161 Corinthians 16

1Ngayon tungkol sa ambagan sa mga banal, ay gawin din naman ninyong gaya ng iniutos ko sa mga iglesia ng Galacia.Select 1 Corinthians 16:1

2Tuwing unang araw ng sanglinggo ang bawa't isa sa inyo ay magbukod na magsimpan, ayon sa kaniyang iginiginhawa, upang huwag nang gumawa ng mga ambagan sa pagpariyan ko.Select 1 Corinthians 16:2

3At pagdating ko, ang sinomang inyong mamagalingin, ay sila ang aking susuguin na may mga sulat upang makapagdala ng inyong abuloy sa Jerusalem:Select 1 Corinthians 16:3

4At kung nararapat na ako naman ay pumaroon, sila'y isasama ko.Select 1 Corinthians 16:4

5Nguni't ako'y paririyan sa inyo, pagkaraan ko sa Macedonia; sapagka't magdaraan ako sa Macedonia;Select 1 Corinthians 16:5

6Datapuwa't marahil ako'y matitira sa inyo o makikisama sa inyo sa taginaw, upang ako'y tulungan ninyo sa aking paglalakbay saan man ako pumaroon.Select 1 Corinthians 16:6

7Sapagka't hindi ko ibig na kayo'y makita ngayon sa paglalakbay; sapagka't inaasahan kong ako'y makikisama sa inyong kaunting panahon, kung itutulot ng Panginoon.Select 1 Corinthians 16:7

8Datapuwa't ako'y titigil sa Efeso hanggang sa Pentecostes;Select 1 Corinthians 16:8

9Sapagka't sa akin ay nabuksan ang isang pintuang malaki at mapapakinabangan, at marami ang mga kaaway.Select 1 Corinthians 16:9

10Ngayon kung dumating si Timoteo, ingatan ninyo na siya'y mapasainyo na walang pangamba; sapagka't ginagawa niya ang gawain ng Panginoon, na gaya ko rin naman:Select 1 Corinthians 16:10

11Sinoman nga ay huwag humamak sa kaniya. Kundi tulungan ninyo siyang payapa sa kaniyang paglalakbay, upang siya'y makaparito sa akin: sapagka't inaasahan ko siya'y kasama ng mga kapatid.Select 1 Corinthians 16:11

12Nguni't tungkol sa kapatid na si Apolos, ay ipinamanhik ko sa kaniyang malabis na siya'y pumariyan sa inyong kasama ng mga kapatid: at sa anomang paraan ay hindi niya kalooban na pumariyan ngayon; nguni't paririyan pagkakaroon niya ng panahon.Select 1 Corinthians 16:12

13Magsipagingat kayo, mangagpakatibay kayo sa pananampalataya, kayo'y mangagpakalalake, kayo'y mangagpakalakas.Select 1 Corinthians 16:13

14Gawin ninyo sa pagibig ang lahat ninyong ginagawa.Select 1 Corinthians 16:14

15Ipinamamanhik ko nga sa inyo, mga kapatid (nalalaman ninyo na ang sangbahayan ni Estefanas ay siyang pangunahing bunga ng Acaya, at nangagsitalaga sa paglilingkod sa mga banal),Select 1 Corinthians 16:15

16Na kayo'y pasakop naman sa mga gayon, at sa bawa't tumutulong sa gawa at nagpapagal.Select 1 Corinthians 16:16

17At ikinagagalak ko ang pagdating ni Estefanas at ni Fortunato at ni Acaico: sapagka't ang kakulangan ninyo ay pinunan nila.Select 1 Corinthians 16:17

18Sapagka't inaliw nila ang aking espiritu at ang inyo: magsikilala nga kayo sa mga gayon.Select 1 Corinthians 16:18

19Binabati kayo ng mga iglesia sa Asia. Kayo'y binabating malabis sa Panginoon ni Aquila at ni Prisca pati ng iglesiang nasa kanilang bahay.Select 1 Corinthians 16:19

20Binabati kayo ng lahat ng mga kapatid. Kayo'y mangagbatian ng halik na banal.Select 1 Corinthians 16:20

21Ang bati ko, ni Pablo na sinulat ng aking sariling kamay.Select 1 Corinthians 16:21

22Kung ang sinoman ay hindi umiibig sa Panginoon, ay maging takuwil siya. Maranatha.Select 1 Corinthians 16:22

23Ang biyaya ng Panginoong Jesucristo ay sumainyo nawa.Select 1 Corinthians 16:23

24Ang aking pagibig kay Cristo Jesus ay sumainyo nawang lahat. Siya nawa.Select 1 Corinthians 16:24