4Nehemiah 4

1¶ Tasol em i kamap olsem, long taim Sanbalat i harim long mipela i wokim banis, em i belhat tru, na pilim bikpela bel nogut, na wokim pani long daunim ol Ju.Select Nehemiah 4:1

2Na em i toktok long ai bilong ol brata bilong em na ami bilong Samaria, na tok, Ol dispela Ju i no gat strong i mekim wanem? Ating ol bai strongim ol yet? Ating ol bai sakrifais? Ating ol bai wokim wanpela pinis long wanpela de? Ating ol bai kirapim gen ol ston ausait long ol dispela hip rabis i kuk olgeta?Select Nehemiah 4:2

3Nau man Amon Tobaia i stap klostu long em, na em i tok, Yes, dispela samting ol i wokim, sapos wanpela foks i go antap, yes, em bai brukim i go daun banis ston bilong ol.Select Nehemiah 4:3

4Harim, O God bilong mipela. Long wanem, ol i tingim mipela olsem mipela i samting nating. Na tanim pasin bilong givim sem bilong ol antap long het bilong ol yet, na givim ol olsem prais bilong pait insait long hap graun bilong kalabus.Select Nehemiah 4:4

5Na Yu no ken karamapim sin nogut bilong ol, na no ken rausim ol sin bilong ol long ai bilong Yu. Long wanem, ol i bin skrapim Yu long belhat long ai bilong ol man bilong wokim banis.Select Nehemiah 4:5

6Olsem na mipela wokim banis. Na olgeta dispela banis i pas wantaim i go long hap bilong en. Long wanem, ol manmeri i gat tingting long wok.Select Nehemiah 4:6

7¶ Tasol em i kamap olsem, long taim Sanbalat, na Tobaia, na ol man Arabia, na ol man Amon, na ol man Asdot, i harim long mipela i stretim pinis ol banis bilong Jerusalem, na long ol bruk i stat long go pas, nau ol i belhat nogut tru.Select Nehemiah 4:7

8Na olgeta bilong ol i pasim tok hait wantaim bilong kam na pait birua long Jerusalem, na bilong pasim dispela.Select Nehemiah 4:8

9Tasol mipela wokim prea bilong mipela i go long God bilong mipela, na putim wanpela was i birua long ol long san na nait, bikos ol i stap.Select Nehemiah 4:9

10Na Juda i tok, Strong bilong ol man bilong karim ol kago i wok long dai, na i gat planti rabis i stap, inap long mipela i no inap long wokim banis.Select Nehemiah 4:10

11Na ol birua bilong mipela i tok, Ol bai i no inap save, o lukim tu, inap long mipela kam namel long ol, na kilim ol i dai, na mekim dispela wok long pinis.Select Nehemiah 4:11

12Na em i kamap olsem, long taim ol Ju husat i stap klostu long ol i kam, ol i tokim mipela tenpela taim, Long olgeta ples we yupela bai kam bek long mipela, ol bai stap antap long yupela.Select Nehemiah 4:12

13Olsem na mi putim long ol ples daun baksait long banis, na antap long ol ples i antap moa, yes, mi putim ol manmeri i bihainim ol famili bilong ol wantaim ol bainat bilong ol, ol spia bilong tromoi bilong ol, na ol banara bilong ol.Select Nehemiah 4:13

14Na mi lukluk, na kirap, na tokim ol bikman, na long ol hetman, na long olgeta arapela manmeri, Yupela i no ken pret long ol. Tingim gen Bikpela, husat i bikpela na i mekim ol man i pret nogut tru, na pait bilong helpim ol brata bilong yupela, ol pikinini man bilong yupela, na ol pikinini meri bilong yupela, ol meri bilong yupela, na ol hauslain bilong yupela.Select Nehemiah 4:14

15Na em i kamap olsem, taim ol birua bilong mipela i harim long mipela kisim save long en pinis, na God i bin bringim tok helpim bilong ol i kamap samting nating, long mipela i go bek, mipela olgeta, long banis, olgeta wan wan long wok bilong em.Select Nehemiah 4:15

16¶ Na em i kamap olsem, i stat long dispela taim i go, long namba tu hap bilong ol wokboi bilong mi i wokim wok, na arapela namba tu hap bilong ol i holim ol spia bilong tromoi, ol plang, na ol banara, na ol siot kapa wantaim. Na ol hetman i stap baksait long olgeta hauslain bilong Juda.Select Nehemiah 4:16

17Ol husat i wokim wok antap long banis, na ol husat i karim ol kago, wantaim ol husat i pulap wantaim ol hevi samting, olgeta wan wan wantaim wanpela han bilong em i wokim wok, na wantaim arapela han em i holim wanpela samting bilong pait.Select Nehemiah 4:17

18Long wanem, ol man bilong wokim wok, olgeta wan wan i gat bainat bilong em i pas nabaut long sait bilong em, na olsem tasol em i wokim. Na man husat i save winim biugel i stap klostu long mi.Select Nehemiah 4:18

19Na mi tokim ol bikman, na ol hetman, na olgeta arapela manmeri, Dispela wok em i bikpela na traipela, na yumi stap bruk antap long banis, wanpela i stap longwe long narapela.Select Nehemiah 4:19

20Olsem na long wanem ples yupela harim nois bilong biugel, yupela kam long dispela hap long mipela. God bilong yumi bai pait bilong helpim yumi.Select Nehemiah 4:20

21Olsem na mipela hatwok long dispela wok. Na namba tu hap bilong ol i holim ol spia bilong tromoi, i stat long taim san i kam antap long moning i go inap long ol sta i kamap ples klia.Select Nehemiah 4:21

22Wankain olsem, long dispela taim stret, mi tokim ol manmeri, Larim olgeta wan wan man wantaim wokboi bilong em slip insait long Jerusalem, inap long nait ol i ken i stap wanpela wasman bilong yumi, na hatwok long taim bilong san.Select Nehemiah 4:22

23Olsem na mi, o ol ol brata bilong mi, o ol wokboi bilong mi, o ol man bilong ol wasman husat i bihainim mi tu, i no gat wanpela bilong mipela husat i bin rausim ol klos bilong em, olgeta wan wan i rausim ol bilong wasim ol tasol.Select Nehemiah 4:23