16Romans 16

1¶ Mi soim yupela gutpela nem bilong Fibi, susa bilong yumi, husat i wokmeri bilong dispela sios i stap long Senkria.Select Romans 16:1

2Inap long yupela i ken kisim em insait long Bikpela, olsem em i gutpela long ol seint, na inap long yupela i ken helpim em long wanem kain wok em i gat nid long yupela long helpim em. Long wanem, em i bin meri bilong helpim bilong planti, na bilong mi yet tu.Select Romans 16:2

3Tok gude long Prisila na Akwila, ol helpim bilong mi insait long Kraist Jisas,Select Romans 16:3

4Husat, bilong lukautim laip bilong mi, i bin putim ol nek bilong ol yet long ples bagarap, long husat mi no givim tok tenkyu tasol, tasol tu olgeta sios bilong ol man i no Ju i givim tok tenkyu.Select Romans 16:4

5Wankain olsem tok gude long dispela sios i stap long haus bilong ol. Tok gude long Epinitas, man i stap klostu tru long bel bilong mi tru, husat i ol namba wan kaikai bilong Akea i go long Kraist.Select Romans 16:5

6Tok gude long Maria, husat i wokim planti hatwok long mipela.Select Romans 16:6

7Tok gude long Andronikas na Junia, ol kandre bilong mi, na ol wan kalabus bilong mi, husat i gat nem namel long ol aposel, husat tu i stap insait long Kraist bipo long mi.Select Romans 16:7

8Tok gude long Amplias, man i stap klostu tru long bel bilong mi insait long Bikpela.Select Romans 16:8

9Tok gude long Urban, helpim bilong mipela insait long Kraist, na Stakis, man i stap klostu tru long bel bilong mi.Select Romans 16:9

10Tok gude long Apelis, man i kisim orait insait long Kraist. Tok gude long ol husat i stap long hauslain bilong Aristobulas.Select Romans 16:10

11Tok gude long Herodion, kandre bilong mi. Tok gude long ol husat i stap long hauslain bilong Narsisas, husat i stap insait long Bikpela.Select Romans 16:11

12Tok gude long Traifina na Traifosa, husat i hatwok insait long Bikpela. Tok gude long Persis, man i stap klostu tru long bel bilong mi, husat i hatwok planti insait long Bikpela.Select Romans 16:12

13Tok gude long Rufas, man God i makim insait long Bikpela, na mama bilong em na bilong mi.Select Romans 16:13

14Tok gude long Asinkritas, Fligon, Hermas, Patrobas, Hermes, na ol brata husat i stap wantaim ol.Select Romans 16:14

15Tok gude long Filologas, na Julia, Nerias, na susa bilong em, na Olimpas, na olgeta seint husat i stap wantaim ol.Select Romans 16:15

16Tok gude wanpela i go long narapela wantaim wanpela kis holi. Ol sios bilong Kraist i tok gude long yupela.Select Romans 16:16

17¶ Nau mi askim yupela strong plis, ol brata, makim ol husat i mekim ol bruk na ol pasin bilong bagarapim bel i birua long dispela skul yupela i bin lainim pinis, na stap longwe long ol.Select Romans 16:17

18Long wanem, ol husat i kain man olsem i no bihainim Bikpela bilong yumi Jisas Kraist, tasol bel bilong ol yet. Na wantaim ol gutpela toktok na naispela toktok ol i giamanim ol bel bilong ol man i no saveman tumas.Select Romans 16:18

19Long wanem, pasin bilong yupela bilong bihainim tok i kam ausait i go long olgeta man. Olsem na mi amamas long sait bilong yupela. Tasol yet mi gat laik long yupela i ken gat save tru long dispela samting i gutpela, na i no hat long save, long sait bilong pasin nogut.Select Romans 16:19

20Na God bilong bel isi bai bagarapim Seten liklik aninit long ol fut bilong yupela klostu nau. Marimari bilong Bikpela bilong yumi Jisas Kraist i ken stap wantaim yupela. Amen.Select Romans 16:20

21¶ Timotias, wanwok bilong mi, na Lusias, na Jeson, na Sosipatar, ol kandre bilong mi, i tok gude long yupela.Select Romans 16:21

22Mi Tertias, husat i raitim dispela pas, i tok gude long yupela insait long Bikpela.Select Romans 16:22

23Gaias, man bilong lukautim mi, na bilong sios olgeta, i tok gude long yupela. Erastas, man bilong lukautim ol rum bilong biktaun, i tok gude long yupela, na Kwartas, wanpela brata.Select Romans 16:23

24Marimari bilong Bikpela bilong yumi Jisas Kraist i ken stap wantaim yupela olgeta. Amen.Select Romans 16:24

25¶ Nau long em husat i gat pawa long strongim yupela bilong bihainim gutnius bilong mi, na dispela autim tok bilong Jisas Kraist, bilong bihainim tok hait bilong kamapim tok hait, dispela God i holimpas hait i stat long taim dispela graun i stat i kam inap long nau,Select Romans 16:25

26Tasol nau em i mekim dispela i kamap ples klia, na wantaim rait bilong God bilong ol profet, bilong bihainim tok strong bilong God bilong oltaim oltaim, em i mekim olgeta kantri long save long dispela, long wanem, ol i bihanim tok bilong bilip tru.Select Romans 16:26

27Long God wanpela husat i gat save tru, glori i ken stap long wok bilong Jisas Kraist oltaim oltaim. Amen.Select Romans 16:27