1Nehemiah 1

1¶ Ol toktok bilong Niemaia, pikinini man bilong Hakalaia. Na em i kamap olsem long mun Kisleu, long namba 20 yia, taim mi stap long haus king Susan,Select Nehemiah 1:1

2Long Hanani, wanpela bilong ol brata bilong mi, i kam, em na sampela man bilong Juda. Na mi askim ol long sait bilong ol Ju husat bin ranawe, husat i stap yet bilong ol kalabus lain, na long sait bilong Jerusalem.Select Nehemiah 1:2

3Na ol i tokim mi, Hap lain husat i stap yet bilong ol kalabus lain i stap long provins i gat bikpela hevi na sem. Banis bilong Jerusalem tu em i bruk i go daun, na ol dua bilong banis bilong en i kuk olgeta wantaim paia.Select Nehemiah 1:3

4Na em i kamap olsem, taim mi harim ol dispela toktok, long mi sindaun na krai tru, na soim sori sampela de, na tambuim kaikai, na beten long ai bilong God bilong heven,Select Nehemiah 1:4

5¶ Na tok, Mi askim yu long daun pasin, O God BIKPELA bilong heven, dispela God i bikpela na i mekim ol man i pret nogut tru, husat i holimpas kontrak na sori long ol husat i laikim Em tru na bihainim ol tok strong bilong Em.Select Nehemiah 1:5

6Larim ia bilong Yu nau i stap op, na tupela ai bilong Yu i stap op, inap long Yu ken harim prea bilong wokboi bilong Yu, dispela mi beten long ai bilong Yu nau, san na nait, bilong helpim ol pikinini bilong Isrel, ol wokboi bilong Yu, na taim mi autim ol sin bilong ol pikinini bilong Isrel, dispela mipela bin mekim i birua long Yu. Mi na hauslain bilong papa bilong mi wantaim i bin mekim sin.Select Nehemiah 1:6

7Mipela i bin wokim wok i sting tru i birua long Yu, na mipela no bin holimpas ol tok strong, o ol lo Yu raitim, o ol kot, dispela Yu bin tok strong long wokboi bilong Yu Moses.Select Nehemiah 1:7

8Tingim gen, mi askim Yu long daun pasin, long dispela tok Yu bin tok strong long wokboi bilong Yu Moses, i spik, Sapos yupela kalapim lo, Mi bai brukim yupela nabaut ausait namel long ol kantri.Select Nehemiah 1:8

9Tasol sapos yupela tanim i kam long Mi, na holimpas ol tok strong bilong Mi, na mekim ol, maski i gat bilong yupela husat Mi bin rausim i go ausait long las hap bilong heven, yet bai Mi bungim ol long dispela ples, na bai Mi bringim ol i go long dispela ples Mi bin makim bilong putim nem bilong Mi long dispela hap.Select Nehemiah 1:9

10Nau ol dispela i stap ol wokboi bilong Yu na ol lain manmeri bilong Yu, husat Yu bin baim bek long bikpela pawa bilong Yu, na long strongpela han bilong Yu.Select Nehemiah 1:10

11O Bikpela, mi askim Yu long daun pasin, larim nau ia bilong Yu stap op long prea bilong wokboi bilong Yu, na long prea bilong ol wokboi bilong Yu, husat i gat laik long pret long nem bilong Yu. Na mekim i kamap gutpela, mi askim Yu plis, wokboi bilong Yu tude. Na givim sori long em long ai bilong dispela man. Long wanem, mi stap man bilong holim kap bilong king.Select Nehemiah 1:11