumivu ya kwanza ya kujifungua mtoto.Select Mark 13:8

9"Lakini ninyi jihadharini. Maana watu watawapelekeni mahakamani, na kuwapigeni katika masunagogi. Mtapelekwa mbele ya watawala na wafalme kwa sababu yangu ili mpate kunishuhudia kwao.Select Mark 13:9

10Lakini lazima kwanza Habari Njema ihubiriwe kwa mataifa yote.Select Mark 13:10

11Nao watakapowatieni nguvuni na kuwapeleka mahakamani, msiwe na wasiwasi juu ya yale mtakayosema; saa ile itakapofika, semeni chochote mtakachopewa, maana si ninyi mtakaosema, bali Roho Mtakatifu.Select Mark 13:11

12Ndugu atamsaliti ndugu yake auawe; baba atamsaliti mwanae; watoto watawashambulia wazazi wao na kuwaua.Select Mark 13:12

13Watu wote watawachukieni ninyi kwa sababu ya jina langu. Lakini atakayevumilia mpaka mwisho ndiye atakayeokolewa.Select Mark 13:13

14"Mtakapoona Chukizo Haribifu limesimama mahali ambapo si pake, (msomaji na atambue maana yake!) Hapo watu walioko Yudea wakimbilie milimani.Select Mark 13:14

15Mtu aliye juu ya paa la nyumba asishuke kuingia nyumbani mwake kuchukua kitu.Select Mark 13:15

16Aliye shambani asirudi nyuma kuchukua vazi lake.Select Mark 13:16

17Ole wao waja wazito na wanaonyonyesha siku hizo!Select Mark 13:17

18Ombeni ili mambo hayo yasitukie nyakati za baridi.Select Mark 13:18

19Maana wakati huo kutakuwa na dhiki ambayo haijatokea tangu Mungu alipoumba ulimwengu mpaka leo, wala haitatokea tena.Select Mark 13:19

20Kama Bwana asingepunguza siku hizo, hakuna binadamu ambaye angeokolewa. Lakini kwa ajili ya wateule wake, Bwana amezipunguza siku hizo.Select Mark 13:20

21"Basi mtu akiwaambieni, Tazama, Kristo yupo hapa! au Yupo pale! msimsadiki.Select Mark 13:21

22Maana watatokea kina Kristo wa uongo na manabii wa uongo, watafanya ishara na maajabu, ili kuwapotosha wateule wa Mungu, kama ikiwezekana.Select Mark 13:22

23Lakini ninyi jihadharini. Mimi nimewaambieni mambo yote kabla hayajatokea.Select Mark 13:23

24"Basi, siku hizo baada ya dhiki hiyo, jua litatiwa giza na mwezi hautaangaza.Select Mark 13:24

25Nyota zitaanguka kutoka angani, na nguvu za mbingu zitatikiswa.Select Mark 13:25

26Hapo watamwona Mwana wa Mtu akija katika mawingu kwa nguvu nyingi na utukufu.Select Mark 13:26

27Kisha atawatuma malaika wake; atawakusanya wateule wake kutoka pande zote nne za dunia, kutoka mwisho wa dunia mpaka mwisho wa mbingu.Select Mark 13:27

28"Kwa mtini jifunzeni mfano huu: Mara tu matawi yake yanapoanza kuwa laini na kuchanua majani, mnajua kwamba wakati wa kiangazi umekaribia.Select Mark 13:28

29Hali kadhalika nanyi mtakapoona mambo hayo yakitendeka, jueni kwamba Mwana wa Mtu yuko karibu sana.Select Mark 13:29

30Nawaambieni kweli, kizazi hiki hakitapita kabla ya mambo hayo yote kutukia.Select Mark 13:30

31Mbingu na dunia zitapita, lakini maneno yangu hayatapita kamwe.Select Mark 13:31

32"Lakini hakuna mtu ajuaye siku au saa hiyo itakuja lini; wala malaika wa mbinguni, wala Mwana; Baba peke yake ndiye ajuaye.Select Mark 13:32

33Muwe waangalifu na kesheni, maana hamjui wakati huo utafika lini.Select Mark 13:33

34Itakuwa kama mtu anayeondoka nyumbani kwenda safari akiwaachia watumishi wake madaraka, kila mmoja na kazi yake; akamwambia mlinzi wa mlango awe macho.Select Mark 13:34

35Kesheni, basi, kwa maana hamjui mwenye nyumba atarudi lini; huenda ikawa jioni, usiku wa manane, alfajiri au asubuhi.Select Mark 13:35

36Kesheni ili akija ghafla asije akawakuta mmelala.Select Mark 13:36

37Ninayowaambieni ninyi, nawaambia wote: Kesheni!"Select Mark 13:37