24Numbers 24

1¶ Na taim Belam i luksave long em i amamasim bel bilong BIKPELA long blesim Isrel, em i no go, olsem long ol arapela taim, long painim ol poisin samting, tasol em i strongim pes bilong em i go long ples i no gat man.Select Numbers 24:1

2Na Belam i litimapim tupela ai bilong em, na em i lukim Isrel i stap long ol haus sel bilong em bilong bihainim ol lain bilong ol. Na Spirit bilong God i kam antap long em.Select Numbers 24:2

3Na em i kisim i go antap tok piksa bilong em, na tok, Belam, pikinini man bilong Beor, i bin tok, na dispela man husat tupela ai bilong em i op i bin tok,Select Numbers 24:3

4Em i bin tok, husat i harim ol toktok bilong God, husat i lukim driman samting bilong Man i Gat Olgeta Strong, taim em i pundaun long wanpela driman samting, tasol tupela ai bilong em i stap op,Select Numbers 24:4

5Ol haus sel bilong yu i nambawan olsem wanem, O Jekop, na ol haus sel holi bilong yu, O Isrel!Select Numbers 24:5

6Olsem ol ples daun i op ausait, olsem ol gaden klostu long sait bilong riva, olsem ol diwai likna alo, dispela BIKPELA i bin planim, na olsem ol diwai sida klostu long ol wara,Select Numbers 24:6

7Em bai kapsaitim wara ausait long ol baket bilong em, na tumbuna pikinini bilong em bai stap long planti ol wara, na king bilong em bai stap antap moa long Egak, na kingdom bilong em bai stap antap tru.Select Numbers 24:7

8God i bringim em ausait long Isip. Em i gat strong, samting olsem strong bilong wail abus i gat wanpela kom. Em bai kaikai olgeta ol kantri bilong ol birua bilong em, na em bai brukim ol bun bilong ol, na sutim ol namel wantaim ol spia bilong em.Select Numbers 24:8

9Em i slip hait, em i slipim bodi olsem wanpela laion, na olsem wanpela bikpela laion. Husat bai kirapim em? Blesing i stap long em husat i blesim yu, na tok nogut i stap long em husat i toknogutim yu.Select Numbers 24:9

10¶ Na belhat bilong Belak i kirap i birua long Belam, na em i paitim tupela han bilong em wantaim. Na Belak i tokim Belam, Mi singautim yu long toknogutim ol birua bilong mi, na, lukim, yu bin blesim ol olgeta dispela tripela taim.Select Numbers 24:10

11Olsem na nau yu ranawe i go long ples bilong yu. Mi gat tingting long litimapim yu i go long bikpela ona, tasol, harim, BIKPELA i bin pasim yu bek long ona.Select Numbers 24:11

12Na Belam i tokim Belak, Ating i yes long mi tokim tu ol mausman bilong yu husat yu salim i kam long mi, i spik,Select Numbers 24:12

13Sapos Belak i laik givim mi haus bilong em i pulap long silva na gol, mi no inap go hapsait long tok strong bilong BIKPELA, long mekim gutpela o nogut long tingting bilong mi yet. Tasol wanem samting BIKPELA i tok, dispela mi bai toktok?Select Numbers 24:13

14Na nau, lukim, mi go long ol lain manmeri bilong mi. Olsem na kam, na mi bai tokaut long yu long wanem samting dispela lain manmeri bai mekim long lain bilong yu long ol las de.Select Numbers 24:14

15¶ Na em i kisim i go antap tok piksa bilong em, na tok, Belam, pikinini man bilong Beor, i bin tok, na dispela man husat tupela ai bilong em i op i bin tok,Select Numbers 24:15

16Em i bin tok, husat i harim ol toktok bilong God, na save long save bilong Man i Antap moa Olgeta, husat i lukim driman samting bilong Man i Gat Olgeta Strong, taim em i pundaun long wanpela driman samting, tasol tupela ai bilong em i op,Select Numbers 24:16

17Mi bai lukim Em, tasol i no nau. Mi bai lukim Em, tasol i no klostu. Bai gat wanpela Sta i kam ausait long Jekop, na wanpela Stik Bilong King bai kirap ausait long Isrel, na Em bai paitim ol kona bilong Moap, na bagarapim olgeta olgeta pikinini bilong Set.Select Numbers 24:17

18Na Idom bai stap wanpela holimpas. Sir tu bai stap wanpela holimpas bilong ol birua bilong em. Na Isrel bai wokim strongpela pait.Select Numbers 24:18

19Ausait long Jekop bai kam Em husat bai gat strong bilong bosim, na Em bai bagarapim em olgeta husat i stap yet long biktaun.Select Numbers 24:19

20Na taim em i lukluk long Amalek, em i kisim i go antap tok piksa bilong em, na tok, Amalek em i namba wan bilong ol kantri. Tasol las hap bilong em i stap long em bai dai olgeta oltaim oltaim.Select Numbers 24:20

21Na em i lukluk long ol lain Ken, na kisim i go antap tok piksa bilong em, na tok, Ples bilong yu bilong i stap em i strongpela, na yu putim haus pisin bilong yu insait long wanpela ston.Select Numbers 24:21

22Tasol man Ken bai pinis nating, inap long Asur bai karim yu i go kalabus.Select Numbers 24:22

23Na em i kisim i go antap tok piksa bilong em, na tok, Sori tru, husat bai stap laip taim God i wokim dispela!Select Numbers 24:23

24Na ol sip bai kam i lusim arere bilong Kitim, na bai givim hevi long Asur, na bai givim hevi long Eber, na em tu bai dai olgeta bilong oltaim oltaim.Select Numbers 24:24

25Na Belam i kirap, na i lusim hap na go bek long ples bilong em. Na Belak tu i go long rot bilong em.Select Numbers 24:25