21 Thessalonians 2

1¶ Long wanem, yupela yet, ol brata, i save long taim mipela i kam long yupela, long mipela i no kam nating.Select 1 Thessalonians 2:1

2Tasol yes, bihain long mipela i bin karim pen bipo, na kisim sem long pasin ol i mekim long mipela, olsem yupela i save, long Filipai, mipela i no pret insait long God bilong yumi long toktok long yupela long gutnius bilong God wantaim planti strongpela pait.Select 1 Thessalonians 2:2

3Long wanem, toktok bilong mipela bilong strongim bel i no bilong giaman, o bilong pasin i no klin, o long gris tingting,Select 1 Thessalonians 2:3

4Tasol olsem God i tok orait long mipela na putim gutnius long han bilong mipela, yes, olsem tasol mipela i toktok, i no olsem bilong amamasim ol man, tasol God, husat i traim ol bel bilong mipela.Select 1 Thessalonians 2:4

5Long wanem, i no gat tu wanpela taim long mipela i yusim ol gris toktok, olsem yupela i save, o mangal pasin i olsem wanpela ausait saket, God em i witnes,Select 1 Thessalonians 2:5

6O long ol man mipela i no painim glori, o long yupela, o yet long ol arapela, taim mipela i ken stap wanpela hevi long yupela, olsem ol aposel bilong Kraist.Select 1 Thessalonians 2:6

7¶ Tasol mipela i gat pasin isi namel long yupela, yes, olsem wanpela wasmama i laikim tru ol pikinini bilong em.Select 1 Thessalonians 2:7

8Bikos mipela i gat bikpela laik wantaim bel i go long yupela, mipela i bin gat laik long givim long yupela, i no gutnius bilong God tasol, tasol tu ol tewel bilong mipela yet, bilong wanem, yupela i dia long mipela.Select 1 Thessalonians 2:8

9Long wanem, yupela i holim tingting, ol brata, long ol hatwok na hatwok wantaim pen bilong mipela. Long wanem, taim mipela i hatwok nait na san, bikos mipela i no gat laik long gat dinau long wanpela bilong yupela, mipela i autim long yupela dispela gutnius bilong God.Select 1 Thessalonians 2:9

10Yupela i stap ol witnes, na God tu, long namel long yupela husat i bilip mipela i wokabaut long pasin i holi na pasin i stretpela na pasin i no gat asua olsem wanem.Select 1 Thessalonians 2:10

11Olsem yupela i save long mipela i strongim bel na givim bel isi na givim tok long olgeta wan wan bilong yupela olsem wanem, olsem wanpela papa i mekim long ol pikinini bilong em,Select 1 Thessalonians 2:11

12Inap long yupela i ken wokabaut i gat namba inap long biknem bilong God, husat i bin singautim yupela long go long kingdom na glori bilong em.Select 1 Thessalonians 2:12

13¶ Long dispela as tu mipela i no lusim pasin bilong tok tenkyu long God, bilong wanem, taim yupela i kisim dispela tok bilong God yupela i harim long mipela, yupela i no kisim dispela olsem tok bilong man, tasol olsem em i stap tru tru, tok bilong God, dispela i wokim wok gut tu insait long yupela husat i bilip.Select 1 Thessalonians 2:13

14Long wanem, yupela, ol brata, i bin kamap ol man bilong bihainim ol dispela sios bilong God i stap long Judia insait long Kraist Jisas. Long wanem, yupela tu i bin karim hevi long ol wankain samting olsem long han bilong ol wan kantri bilong yupela, yes, olsem ol i kisim long ol Ju,Select 1 Thessalonians 2:14

15Husat i kilim Bikpela Jisas, na ol profet bilong ol yet wantaim, na husat i bin givim hevi long mipela. Na ol i no amamasim God, na ol i stap birua long olgeta man,Select 1 Thessalonians 2:15

16Taim ol i tambuim mipela long toktok long ol man i no Ju inap long God i ken kisim bek ol, long pulimapim ol sin bilong ol olgeta taim. Long wanem, belhat tru i kam antap long ol pinis inap long las hap bilong en.Select 1 Thessalonians 2:16

17¶ Tasol mipela, ol brata, taim God i bin tekewe mipela long pes bilong yupela long sotpela taim, i no long bel, mipela i traim planti moa yet long lukim pes bilong yupela wantaim bikpela laik.Select 1 Thessalonians 2:17

18Olsem na mipela i gat laik long kam long yupela, yes, mi Pol, wanpela taim na gen, tasol Seten i pasim rot bilong mipela.Select 1 Thessalonians 2:18

19Long wanem, hop bilong mipela em i wanem, o amamas tru, o hat king bilong wokim amamas tru? Ating i yes long, yes, em i yupela long pes bilong Bikpela bilong yumi Jisas Kraist taim em i kam bek?Select 1 Thessalonians 2:19

20Long wanem, yupela i stap glori na amamas tru bilong mipela.Select 1 Thessalonians 2:20