11Romans 11

1¶ Nau mi tok, Ating God i bin tromoi i go ol lain bilong em? I no ken tru. Long wanem, mi tu i stap man Isrel, bilong tumbuna pikinini bilong Ebraham, bilong lain bilong Benjamin.Select Romans 11:1

2God i no bin tromoi i go ol lain bilong em husat em i save pastaim. Ating i yes long yupela i save long rait i tok wanem long Ilaias? Long em i mekim wok namelman i go long God i birua long Isrel olsem wanem, i spik,Select Romans 11:2

3Bikpela, ol i bin kilim ol profet bilong yu, na digim i go daun ol alta bilong yu. Na mi stap wanpis, na ol i painim laip bilong mi.Select Romans 11:3

4Tasol bekim bilong God i tok wanem long em? Mi bin holim bek bilong mi yet 7,000 man, husat i no bin lindaunim skru long piksa bilong BealSelect Romans 11:4

5Yes, olsem nau long dispela taim nau tu i gat hap lain i stap yet bilong bihainim makim God i bin wokim bilong marimari.Select Romans 11:5

6Na sapos em i long marimari, orait em i no moa bilong ol wok. Sapos nogat, marimari i no marimari moa. Tasol sapos em i bilong ol wok, orait em i no moa long marimari. Sapos nogat, wok em i no wok moa.Select Romans 11:6

7Wanem nau? Israel i no bin kisim dispela samting em i painim. Tasol ol man God i bin makim i bin kisim dispela, na ol arapela i kamap aipas,Select Romans 11:7

8(Bilong bihainim olsem rait i stap pinis, God i bin givim long ol dispela spirit bilong hap slip, ol ai long ol i no ken lukluk, na ol ia long ol i no ken harim,) inap long tude.Select Romans 11:8

9Na Devit i tok, Larim tebol bilong ol i kamap wanpela trap bilong animal, na trap, na samting bilong sutim lek, na samting bilong bekim pe long ol.Select Romans 11:9

10Larim ol ai bilong ol i go tudak, inap long ol i no ken lukluk, na lindaunim baksait bilong ol olgeta taim.Select Romans 11:10

11Mi tok nau, Ating ol i bin sutim lek inap long ol i ken pundaun? I no ken tru. Tasol mobeta, long wok bilong pundaun bilong ol, pasin bilong kisim bek i kam long ol man i no Ju, bilong skrapim bel bilong ol long pasin jeles.Select Romans 11:11

12Nau sapos pundaun bilong ol i stap ol samting i dia tru bilong dispela graun, na taim ol i go daun em i ol samting i dia tru bilong ol man i no Ju, hamas moa taim ol i go pulap tru?Select Romans 11:12

13Long wanem, mi toktok long yupela ol man i no Ju, bikos mi stap aposel bilong ol man i no Ju, mi litimapim wok bilong mi.Select Romans 11:13

14Sapos long wanpela rot mi ken skrapim bel bilong ol bilong kamap wankain stret, husat i stap wan bodi bilong mi, na mi ken kisim bek sampela bilong ol.Select Romans 11:14

15Long wanem, sapos taim God i tromoi ol i go em i taim God i kamap wanbel long ol man bilong dispela graun, taim em i kisim ol bai stap wanem, laip i kam bek long dai tasol?Select Romans 11:15

16Long wanem, sapos namba wan kaikai i stap holi, dispela hap em i holi tu. Na sapos rop daunbilo i stap holi, ol han bilong diwai i stap olsem tu.Select Romans 11:16

17Na sapos sampela han bilong diwai i bruk i go, na yu, taim yu stap wail diwai oliv, em i pasim yu insait namel long ol, na wantaim ol yu kisim hap bilong rop daunbilo na gris bilong diwai oliv,Select Romans 11:17

18No ken litimapim nating yu yet i birua long ol han bilong diwai. Tasol sapos yu litimapim nating yu yet, yu no karim rop daunbilo, tasol rop daunbilo i karim yu.Select Romans 11:18

19Yu bai tok nau, Ol han bilong diwai i bruk i go, inap long God i ken pasim mi insait.Select Romans 11:19

20Gutpela. Bilong wanem, ol i no gat bilip na God i brukim ol i go, na yu sanap long bilip tru. No ken stap bikhet long tingting, tasol yu mas pret.Select Romans 11:20

21Long wanem, sapos God i no soim sori long ol han bilong diwai stret, was gut, nogut em i no soim sori long yu tu.Select Romans 11:21

22Olsem na, lukim gutpela pasin na pasin i hat tru bilong God. Long ol husat i pundaun, hat tru. Tasol i go long yu, gutpela, sapos yu stap yet long gutpela pasin bilong em. Sapos nogat, em bai katim yu tu i go olgeta.Select Romans 11:22

23Na ol tu, sapos ol i no stap yet long pasin bilong i no gat bilip, God bai pasim ol insait long diwai. Long wanem, God em inap long pasim ol insait long diwai gen.Select Romans 11:23

24Long wanem, sapos em katim yu ausait long dispela diwai oliv i wail long pasin bilong em yet, na em i pasim yu insait long dispela gutpela diwai oliv i birua long pasin bilong yu yet, hamas moa ol dispela, husat i stap ol han bilong diwai long pasin bilong ol yet, bai God i pasim insait long diwai oliv bilong ol yet?Select Romans 11:24

25Long wanem, mi no gat laik, ol brata, long yupela i no ken klia long dispela samting hait, nogut yupela i ken stap saveman insait long ol hambak tingting bilong yupela yet, long hap aipas i kamap long Isrel, inap long taim bilong ol man i no Ju i pulap tru i kam insait.Select Romans 11:25

26Na olsem tasol God bai kisim bek olgeta Isrel, olsem rait i stap pinis, Ausait long Saion bai i gat Man Bilong Kisim Bek i kam, na em bai tanim i go ol pasin nogut long Jekop.Select Romans 11:26

27Long wanem, dispela em i kontrak bilong mi i go long ol, taim mi bai tekewe ol sin bilong ol.Select Romans 11:27

28Long sait bilong gutnius, ol i stap ol birua bilong helpim yupela. Tasol long sait bilong ol man God i bin makim, ol i stap klostu tru long bel bilong yumi bilong tingim ol tumbuna papa.Select Romans 11:28

29Long wanem, God i no tanim bel long ol presen na singaut bilong em.Select Romans 11:29

30Long wanem, olsem long ol taim bipo yupela i no bin bilip long God, tasol nau yupela i bin kisim sori long wok bilong pasin bilong i no gat bilip bilong ol.Select Romans 11:30

31Yes, olsem ol dispela tu i no bin bilip nau, long wok bilong sori bilong yupela ol tu i ken kisim sori.Select Romans 11:31

32Long wanem, God i bin bungim ol olgeta insait long pasin bilong i no gat bilip, inap long em i ken gat sori long olgeta.Select Romans 11:32

33¶ O dip bilong ol samting i dia tru bilong save tru na save bilong God wantaim! Ol kot bilong em i hat long painimaut tru moa, na ol rot bilong em i abrusim mak bilong man i ken painimaut!Select Romans 11:33

34Long wanem, husat i bin save long tingting bilong Bikpela? O husat i bin stap man bilong givim tok helpim long em?Select Romans 11:34

35O husat i bin givim long em pastaim, na dispela God bai bekim pe long em gen?Select Romans 11:35

36Long wanem, bilong em, na long wok bilong em, na i go long em, em olgeta samting, long husat glori i mas stap oltaim oltaim. Amen.Select Romans 11:36