22Leviticus 22

1¶ Na BIKPELA i toktok long Moses, na tok,Select Leviticus 22:1

2Toktok long Eron na long ol pikinini man bilong em, bai ol i ken mekim ol yet i stap longwe long ol samting i holi bilong ol pikinini bilong Isrel, na long ol i no ken mekim holi nem bilong Mi i kamap doti long ol dispela samting ol i makim klin long Mi. Mi stap BIKPELA.Select Leviticus 22:2

3Toktok long ol olsem, Wanem man bilong olgeta pikinini bilong yupela i stap namel long ol lain tumbuna pikinini i kamap bihain na em i go long ol samting i holi, ol pikinini bilong Isrel i makim ol i go long BIKPELA, na pasin bilong i no stap klin i stap long em, dispela tewel mas kisim bagarap bilong rausim em long pes bilong Mi. Mi stap BIKPELA.Select Leviticus 22:3

4Wanem man bilong ol pikinini bilong Eron i stap lepraman o em i gat susu i kamaut long sua, em i no ken kaikai long ol samting i holi inap long em i stap klin. Na wanem man i putim han long wanpela samting daiman i mekim dispela i no klin o man wara bilong marit pasin bilong em i lusim bodi bilong em,Select Leviticus 22:4

5O wanem man i tasim wanpela binatang samting i wokabaut long bel, na long dispela em i kamap i no klin, o em i putim han long wanpela man na long dispela man em i kisim pasin bilong i no stap klin, long wanem samting dispela man i no stap klin long em,Select Leviticus 22:5

6Tewel i bin putim han long wanpela olsem em i mas stap i no klin inap long apinun tru, na em i no ken kaikai sampela bilong ol samting i holi inap long em i wasim skin bilong em long wara.Select Leviticus 22:6

7Na taim san i stap daun em bai stap klin na bihain em i ken kaikai sampela bilong ol samting i holi, long wanem dispela em i kaikai bilong em.Select Leviticus 22:7

8Dispela samting i dai pinis nating o ol arapela animal i bin bagarapim, em i no ken kaikai long mekim em yet i kamap doti long dispela. Mi stap BIKPELA.Select Leviticus 22:8

9Olsem na ol i mas holimpas ol lo bilong Mi,Mi bin makim. Nogut ol i karim sin bilong dispela na dai pinis long dispela, sapos ol i mekim dispela i kamap doti. Mi BIKPELA i makim ol i holi.Select Leviticus 22:9

10¶ I no gat wanpela man bilong narapela kantri i ken kaikai samting i holi. Wanpela i stap waira wantaim pris o wokboi pris i baim em long wok ol i no ken kaikai sampela bilong samting i holi.Select Leviticus 22:10

11Tasol sapos pris i baim wanpela tewel long mani bilong em long i stap slev, dispela slev i ken kaikai sampela bilong dispela na man mama bilong em i karim em long haus bilong pris, ol i ken kaikai sampela bilong kaikai bilong pris.Select Leviticus 22:11

12Na tu sapos pikinini meri bilong pris i stap marit long man bilong narapela kantri, dispela meri i no ken kaikai sampela bilong wanpela ofa bilong ol samting i holi.Select Leviticus 22:12

13Tasol sapos pikinini meri bilong pris i stap meri man bilong em i dai pinis o man bilong em i rausim em na em i no gat pikinini na em i bin go bek long haus bilong papa bilong em, olsem taim em i stap yangpela, em i ken kaikai sampela bilong kaikai bilong papa bilong em. Tasol i no gat wanpela bilong narapela kantri i ken kaikai dispela.Select Leviticus 22:13

14Na sapos wanpela man i no save na em i kaikai sampela bilong samting holi, orait em i mas bungim wanpela bilong faipela hap bilong dispela i go long dispela na em i mas givim dispela long pris wantaim dispela samting i holi.Select Leviticus 22:14

15Na ol i no ken mekim i kamap doti ol samting holi bilong ol pikinini bilong Isrel na ol i bin ofaim dispela long BIKPELA,Select Leviticus 22:15

16O larim ol i karim sin nogut bilong pasin bilong sakim lo taim ol i kaikai ol samting holi bilong ol. Long wanem Mi BIKPELA i makim ol i holi.Select Leviticus 22:16

17¶ Na BIKPELA i toktok long Moses, na tok,Select Leviticus 22:17

18Toktok long Eron na long ol pikinini man bilong em na long olgeta pikinini bilong Isrel na tok olsem long ol, Wanem man i bilong lain bilong Isrel o bilong ol man bilong narapela kantri na ol i stap long Isrel, na em i laik ofaim ofa bilong em bilong bihainim olgeta strongpela promis bilong em, na bilong olgeta ofa em i laik givim na ol i laik ofaim dispela i go long BIKPELA bilong i stap ofa bilong kuk olgeta,Select Leviticus 22:18

19Yupela mas ofaim long laik bilong yupela wanpela i man na i no gat mak nogut bilong ol bulmakau o bilong ol sipsip o bilong ol meme.Select Leviticus 22:19

20Tasol wanem samting i gat mak nogut, yupela i no ken ofaim dispela. Long wanem dispela i no ken stap samting i orait bilong yupela.Select Leviticus 22:20

21Na wanem man i ofaim wanpela sakrifais bilong ol ofa bilong givim bel isi i go long BIKPELA long bekim strongpela promis bilong em o wanpela ofa em i gat laik long givim long ol bulmakau o sipsip, dispela ofa mas i stap gutpela tru long i stap orait, na i no gat wanpela mak nogut i ken stap long em.Select Leviticus 22:21

22Samting i aipas o bun i bruk o lek nogut o i skrapim skin bilong em o i gat bagarap long skin, yupela i no ken ofaim ol dispela i go long BIKPELA o mekim wanpela ofa long paia long ol antap long alta na i go long BIKPELA.Select Leviticus 22:22

23Wanpela bulmakau man o wanpela pikinini sipsip husat i gat wanpela samting long bodi moa long ol arapela o em i sot long wanpela samting long bodi ol arapela i gat, yu ken ofaim dispela bilong i stap ofa yu gat laik long givim, tasol bilong bekim wanpela strongpela promis dispela em i no orait.Select Leviticus 22:23

24Yupela no ken ofaim i go long BIKPELA dispela samting i gat liklik bagarap o bikpela bagarap o bruk o i gat kat, na tu yupela i no ken mekim wanpela ofa long dispela long graun bilong yupela.Select Leviticus 22:24

25Na tu yupela no ken kisim long han bilong man bilong narapela kantri wanpela samting yupela i ofaim bilong wanpela bilong ol dispela, em kaikai bilong God bilong yupela, long wanem doti bilong ol i stap long ol na ol mak nogut i stap long ol, bai ol i no stap orait bilong yupela i ofaim.Select Leviticus 22:25

26Na BIKPELA i toktok long Moses na tok,Select Leviticus 22:26

27Taim mama i karim wanpela bulmakau man o wanpela sipsip o wanpela meme, orait em i mas stap sevenpela de aninit long mama. Na long namba et de na bihain em i ken stap orait bilong i stap ofa yu mekim long paia na i go long BIKPELA.Select Leviticus 22:27

28Na sapos dispela mama i stap bulmakau meri o sipsip meri yupela no ken kilim i dai pinis em na pikinini bilong em wantaim long wanpela de.Select Leviticus 22:28

29Na taim yupela i laik ofaim wanpela sakrifais i bilong givim tenkyu i go long BIKPELA, ofaim dispela long laik bilong yupela yet.Select Leviticus 22:29

30Yupela mas kaikai olgeta bilong dispela long de yupela i mekim ofa. Yupela i no ken larim sampela bilong dispela i stap inap long tumora. Mi stap BIKPELA.Select Leviticus 22:30

31Olsem na yupela mas lukautim gut ol strongpela tok bilong Mi na bihainim ol. Mi stap BIKPELA.Select Leviticus 22:31

32Na tu yupela no ken mekim nem holi bilong Mi i doti, tasol Mi mas i stap samting i klinpela namel long ol pikinini bilong Isrel. Mi stap BIKPELA husat i makim yupela i klin.Select Leviticus 22:32

33Na Mi bin bringim yupela long lusim graun bilong Isip long i stap God bilong yupela. Mi stap BIKPELA.Select Leviticus 22:33