4Galatians 4

1¶ Nau mi tok, Long dispela pikinini i kisim samting long papa, inap long taim em i stap pikinini, i no narakain liklik long wanpela wokboi, maski em i bikman bilong olgeta.Select Galatians 4:1

2Tasol em i stap aninit long ol tisa na ol waspapa inap long taim papa i makim.Select Galatians 4:2

3Yes, olsem tasol yumi, taim yumi bin stap ol pikinini, yumi bin stap kalabus aninit long ol hap samting bilong dispela graun.Select Galatians 4:3

4Tasol taim taim bilong pulap i kam pinis, God i salim Pikinini Man bilong em i kam, i kamap long meri, i kamap aninit long lo,Select Galatians 4:4

5Long baim bek ol husat i stap aninit long lo, inap long yumi ken kisim nem ol pikinini man long pasin bilong kisim nem pikinini.Select Galatians 4:5

6Na bikos yupela i stap ol pikinini man, God i bin salim Spirit bilong Pikinini Man bilong em i go insait long ol bel bilong yupela, na krai, Aba, Papa.Select Galatians 4:6

7Olsem na yu no stap wanpela wokboi moa, tasol wanpela pikinini man, na sapos wanpela pikinini man, orait wanpela pikinini i kisim samting long God long wok bilong Kraist.Select Galatians 4:7

8¶ Tasol bipo, taim yupela i no bin save long God, yupela i bin wokim wok i go long ol husat tru tru i no ol god.Select Galatians 4:8

9Tasol nau, bihain long yupela i bin save long God, o mobeta, God i save long yupela, olsem wanem yupela i tanim gen i go long ol samting i no gat strong na i rabis tru, we long en yupela i gat laik gen long stap kalabus?Select Galatians 4:9

10Yupela i bihainim ol de, na ol mun, na ol taim, na ol yia.Select Galatians 4:10

11Mi pret long yupela, nogut mi bin wokim hatwok long yupela nating.Select Galatians 4:11

12¶ Ol brata, mi askim yupela plis strong, stap olsem mi stap. Long wanem, mi stap olsem yupela i stap. Yupela i no bin bagarapim mi liklik.Select Galatians 4:12

13Yupela save, long wok bilong ol sik bilong bodi, mi bin autim gutnius long yupela long pastaim olsem wanem.Select Galatians 4:13

14Na dispela traim bilong mi i stap insait long bodi bilong mi yupela i no tingim i olsem samting nating, o givim baksait long en. Tasol yupela i kisim mi olsem wanpela ensel bilong God, yes, olsem Kraist Jisas.Select Galatians 4:14

15Dispela blesing yupela i toktok long en i stap we nau? Long wanem, mi stap witnes bilong yupela, long, sapos i bin gat rot, yupela i bin kamautim ol ai bilong yupela yet, na bin givim ol long mi.Select Galatians 4:15

16Olsem na ating mi kamap birua bilong yupela, bikos mi tokim yupela long tok tru?Select Galatians 4:16

17¶ Ol i hatwok long wokim samting long yupela, tasol i no long gutpela samting. Yes, ol i gat laik long putim yupela ausait, inap long yupela i ken wokim samting long ol.Select Galatians 4:17

18Tasol em i gutpela long man i hatwok long mekim samting olgeta taim long yupela long wanpela gutpela samting, na i no taim mi stap wantaim yupela tasol.Select Galatians 4:18

19¶ Ol liklik pikinini bilong mi, bilong husat mi hatwok wantaim pen long karim pikinini gen inap long taim Kraist i kamap strong insait long yupela.Select Galatians 4:19

20Mi gat laik long stap wantaim yupela nau, na long senisim nek bilong mi. Long wanem, mi gat tupela tingting long yupela.Select Galatians 4:20

21¶ Tokim mi, yupela husat i gat laik long stap aninit long lo, ating i yes long yupela i harim lo?Select Galatians 4:21

22Long wanem, rait i stap pinis, long Ebraham i gat tupela pikinini man, wanpela long slevmeri, na arapela long frimeri.Select Galatians 4:22

23Tasol em husat i kam long slevmeri mama i karim i bihainim pasin bilong bodi. Tasol em husat i kam long frimeri i kam long promis.Select Galatians 4:23

24Ol dispela samting i wanpela piksa. Long wanem, ol dispela em dispela tupela kontrak. Wanpela i kam long maunten Sainai, dispela i kamapim kalabus, dispela em Hegar.Select Galatians 4:24

25Long wanem, dispela Hegar em maunten Sainai long Arebia, na i stap aninit long dispela Jerusalem i stap nau, na i stap kalabus wantaim ol pikinini bilong em.Select Galatians 4:25

26Tasol dispela Jerusalem i stap antap em i fri, husat em i mama bilong yumi olgeta.Select Galatians 4:26

27Long wanem, rait i stap pinis, Wokim amamas tru, yu husat i no inap long karim pikinini na husat i no karim. Brukim i kam ausait na singaut, yu husat i no hatwok long karim pikinini. Long wanem, meri i no gat pikinini olgeta i gat planti moa pikinini long em husat i gat man bilong em.Select Galatians 4:27

28Nau yumi, ol brata, olsem Aisak i bin stap, i stap ol pikinini bilong promis.Select Galatians 4:28

29Tasol olsem long bipo, em husat mama i karim long pasin i bihainim bodi i givim hevi long em husat mama i karim i bihainim Spirit, yes, olsem tasol em i stap nau.Select Galatians 4:29

30Tasol rait bilong God i tok wanem? Rausim slevmeri i go ausait na pikinini man bilong em. Long wanem, pikinini man bilong slevmeri bai i no inap stap pikinini i kisim samting long papa wantaim pikinini man bilong frimeri.Select Galatians 4:30

31Olsem nau, ol brata, yumi i no stap ol pikinini bilong slevmeri, tasol bilong frimeri.Select Galatians 4:31