5Nehemiah 5

1¶ Na i gat wanpela bikpela krai bilong ol manmeri, na bilong ol meri bilong ol, i birua long ol brata bilong ol, ol Ju.Select Nehemiah 5:1

2Long wanem, ol i gat husat i tok, Mipela, ol pikinini man bilong mipela, na ol pikinini meri bilong mipela, i planti. Olsem na mipela kisim ol wit samting bilong ol, inap long mipela ken kaikai na i stap laip.Select Nehemiah 5:2

3Sampela tu i stap husat i tok, Mipela bin wokim dinau long ol hap graun bilong mipela, ol gaden wain, na ol haus, inap long mipela i ken baim wit samting. Bilong wanem, bikpela taim hangre i stap.Select Nehemiah 5:3

4I gat sampela tu husat i tok, Mipela bin kisim dinau mani bilong baim takis mani bilong king, na dispela antap long ol hap graun na ol gaden wain bilong mipela.Select Nehemiah 5:4

5Tasol nau ol bodi bilong mipela i stap olsem ol bodi bilong ol brata bilong mipela, ol pikinini bilong mipela olsem ol pikinini bilong ol. Na, harim, mipela bringim aninit long kalabus ol pikinini man bilong mipela na ol pikinini meri bilong mipela bilong kamap ol wokboi. Na sampela bilong ol pikinini meri bilong mipela ol i bringim i go long kalabus pinis. Na tu em i no stap long strong bilong mipela bilong baim bek ol. Long wanem, ol arapela man i gat ol hap graun na ol gaden wain bilong mipela.Select Nehemiah 5:5

6¶ Na mi belhat tru taim mi harim krai bilong ol na ol dispela toktok.Select Nehemiah 5:6

7Nau mi kisim tingting wantaim mi yet, na mi hatim ol bikman, na ol hetman, na tokim ol, Yupela i strong long kisim winmani long dinau, olgeta wan wan long brata bilong em. Na mi makim wanpela bikpela bung i birua long ol.Select Nehemiah 5:7

8Na mi tokim ol, Mipela, i bihainim strong bilong mipela, i bin baim bek ol brata bilong mipela ol Ju, husat ol i bin salim long ol haiden long mani. Na ating yupela, yes, bai salim ol brata bilong yupela long mani? O ating yupela bai salim ol long mipela long mani? Nau ol i pasim ol maus bilong ol, na ol i no painim wanpela samting bilong bekim tok.Select Nehemiah 5:8

9Na tu mi tok, Em i no gutpela samting, dispela yupela i mekim. Ating i yes long yupela i mas wokabaut insait long pret bilong God bikos ol haiden, ol birua bilong yumi, i laik givim sem long yumi?Select Nehemiah 5:9

10Wankain olsem, mi, na ol brata bilong mi, na ol wokboi bilong mi, i ken strong long kisim mani na wit samting long ol. Mi askim yupela plis, larim yumi lusim dispela winmani long dinau.Select Nehemiah 5:10

11Givim bek, mi askim yupela plis, long ol, yes tude, ol hap graun bilong ol, ol gaden wain bilong ol, ol gaden oliv bilong ol, na ol haus bilong ol, na tu ol namba 100 hap bilong mani, na bilong wit samting, wain, na wel, dispela yupela i strong long kisim long ol.Select Nehemiah 5:11

12Nau ol i tok, Mipela bai givim bek long ol, na mipela bai i no inap strong long askim long wanpela samting long ol. Olsem tasol bai mipela i mekim olsem yu toktok. Nau mi singautim ol pris, na kisim wanpela strongpela promis long ol, inap long ol i ken mekim bilong bihainim dispela promis.Select Nehemiah 5:12

13Na tu mi seksekim arere bilong saket bilong mi, na tok, Olsem tasol God i ken seksekim i go ausait olgeta wan wan man long haus bilong em, na long hatwok bilong em, husat i no inapim dispela promis. Yes, olsem tasol bai God i ken seksekim em i go ausait, na mekim em i kamap emti. Na olgeta bung bilong ol manmeri i tok, Amen, na litimapim nem bilong BIKPELA. Na ol manmeri i bin mekim bilong bihainim dispela promis.Select Nehemiah 5:13

14¶ Na moa tu, i stat long taim long ol i makim mi bilong stap nambawan gavman bilong ol long hap bilong Juda, i stat long namba 20 yia, yes, i go inap long namba 32 yia bilong king Artaserksis, em i olsem, 12 yia, mi na ol brata bilong mi i no bin kaikai long bret bilong nambawan gavman.Select Nehemiah 5:14

15Tasol ol nambawan gavman bipo, husat i bin stap bipo long mi, i gat dinau long ol manmeri, na ol i bin kisim long ol bret na wain, dispela i no kaunim 40 sekel silva. Yes, ol wokboi bilong ol long bosim ol manmeri. Tasol mi no bin mekim olsem, bilong wanem, pret bilong God i stap.Select Nehemiah 5:15

16Yes, na tu mi stap olsem long wok bilong dispela banis. Na tu mipela i no baim wanpela hap graun. Na olgeta wokboi bilong mi i bung i stap long dispela hap i go long dispela wok.Select Nehemiah 5:16

17Na moa tu i gat long tebol bilong mi 150 bilong ol Ju na ol hetman, i no kaunim ol husat i lusim ol haiden husat i stap raun nabaut long yumi long kam long mipela.Select Nehemiah 5:17

18Nau dispela samting ol i redim bilong mi olgeta wan wan de em i wanpela bulmakau man na sikispela nambawan sipsip. Na tu ol i redim bilong mi ol pisin, na wanpela taim long olgeta tenpela de bakstua bilong olgeta kain wain. Tasol bilong tingim olgeta dispela, mi no bin strong long askim long bret bilong nambawan gavman, bilong wanem, kalabus i hevi antap long dispela lain manmeri.Select Nehemiah 5:18

19Tingting long mi, God bilong mi, bilong helpim, bilong bihainim olgeta dispela mi bin mekim bilong helpim dispela lain manmeri.Select Nehemiah 5:19