2Acts 2

1¶ Na taim de bilong Pentikos i kam pinis olgeta, olgeta bilong ol i stap wantaim wanpela bel long wanpela ples.Select Acts 2:1

2Na wantu wanpela nois i kam long heven olsem wanpela strongpela win i ran hariap tru, na em i pulimapim olgeta dispela haus we ol i sindaun.Select Acts 2:2

3Na i kamap ples klia long ol ol tang i bruk olsem paia, na dispela i sindaun antap long olgeta wan wan bilong ol.Select Acts 2:3

4Na olgeta bilong ol i pulap wantaim Holi Spirit, na ol i stat long toktok wantaim ol arapela tok ples, olsem Spirit i givim pasin bilong toktok long ol.Select Acts 2:4

5¶ Na i gat i stap long Jerusalem ol Ju, ol man i strong long bihainim lotu, i kam ausait long olgeta wan wan kantri aninit long heven.Select Acts 2:5

6Nau taim dispela stori i go ausait, bikpela lain tru i kam bung wantaim, na ol i paul tru, bikos olgeta wan wan man i harim ol toktok long tok ples bilong em yet.Select Acts 2:6

7Na ol olgeta i kirap nogut tru na tingting planti, i spik wanpela i go long narapela, Lukim, ating i yes long olgeta dispela husat i toktok i ol lain Galili?Select Acts 2:7

8Na yumi olgeta wan wan man i harim ol long tok ples we mama i karim yumi long en olsem wanem?Select Acts 2:8

9Yumi ol lain Patia, na Mida, na Ilam, na ol man bilong stap long Mesopotemia, na long Judia, na Kapadosia, long Pontas, na Esia,Select Acts 2:9

10Frijia, na Pamfilia, long Isip, na long ol hap bilong Libia nabaut long Sairini, na ol ausait man bilong Rom, ol Ju na man i bihainim lotu bilong ol Ju,Select Acts 2:10

11Ol Krit na ol Arebia, yumi harim ol i toktok long ol tok ples bilong yumi ol wok bilong God bilong winim tingting.Select Acts 2:11

12Na ol olgeta i kirap nogut tru, na ol i gat tupela tingting, na ol i spik wanpela i go long narapela, Wanem mining bilong dispela?Select Acts 2:12

13Ol arapela i wokim pani bilong daunim ol na tok, Ol dispela man i pulap long nupela wain.Select Acts 2:13

14¶ Tasol Pita, taim em i sanap wantaim dispela elevenpela, i litimapim nek bilong em, na tokim ol, Yupela ol man bilong Judia, na olgeta yupela husat i stap long Jerusalem, yupela i mas save long dispela, na harim ol toktok bilong mi.Select Acts 2:14

15Long wanem, ol dispela man i no spak, olsem yupela i gat tingting, taim yumi luksave long em i namba tri aua long de tasol.Select Acts 2:15

16Tasol dispela em i dispela samting i kam long toktok bilong profet Joel,Select Acts 2:16

17Na em bai kamap olsem long ol las de, God i tok, Mi bai kapsaitim bilong Spirit bilong mi antap long olgeta man. Na ol pikinini man bilong yupela na ol pikinini meri bilong yupela bai autim tok profet, na ol yangpela man bilong yupela bai lukim ol driman samting, na ol lapun man bilong yupela bai driman long ol driman.Select Acts 2:17

18Na antap long ol wokboi bilong mi na antap long ol wokmeri bilong mi bai mi kapsaitim Spirit bilong mi long ol dispela de. Na ol bai autim tok profet.Select Acts 2:18

19Na mi bai soim ol samting bilong winim tingting long heven antap, na ol mak long graun daunbilo, blut, na paia, na smuk wara bilong smuk.Select Acts 2:19

20San bai senis i kamap tudak, na mun long blut, bipo long dispela de bilong Bikpela i bikpela na i narakain i kamap.Select Acts 2:20

21Na em bai kamap olsem, long husat man bai singaut long nem bilong Bikpela, God bai kisim bek em.Select Acts 2:21

22Yupela ol man bilong Isrel, harim ol dispela toktok. Jisas bilong Nasaret, man God i soim orait long em namel long yupela long ol mirakel na ol samting bilong winim tingting na ol mak, dispela God i mekim long han bilong em long namel long yupela, olsem yupela yupela yet i save tu,Select Acts 2:22

23Em, taim God i save pastaim na givim em taim em i pasim tok long em yet na givim tok helpim, yupela i bin kisim, na wantaim ol han nogut yupela i bin nilim em long diwai kros na kilim em i dai.Select Acts 2:23

24Husat God i bin kirapim, taim em i lusim ol pen bilong dai. Bilong wanem, i no gat rot olgeta long dispela i ken holim em.Select Acts 2:24

25Long wanem, Devit i toktok long sait bilong em, Mi lukim bipo Bikpela, olgeta taim, long ai bilong pes bilong mi, long wanem, em i stap long han sut bilong mi, inap long mi no ken muv.Select Acts 2:25

26Olsem na bel bilong mi i bin wokim amamas tru, na tang bilong mi i amamas. Na moa tu bodi bilong mi bai malolo insait long hop.Select Acts 2:26

27Bilong wanem, yu no inap lusim tewel bilong mi long hel, na tu yu no inap larim Man Holi bilong yu sting long matmat.Select Acts 2:27

28Yu bin mekim mi long save long ol rot bilong laip. Yu bai mekim mi pulap long amamas tru wantaim pes bilong yu.Select Acts 2:28

29Ol man na ol brata, larim mi toktok long yupela na i no gat samting i pasim, long dispela nambawan tumbuna papa Devit, long em i dai pinis na ol i planim em wantaim, na matmat bilong em i stap wantaim yumi inap long tude.Select Acts 2:29

30Olsem na taim em i wanpela profet, na taim em i save long God i bin wokim strongpela promis long em wantaim promis antap, long kaikai bilong ol namel bilong bel bilong em, bilong bihainim sait bilong bodi, em bai kirapim Kraist long sindaun long sia king bilong em,Select Acts 2:30

31Taim em i lukim dispela bipo em i toktok long kirap bek bilong Kraist, long God i no lusim tewel bilong em long hel, na tu bodi bilong em i no bin sting long matmat.Select Acts 2:31

32Dispela Jisas God i bin kirapim, we yumi olgeta i stap ol witnes long en.Select Acts 2:32

33Olsem na taim God i litimapim em na em i stap long han sut bilong God, na taim em i kisim long Papa promis bilong Holi Spirit, em i bin kapsaitim dispela Spirit i kam, dispela yupela i lukim nau na harim.Select Acts 2:33

34Long wanem, Devit i no go antap long ol heven. Tasol em i tok em yet, BIKPELA i tok long Bikpela bilong mi, Yu sindaun long han sut bilong mi,Select Acts 2:34

35I go inap long mi mekim ol birua bilong yu long kamap liklik sia bilong putim lek bilong yu.Select Acts 2:35

36Olsem na larim olgeta bilong hauslain bilong Isrel save tru tumas, long God i bin mekim dispela Jisas stret, husat yupela i bin nilim long diwai kros, Bikpela na Kraist wantaim.Select Acts 2:36

37¶ Nau taim ol bin harim dispela, sap bilong tok i sutim bel bilong ol, na ol i tokim Pita na ol arapela aposel, Ol man na ol brata, mipela bai mekim wanem?Select Acts 2:37

38Nau Pita i tokim ol, Tanim bel, na kisim baptais, olgeta wan wan bilong yupela, long nem bilong Jisas Kraist bilong lusim ol sin, na yupela bai kisim presen bilong Holi Spirit.Select Acts 2:38

39Long wanem, dispela promis i go long yupela, na long ol pikinini bilong yupela, na long olgeta husat i stap longwe tru, yes, hamas man Bikpela, God bilong yumi, bai singautim.Select Acts 2:39

40Na wantaim planti arapela toktok em i bin tokaut klia na strongim bel bilong ol, i spik, Kisim bek yupela yet long dispela lain tumbuna i paul.Select Acts 2:40

41Nau ol husat i amamas long kisim tok bilong em i kisim baptais. Na long dispela de stret God i skruim long namba bilong ol klostu olsem 3,000 tewel.Select Acts 2:41

42¶ Na ol i stap strong yet insait long skul na pasin poroman bilong ol aposel, na long taim ol i brukim bret, na long ol prea.Select Acts 2:42

43Na pret i kam antap long olgeta wan wan tewel. Na ol aposel i wokim planti samting bilong winim tingting na ol mak.Select Acts 2:43

44Na olgeta husat i bilip i stap wantaim, na olgeta samting ol i gat i bilong olgeta yet.Select Acts 2:44

45Na ol i salim ol samting ol i holimpas na ol kago bilong ol long mani, na brukim ol long olgeta man, olsem olgeta wan wan man i gat nid.Select Acts 2:45

46Na ol, taim ol i stap yet olgeta wan wan de wantaim wanpela bel long tempel, na taim ol i brukim bret long haus i go long haus, i bin kaikai ol kaikai bilong ol wantaim amamas na bel i gat wanpela tingting,Select Acts 2:46

47Taim ol i litimapim nem bilong God, na taim ol i gat gutpela amamas wantaim olgeta manmeri. Na Bikpela i skruim long namba bilong sios, olgeta wan wan de, kain man olsem em i laik kisim bek.Select Acts 2:47