24Luke 24

1¶ Nau long namba wan de bilong wik, long moningtaim tru tru, ol i kam long matmat, na bringim ol dispela spais ol i bin redim, na sampela arapela i kam wantaim ol.Select Luke 24:1

2Na ol i luksave long ol i bin tantanim ston i lusim matmat.Select Luke 24:2

3Na ol i go insait, na ol i no lukim bodi bilong Bikpela Jisas.Select Luke 24:3

4Na em i kamap olsem, taim ol i paul planti long dispela hap nabaut, lukim, tupela man i sanap klostu long ol long ol klos i lait tru.Select Luke 24:4

5Na taim ol i pret, na lindaunim ol pes bilong ol long graun, ol i tokim ol, Bilong wanem yupela i painim man i stap laip namel long ol daiman?Select Luke 24:5

6Em i no stap hia, tasol em i kirap bek. Tingim gen long em i bin tokim yupela olsem wanem taim em i stap yet long Galili,Select Luke 24:6

7I spik, Ol i mas givim Pikinini Man bilong man i go long ol han bilong ol man i pulap long sin, na nilim em long diwai kros, na namba tri de em i mas kirap bek gen.Select Luke 24:7

8Na ol i tingim gen ol toktok bilong em,Select Luke 24:8

9Na ol i go bek i lusim matmat, na tokim olgeta dispela samting long dispela elevenpela, na long olgeta arapela.Select Luke 24:9

10Em i Maria Makdalin, na Joana, na Maria mama bilong Jems, na ol arapela meri husat i stap wantaim ol, husat i tokim ol dispela samting i go long ol aposel.Select Luke 24:10

11Na ol toktok bilong ol i luk olsem long ol olsem ol stori nating, na ol i no bilipim ol.Select Luke 24:11

12Nau Pita i kirap, na ran i go long matmat. Na taim em i lindaun, em i lukim ol klos bilong naispela laplap i slip ol yet, na em i lusim hap, na tingting planti insait long em yet long dispela samting i kamap olsem.Select Luke 24:12

13¶ Na, lukim, tupela bilong ol i go long dispela de stret long wanpela vilis ol i kolim Emeas, dispela i stap long Jerusalem klostu olsem 60 furlong.Select Luke 24:13

14Na tupela i toktok wantaim long olgeta dispela samting, dispela i bin kamap.Select Luke 24:14

15Na em i kamap olsem, long, taim tupela i stori wantaim na wok long stretim tok, Jisas em yet i kam klostu, na go wantaim ol.Select Luke 24:15

16Tasol ol ai bilong ol i pas inap long ol i no ken save long em.Select Luke 24:16

17Na em i tokim ol, Ol dispela em ol wanem kain toktok, dispela yupela i gat wanpela i go long narapela, taim yupela i wokabaut, na yupela i pilim hevi?Select Luke 24:17

18Na wanpela bilong tupela, husat nem bilong em em Kliopas, i bekim tok long em, Ating yu wanpela ausait man tasol long Jerusalem, na yu no bin save long ol dispela samting i kamap olsem long dispela hap long ol dispela de?Select Luke 24:18

19Na em i tokim tupela, Wanem ol samting? Na ol i tokim em, Long sait bilong Jisas bilong Nasaret, husat i wanpela strongpela profet long wok na tok long ai bilong God na olgeta manmeri.Select Luke 24:19

20Na long ol bikpris na ol hetman bilong mipela i bin givim em olsem wanem long mekim em lus long kot i go long dai, na long ol i bin nilim em long diwai kros.Select Luke 24:20

21Tasol mipela i putim bilip long em i bin stap em husat i mas baim bek Isrel. Na narapela long olgeta dispela, tude em i namba tri de bihain long ol i bin mekim ol dispela samting.Select Luke 24:21

22Yes, na sampela meri tu bilong lain bilong mipela i bin mekim mipela kirap nogut, husat i stap long moning tru long matmat.Select Luke 24:22

23Na taim ol i no lukim bodi bilong em, ol i kam, na spik, long ol i bin lukim tu wanpela driman samting bilong ol ensel, husat i tok long em i stap laip.Select Luke 24:23

24Na sampela bilong ol husat i stap wantaim mipela i go long matmat, na lukim dispela, yes, olsem ol meri i bin toktok. Tasol ol i no lukim em.Select Luke 24:24

25Nau em i tokim ol, O ol krankiman, na ol man bel i no hariap long bilipim olgeta samting ol profet i bin toktok.Select Luke 24:25

26Ating i yes long Kraist i mas pilim pen long ol dispela samting, na long go insait long glori bilong em?Select Luke 24:26

27Na i stat long Moses na olgeta profet, em i kolim gut long ol, long olgeta rait bilong God, ol samting long sait bilong em yet.Select Luke 24:27

28Na ol i kam klostu long dispela vilis, we ol i go. Na em i mekim olsem em i gat laik long go moa.Select Luke 24:28

29Tasol ol i pulim em strong, i spik, Stap wantaim mipela. Long wanem, em i go long apinun tru, na klostu de em i lus pinis. Na em i go insait long stap yet wantaim ol.Select Luke 24:29

30Na em i kamap olsem, taim em i sindaun wantaim ol long kaikai, em i kisim bret, na blesim dispela, na brukim, na givim long tupela.Select Luke 24:30

31Na ol ai bilong tupela i op, na ol i save long em. Na em i go pinis olgeta i lusim hap ai bilong ol i ken lukim.Select Luke 24:31

32Na tupela i tok wanpela i go long narapela, Ating i yes long bel bilong yumitupela i bin kuk insait long yumitupela, taim em i toktok wantaim yumitupela long rot, na taim em i opim ol rait bilong God long yumitupela?Select Luke 24:32

33Na ol i kirap long dispela aua stret, na go bek long Jerusalem, na lukim dispela elevenpela i bung wantaim, na ol husat i stap wantaim ol,Select Luke 24:33

34I spik, Bikpela i bin kirap bek tru tru, na em i bin kamap ples klia long Saimon.Select Luke 24:34

35Na ol i tokaut long wanem ol samting i kamap long rot, na long ol i save long em long taim em i brukim bret olsem wanem.Select Luke 24:35

36¶ Na taim ol i toktok olsem, Jisas em yet i sanap namel long ol, na tokim ol, Bel isi i ken stap long yupela.Select Luke 24:36

37Tasol ol i pret nogut tru na pret, na ol i ting olsem long ol i bin lukim wanpela spirit.Select Luke 24:37

38Na em i tokim ol, Bilong wanem yupela i pilim wari? Na bilong wanem ol tingting bilong yupela i kirap insait long ol bel bilong yupela?Select Luke 24:38

39Lukim tupela han bilong mi na tupela fut bilong mi, long dispela em mi mi yet. Putim han long mi, na luksave. Long wanem, wanpela spirit i no gat bodi na ol bun, olsem yupela i luksave long mi gat.Select Luke 24:39

40Na taim em i bin toktok olsem, em i soim ol tupela han bilong em na tupela fut bilong em.Select Luke 24:40

41Na taim ol i no bilip yet, long wanem, ol i amamas tru, na tingting planti, em i tokim ol, Yupela i gat sampela kaikai long hia?Select Luke 24:41

42Na ol i givim em wanpela hap bilong wanpela pis ol i kukim long paia, na bilong wanpela kom bilong hani.Select Luke 24:42

43Na em i kisim dispela, na em i bin kaikai long ai bilong ol.Select Luke 24:43

44Na em i tokim ol, Ol dispela em ol toktok, dispela mi tokim yupela, taim mi stap yet wantaim yupela, long olgeta samting i mas kamap pinis, dispela ol i raitim long lo bilong Moses, na long ol profet, na long ol sam, long sait bilong mi.Select Luke 24:44

45Nau em i opim save bilong ol, inap long ol i ken kisim save long ol rait bilong God,Select Luke 24:45

46Na em i tokim ol, Rait i stap pinis olsem, na em i gutpela olsem long Kraist long pilim pen, na long kirap bek long dai namba tri de.Select Luke 24:46

47Na long nem bilong em ol i ken autim tok long tanim bel na pasin bilong lusim ol sin namel long olgeta kantri, i stat long Jerusalem.Select Luke 24:47

48Na yupela i stap ol witnes bilong ol dispela samting.Select Luke 24:48

49Na, lukim, mi salim promis bilong Papa bilong mi antap long yupela. Tasol yupela i mas stap yet long biktaun bilong Jerusalem, inap long yupela i pulap wantaim pawa i kam long antap.Select Luke 24:49

50¶ Na em i stiaim ol i go ausait i go inap long Betani, na em i litimapim tupela han bilong em, na blesim ol.Select Luke 24:50

51Na em i kamap olsem, taim em i blesim ol, em i lusim ol, na God i karim em i go antap long heven.Select Luke 24:51

52Na ol i lotuim em, na go bek long Jerusalem wantaim bikpela amamas tru.Select Luke 24:52

53Na ol i stap olgeta taim long tempel, na litimapim nem na blesim God. Amen.Select Luke 24:53