19Luke 19

1¶ Na Jisas i go insait na wokabaut namel long Jeriko.Select Luke 19:1

2Na, lukim, i gat wanpela man husat nem bilong em em Sakias, husat i nambawan hetman namel long ol man bilong kisim takis, na em i maniman.Select Luke 19:2

3Na em i painim rot long lukim Jisas em i husat. Na em i no inap, long wanem, ol man i pas pas tumas, bilong wanem, em i sotpela man.Select Luke 19:3

4Na em i ran i go paslain, na kalapim wanpela diwai sikamor long lukim em. Long wanem, em bai wokabaut long dispela rot.Select Luke 19:4

5Na taim Jisas i kam long dispela ples, em i lukluk i go antap, na lukim em, na tokim em, Sakias, hariap, na kam daun. Long wanem, mi mas i go stap long haus bilong yu tude.Select Luke 19:5

6Na em i hariap, na em i kam daun, na kisim em wantaim amamas tru.Select Luke 19:6

7Na taim ol i lukim dispela, ol olgeta i tok baksait, i spik, Long em i go long stap aninit long lukaut bilong man husat i wanpela sinman.Select Luke 19:7

8Na Sakias i sanap, na tokim Bikpela, Lukim, Bikpela, namba tu hap bilong ol kago bilong mi mi givim long ol rabisman. Na sapos mi bin kisim wanpela samting long wanpela man long wok bilong sutim tok giaman, mi bai givim bekim long em fopela taim.Select Luke 19:8

9Na Jisas i tokim em, Tude pasin bilong kisim bek i kam long dispela haus, bikos em tu em i wanpela pikinini man bilong Ebraham.Select Luke 19:9

10Long wanem, Pikinini Man bilong man i kam long painim na kisim bek dispela husat i lus.Select Luke 19:10

11¶ Na taim ol i harim ol dispela samting, em i skruim tok na toktok long wanpela tok piksa, bilong wanem, em i klostu long Jerusalem, na bilong wanem, ol i ting olsem kingdom bilong God i mas kamap ples klia wantu.Select Luke 19:11

12Olsem na em i tok, Wanpela bikman i go long wanpela longwe kantri long kisim wanpela kingdom bilong em yet, na long kam bek.Select Luke 19:12

13Na em i singautim tenpela wokboi bilong em, na givim long ol tenpela paun, na tokim ol, Holimpas ples inap long mi kam.Select Luke 19:13

14Tasol ol man bilong hap bilong em i hetim em, na salim wanpela toksave i bihainim em, i spik, Mipela i no gat laik long gat dispela man long bosim kingdom long mipela.Select Luke 19:14

15Na em i kamap olsem, long taim em i kam bek, taim em i bin kisim pinis dispela kingdom, nau em i tok strong long ol i ken singautim ol dispela wokboi long kam long em, long husat em i bin givim dispela mani, inap long em i ken save long hamas olgeta wan wan man i bin winim taim em i wokim bisnis long en.Select Luke 19:15

16Nau namba wan i kam, i spik, Bikman, paun bilong yu i bin winim tenpela paun.Select Luke 19:16

17Na em i tokim em, Gutpela, yu gutpela wokboi. Bikos yu bin stap man mi inap bilip long em long wanpela liklik samting tru, nau yu gat namba long bosim tenpela biktaun.Select Luke 19:17

18Na namba tu i kam, i spik, Bikman, paun bilong yu i bin winim faipela paun.Select Luke 19:18

19Na em i tokim em wankain olsem, Yu stap tu long bosim faipela biktaun.Select Luke 19:19

20Na narapela i kam, i spik, Bikman, lukim, paun bilong yu i stap hia, dispela mi bin holimpas i slip insait long wanpela liklik laplap.Select Luke 19:20

21Long wanem, mi pret long yu, bilong wanem, yu stap wanpela hatpela man. Yu kisim dispela i kam antap yu no bin slipim i go daun, na yu kamautim dispela yu no bin planim.Select Luke 19:21

22Na em i tokim em, Ausait long maus bilong yu yet mi bai jasim yu, yu wokboi nogut. Yu save long mi wanpela hatpela man, taim mi kisim dispela i kam antap mi no bin putim i go daun, na taim mi kamautim dispela mi no bin planim.Select Luke 19:22

23Olsem wanem na nau yu no givim mani bilong mi i go long beng, inap long taim mi kam mi ken strong long askim long samting bilong mi yet wantaim winmani?Select Luke 19:23

24Na em i tokim ol husat i sanap klostu, Tekewe dispela paun long em, na givim dispela long em husat i gat tenpela paun.Select Luke 19:24

25(Na ol i tokim em, Bikman, em i gat tenpela paun.)Select Luke 19:25

26Long wanem, mi tokim yupela, Long olgeta wan wan husat i gat, ol bai givim long em. Na long em husat i no gat, yes, long em ol bai tekewe dispela em i gat.Select Luke 19:26

27Tasol ol dispela birua bilong mi, husat i no gat laik long mi ken bosim kingdom long ol, bringim long hia, na kilim ol i dai long ai bilong mi.Select Luke 19:27

28¶ Na taim em i bin toktok olsem, em i go paslain, na go antap long Jerusalem.Select Luke 19:28

29Na em i kamap olsem, taim em i kam klostu long Betfagi na Betani, long maunten ol i kolim maunten bilong ol Oliv, em i salim tupela bilong ol disaipel bilong em,Select Luke 19:29

30I spik, Yupela go long vilis i pas klostu long yupela. Insait long dispela, taim yupela i go insait, yupela bai lukim wanpela pikinini donki ol i pasim, we yet i no gat man i bin sindaun antap long em. Lusim em, na bringim em long hia.Select Luke 19:30

31Na sapos wanpela man i askim yupela, Bilong wanem yupela i lusim em? Yupela bai tok olsem long em, Bilong wanem, Bikpela i gat nid long em.Select Luke 19:31

32Na tupela husat Jisas i salim i go long rot bilong ol, na lukim, yes, olsem em i bin tokim ol.Select Luke 19:32

33Na taim ol i lusim pikinini donki, ol papa bilong em i tokim ol, Bilong wanem yupela i lusim dispela pikinini donki?Select Luke 19:33

34Na ol i tok, Bikpela i gat nid long em.Select Luke 19:34

35Na ol i bringim em long Jisas. Na ol i tromoi ol klos bilong ol antap long dispela pikinini donki, na ol i putim Jisas antap long em.Select Luke 19:35

36Na taim em i go, ol i opim ol klos bilong ol long rot.Select Luke 19:36

37Na taim em i kam klostu, yes, nau long taim rot i go daun long maunten bilong ol Oliv, olgeta dispela bikpela lain tru bilong ol disaipel i stat long wokim amamas tru na litimapim nem bilong God wantaim wanpela bikpela nek bilong tingim olgeta dispela strongpela wok ol i bin lukim,Select Luke 19:37

38I spik, Blesing i stap long dispela King husat i kam long nem bilong Bikpela. Bel isi long heven, na glori i go antap moa olgeta.Select Luke 19:38

39Na sampela bilong ol Farisi i stap namel long dispela bikpela lain tru i tokim em, Tisa, hatim ol disaipel bilong yu.Select Luke 19:39

40Na em i bekim na tokim ol, Mi tokim yupela long, sapos ol dispela i ken pasim maus bilong ol, wantu ol ston bai singaut.Select Luke 19:40

41¶ Na taim em i kam klostu, em i lukim dispela biktaun, na krai tru antap long en,Select Luke 19:41

42I spik, Sapos yu bin save, yes yu, tasol long dispela de bilong yu, ol dispela samting i bilong bel isi bilong yu! Tasol nau ol i haitim ol long ol ai bilong yu.Select Luke 19:42

43Long wanem, ol de bai kam antap long yu, long ol birua bilong yu bai tromoi wanpela baret bilong hait raun nabaut long yu, na raunim yu raun nabaut, na holimpas yu insait long olgeta wan wan sait,Select Luke 19:43

44Na ol bai slipim yu i go stret wantaim graun, na ol pikinini bilong yu insait long yu, na ol bai i no inap lusim insait long yu wanpela ston antap long narapela. Bilong wanem, yu no bin save long taim bilong ol bilong kam lukim yu.Select Luke 19:44

45Na em i go insait long tempel, na em i stat long rausim i go ausait ol husat i salim ol samting insait long en, na ol husat i baim,Select Luke 19:45

46I spik i go long ol, Rait i stap pinis, Haus bilong mi em i haus bilong prea. Tasol yupela i bin mekim dispela i kamap hul bilong ol stilman.Select Luke 19:46

47Na em i skulim ol manmeri olgeta wan wan de insait long tempel. Tasol ol bikpris na ol man bilong rait na ol nambawan bilong ol manmeri i painim rot long bagarapim em olgeta.Select Luke 19:47

48Na ol i no inap long lukim wanem samting ol i ken mekim. Long wanem, olgeta manmeri i putim ia gut tru long harim em.Select Luke 19:48