4Colossians 4

1¶ Ol bosman, givim long ol wokboi bilong yupela dispela samting i stretpela na i gat wanmak stret, taim yupela i save long yupela tu i gat wanpela Bosman long heven.Select Colossians 4:1

2¶ Stap yet long prea, na was long dispela stret wantaim pasin bilong givim tok tenkyu.Select Colossians 4:2

3Wankain olsem beten tu long mipela, inap long God i ken opim long mipela wanpela dua bilong pasin bilong toktok, long toktok long samting hait bilong Kraist, long dispela tu mi stap long ol kalabus,Select Colossians 4:3

4Inap long mi ken mekim dispela kamap ples klia, olsem mi mas toktok.Select Colossians 4:4

5¶ Wokabaut insait long pasin bilong save tru i go long ol husat i stap ausait, taim yupela i baim bek taim.Select Colossians 4:5

6Larim ol toktok bilong yupela i stap olgeta taim wantaim marimari, na i ken kisim gutpela test wantaim sol, inap long yupela i ken save long yupela i mas bekim tok long olgeta wan wan man olsem wanem.Select Colossians 4:6

7¶ Tikikas bai tokaut long yupela long olgeta sindaun bilong mi, husat em i wanpela brata i stap klostu tru long bel, na wanpela wokman yu inap bilip long em na wanwok insait long Bikpela,Select Colossians 4:7

8Husat mi bin salim long yupela long dispela wankain as stret, inap long em i ken save long sindaun bilong yupela, na givim bel isi long ol bel bilong yupela,Select Colossians 4:8

9Wantaim Onisimas, wanpela brata yu inap bilip long em na i stap klostu tru long bel, husat i wanpela bilong yupela. Ol bai mekim yupela long save long olgeta dispela samting mipela i mekim long hia.Select Colossians 4:9

10Aristakas, wan kalabus bilong mi, i salim gude long yupela, na Markus, pikinini man bilong susa bilong Banabas, (long sait bilong husat yupela i kisim ol tok strong, sapos em i kam long yupela, kisim em.)Select Colossians 4:10

11Na Jisas, husat ol i kolim Jastas, husat i bilong lain bilong katim skin. Ol dispela tasol em ol wanwok bilong mi long kingdom bilong God, husat i bin givim bel isi long mi.Select Colossians 4:11

12Epafras, husat i wanpela bilong yupela, wanpela wokboi bilong Kraist, i salim gude long yupela, husat olgeta taim i save hatwok long helpim yupela long ol prea, inap long yupela i ken sanap inap tru na pulap pinis long olgeta laik bilong God.Select Colossians 4:12

13Long wanem, mi stap witnes bilong em, long em i gat bikpela strongpela tingting long yupela, na ol husat i stap long Leodisia, na ol husat i stap long Hierapolis.Select Colossians 4:13

14Luk, dokta i stap klostu tru long bel, na Dimas, i tok gude long yupela.Select Colossians 4:14

15Tok gude long ol brata husat i stap long Leodisia, na Nimfas, na dispela sios i stap long haus bilong em.Select Colossians 4:15

16Na taim ol i ritim dispela pas namel long yupela, mekim long ol i ken ritim tu long sios bilong ol lain Leodisia. Na wankain olsem long yupela i ken ritim pas i kam long Leodisia.Select Colossians 4:16

17Na tokim Arkipas, Was gut long dispela wok yu bin kisim long Bikpela, inap long yu inapim dispela.Select Colossians 4:17

18Tok gude i kam long han bilong mi Pol. Holim tingting long ol kalabus bilong mi. Marimari i ken stap wantaim yupela. Amen.Select Colossians 4:18