32 Corinthians 3

1¶ Ating mipela i stat gen long soim wok bilong mipela yet? O ating mipela i gat nid, olsem sampela arapela, ol pas bilong soim wok i go long yupela, o ol pas bilong soim wok i kam long yupela?Select 2 Corinthians 3:1

2Yupela i stap pas bilong mipela God i raitim long ol bel bilong mipela, olgeta man i save long ol na ol i ritim,Select 2 Corinthians 3:2

3Bikos God i tokaut klia tru long yupela i stap wanpela pas bilong Kraist mipela i wokim wok long en, dispela em i no raitim wantaim ing, tasol wantaim Spirit bilong God i stap laip, i no long ol tebol bilong ston, tasol long ol tebol bilong bodi bilong bel.Select 2 Corinthians 3:3

4Na kain bilip mipela i gat, long wok bilong Kraist, i go long God.Select 2 Corinthians 3:4

5I no long mipela i stap inap tru long mipela yet long tingim wanpela kain samting long mipela yet, tasol inap tru bilong mipela i kam long God,Select 2 Corinthians 3:5

6¶ Husat tu i bin mekim mipela ol wokman i inap bilong nupela testamen, i no bilong leta, tasol bilong spirit. Long wanem, leta i kilim, tasol spirit i givim laip.Select 2 Corinthians 3:6

7Tasol sapos wok bilong dai, dispela God i raitim na katim long ol ston, i pulap long glori, inap long ol pikinini bilong Isrel i no inap lukim strong pes bilong Moses bikos pes bilong em i pulap tumas long glori, dispela glori God bai pinisim olgeta,Select 2 Corinthians 3:7

8Wok bilong spirit bai i no inap pulap moa long glori olsem wanem?Select 2 Corinthians 3:8

9Long wanem, sapos wok bilong mekim man i lus long kot i gat glori, planti moa dispela wok bilong mekim man i gat stretpela pasin i winim dispela long glori.Select 2 Corinthians 3:9

10Long wanem, yes, dispela samting God i mekim i pulap long glori i no gat glori long dispela sait, bikos dispela arapela glori i gutpela olgeta.Select 2 Corinthians 3:10

11Long wanem, sapos dispela samting i pinis olgeta i pulap long glori, planti moa dispela samting i stap yet i pulap long glori.Select 2 Corinthians 3:11

12¶ Taim yumi luksave nau long yumi gat kain hop olsem, yumi yusim ol toktok i klia tru.Select 2 Corinthians 3:12

13Na i no olsem Moses, husat i putim wanpela laplap i karamapim pes bilong em, inap long ol pikinini bilong Isrel i no ken lukluk strong long pinis bilong dispela samting God i pinisim olgeta.Select 2 Corinthians 3:13

14Tasol ol tingting bilong ol i aipas. Long wanem, inap long tude dispela laplap stret i stap yet na ol i no tekewe dispela taim ol i ritim olpela testamen. Dispela laplap God i pinisim olgeta insait long Kraist.Select 2 Corinthians 3:14

15Tasol yes, inap long tude, taim ol i ritim Moses, dispela laplap i stap antap long bel bilong ol.Select 2 Corinthians 3:15

16Tasol taim dispela bai i tanim i go long Bikpela, em bai tekewe dispela laplap.Select 2 Corinthians 3:16

17Nau Bikpela em i dispela Spirit. Na we Spirit bilong Bikpela i stap, pasin bilong stap fri i stap.Select 2 Corinthians 3:17

18Tasol yumi olgeta, wantaim pes i op, olsem long wanpela glas, yumi lukim glori bilong Bikpela, na yumi senis i go long dispela piksa stret long glori i go long glori, yes, olsem long wok bilong Spirit bilong Bikpela.Select 2 Corinthians 3:18