271 Samuel 27

1¶ Na Devit i tok insait long bel bilong em, Nau mi bai dai olgeta wanpela de long han bilong Sol. I no gat wanpela samting i gutpela moa long mi long mi ken go hariap na go olgeta long hap bilong ol Filistin. Na Sol bai lusim hop long mi, long painim mi moa long wanpela hap arere bilong Isrel. Olsem tasol bai mi go olgeta ausait long han bilong em.Select 1 Samuel 27:1

2Na Devit i kirap, na em i go hapsait wantaim dispela 600 man husat i stap wantaim em i go long Ekis, pikinini man bilong Meok, king bilong Gat.Select 1 Samuel 27:2

3Na Devit i stap wantaim Ekis long Gat, em na ol lain bilong em, olgeta wan wan man wantaim hauslain bilong em, yes, Devit wantaim tupela meri bilong em, meri Jesril Ahinoam, na meri Karmel Abigel, meri bilong Nebal.Select 1 Samuel 27:3

4Na ol i tokim Sol long Devit i ranawe i go long Gat. Na em i no painim em moa gen.Select 1 Samuel 27:4

5Na Devit i tokim Ekis, Sapos nau mi bin painim pinis marimari long tupela ai bilong yu, larim ol i givim mi wanpela ples long wanpela taun long hap i no gat planti man, inap long mi ken stap long dispela hap. Long wanem, bilong wanem wokboi bilong yu i ken stap long biktaun bilong king wantaim yu?Select 1 Samuel 27:5

6Nau Ekis i givim em Siklak long dispela de. Olsem na Siklak i bilong ol king bilong Juda i kam inap long tude.Select 1 Samuel 27:6

7Na taim long Devit i stap long dispela kantri bilong ol Filistin em i wanpela yia olgeta na fopela mun.Select 1 Samuel 27:7

8¶ Na Devit, na ol lain bilong em, i go antap, na go insait bilong pait long hap bilong ol lain Gesur, na ol lain Geser, na ol lain Amalek. Long wanem, ol dispela kantri i stap bilong bipo ol man i stap long dispela hap, olsem yu go long Sur, yes, inap long hap bilong Isip.Select 1 Samuel 27:8

9Na Devit i paitim dispela hap, na tu em i no larim man o meri i stap laip, na em i tekewe ol sipsip, na ol bulmakau man, na ol donki, na ol kemel, na ol naispela klos, na kam bek, na kam long Ekis.Select 1 Samuel 27:9

10Na Ekis i tok, Yupela i bin raun we tude? Na Devit i tok, Mipela i birua long hap saut bilong Juda, na birua long hap saut bilong ol lain Jeramel, na birua long hap saut bilong ol lain bilong Ken.Select 1 Samuel 27:10

11Na Devit i no kisim bek wanpela man o meri i stap laip yet tu, long bringim nius long Gat, i spik, Nogut ol i ken kam na tokaut long yumi, i spik, Olsem tasol Devit i mekim, na olsem tasol pasin bilong em bai stap olgeta taim em i stap long kantri bilong ol Filistin.Select 1 Samuel 27:11

12Na Ekis i bilipim Devit, i spik, Em i bin mekim ol lain bilong em Isrel long ting olsem em i sting olgeta. Olsem na em bai stap wokboi bilong mi oltaim oltaim.Select 1 Samuel 27:12