28Matthew 28

1¶ Long pinis bilong sabat, taim san i stat long kamap long namba wan de bilong wik, Maria Makdalin na arapela Maria i kam long lukim matmat.Select Matthew 28:1

2Na, lukim, i gat wanpela bikpela guria. Long wanem, ensel bilong Bikpela i kam daun long heven, na kam na tantanim ston i go bek i lusim dua, na em i sindaun antap long en.Select Matthew 28:2

3Pes bilong em i olsem lait bilong klaut, na klos bilong em i wait olsem ais.Select Matthew 28:3

4Na bikos ol wasman i pret long em ol i bin seksek, na kamap olsem ol daiman.Select Matthew 28:4

5Na ensel i bekim na tokim ol meri, Yupela no ken pret. Long wanem, mi save long yupela i painim Jisas, husat ol i nilim long diwai kros.Select Matthew 28:5

6Em i no stap long hia. Long wanem, em i kirap bek pinis, olsem em i tok. Kam, lukim ples we Bikpela i bin slip.Select Matthew 28:6

7Na go hariap, na tokim ol disaipel bilong em long em i kirap bek long dai. Na, lukim, em i go paslain long yupela insait long Galili. Long dispela hap yupela bai lukim em. Harim, mi bin tokim yupela.Select Matthew 28:7

8Na ol i lusim matmat kwiktaim wantaim pret na bikpela amamas tru. Na ol i bin ran long bringim tok long ol disaipel bilong em.Select Matthew 28:8

9Na taim ol i go long tokim ol disaipel, lukim, Jisas i bungim ol, i spik, Gude olgeta. Na ol i kam na holim em long tupela lek, na lotuim em.Select Matthew 28:9

10Nau Jisas i tokim ol, No ken pret. Go tokim ol brata bilong mi inap long ol i go long Galili, na long dispela hap ol bai lukim mi.Select Matthew 28:10

11¶ Nau taim ol i go, lukim, sampela bilong dispela was i kam insait long biktaun, na soim ol bikpris long olgeta dispela samting i kamap.Select Matthew 28:11

12Na taim ol i bung wantaim ol lapun hetman, na ol i bin kisim tok helpim, ol i givim traipela hap mani long ol soldia,Select Matthew 28:12

13I spik, Yupela i mas tok, Ol disaipel bilong em i kam long nait, na stilim em i go taim mipela i slip.Select Matthew 28:13

14Na sapos dispela tok i kam long tupela ia bilong nambawan gavman, mipela bai pulim tingting bilong em, na mekim yupela stap gut tru.Select Matthew 28:14

15Olsem tasol ol i kisim dispela mani, na mekim olsem ol i skulim ol. Na dispela toktok em i ripot nating namel long ol Ju inap long dispela de.Select Matthew 28:15

16¶ Nau dispela elevenpela disaipel i go long Galili, i go long wanpela maunten we Jisas i bin makim long ol.Select Matthew 28:16

17Na taim ol i lukim em, ol i lotuim em. Tasol sampela i gat tupela tingting.Select Matthew 28:17

18Na Jisas i kam na tokim ol, i spik, Papa i givim olgeta pawa long mi long heven na long dispela graun.Select Matthew 28:18

19Olsem na yupela go, na skulim olgeta kantri, na baptaisim ol long nem bilong Papa, na bilong Pikinini Man, na bilong Holi Spirit.Select Matthew 28:19

20Na skulim ol long bihainim olgeta wanem samting mi bin tok strong long yupela. Na, harim, mi stap wantaim yupela oltaim, yes, i go inap long pinis bilong dispela graun. Amen.Select Matthew 28:20