102 Samuel 10

1¶ Na em i kamap olsem bihain long dispela, long king bilong ol pikinini bilong Amon i dai pinis, na Hanun, pikinini man bilong em, i kisim ples bilong em long bosim kingdom.Select 2 Samuel 10:1

2Nau Devit i tok, Mi bai soim gutpela pasin long Hanun, pikinini man bilong Nehas, olsem papa bilong em i soim gutpela pasin long mi. Na Devit i salim tok long han bilong ol wokboi bilong em long givim bel isi long em bilong tingim papa bilong em. Na ol wokboi bilong Devit i kam insait long hap bilong ol pikinini bilong Amon.Select 2 Samuel 10:2

3Na ol hetman bilong ol pikinini bilong Amon i tokim Hanun, bikman bilong ol, Yu ting em i tru long Devit i laik givim ona long papa bilong yu, inap long em i bin salim ol man bilong givim bel isi long yu? Ating i yes moa long Devit i salim ol wokboi bilong em long yu long painimaut tru long dispela biktaun, na long lukstil long en, na long winim dispela?Select 2 Samuel 10:3

4Olsem na Hanun i kisim ol wokboi bilong Devit, na sevim wanpela namba tu hap bilong ol mausgras bilong ol, na katim ol klos bilong ol long namel stret, yes, i go inap long ol as bilong ol, na salim ol i go.Select 2 Samuel 10:4

5Taim ol i tokim Devit long dispela, em i salim ol man long bungim ol, bilong wanem, ol dispela man i gat bikpela sem. Na king i tok, Stap yet long Jeriko inap long ol mausgras bilong yupela i go longpela, na bihain kam bek.Select 2 Samuel 10:5

6¶ Na taim ol pikinini bilong Amon i luksave long ol i sting pinis long ai bilong Devit, ol pikinini bilong Amon i salim tok na baim ol lain Siria bilong Bet-rehop, na ol lain Siria bilong Soba, 20,000 man bilong pait long lek, na bilong king Meaka 1,000 man, na bilong Istop 12,000 man.Select 2 Samuel 10:6

7Na taim Devit i harim long dispela, em i salim Joap, na olgeta ami bilong ol strongpela man.Select 2 Samuel 10:7

8Na ol pikinini bilong Amon i kam ausait, na redim lain bilong pait long ples bilong go insait bilong dua bilong banis. Na ol lain Siria bilong Soba, na bilong Rehop, na Istop, na Meaka, ol i stap ol yet long ples kunai.Select 2 Samuel 10:8

9Taim Joap i luksave long pes bilong pait i birua long em long ai bilong em na long baksait bilong em, em i makim olgeta nambawan man bilong Isrel, na putim ol long lain long birua long ol lain Siria.Select 2 Samuel 10:9

10Na olgeta arapela lain, em i givim long han bilong Abisai, brata bilong em, inap long em i ken putim ol long lain long birua long ol pikinini bilong Amon.Select 2 Samuel 10:10

11Na em i tok, Sapos ol lain Siria i strong tumas long mi, orait yu bai helpim mi. Tasol sapos ol pikinini bilong Amon i strong tumas long yu, orait mi bai kam na helpim yu.Select 2 Samuel 10:11

12Holimpas gutpela strong bilong pait, na larim yumi pilai olsem ol man bilong helpim ol lain bilong yumi, na bilong helpim ol biktaun bilong God bilong yumi. Na BIKPELA i ken mekim dispela samting i luk olsem i gutpela long ai bilong Em.Select 2 Samuel 10:12

13Na Joap i go klostu, na ol lain husat i stap wantaim em, i go long pait birua long ol lain Siria. Na ol i ranawe long ai bilong em.Select 2 Samuel 10:13

14Na taim ol pikinini bilong Amon i luksave long ol lain Siria i ranawe pinis, orait ol i ranawe tu long ai bilong Abisai, na go insait long biktaun. Olsem tasol Joap i lusim ol pikinini bilong Amon na kam bek, na kam long Jerusalem.Select 2 Samuel 10:14

15¶ Na taim ol lain Siria i luksave long ol lain Isrel i paitim ol pinis, ol i bungim ol yet wantaim.Select 2 Samuel 10:15

16Na Hadariser i salim tok, na bringim ol lain Siria ausait husat i stap hapsait long riva. Na ol i kam long Helam. Na Sobak, kepten bilong ami bilong Hadariser, i go pas long ol.Select 2 Samuel 10:16

17Na taim ol i tokim Devit long dispela, em i bungim olgeta lain Isrel wantaim, na go hapsait long Jordan, na kam long Helam. Na ol lain Siria i lainim ol yet long pait birua long Devit, na pait wantaim em.Select 2 Samuel 10:17

18Na ol lain Siria i ranawe long ai bilong Isrel. Na Devit i kilim i dai ol man bilong 700 karis bilong ol lain Siria, na 40,000 man i ran long hos, na paitim Sobak, kepten bilong ami bilong ol, husat i dai pinis long dispela hap.Select 2 Samuel 10:18

19Na taim olgeta king husat i ol wokboi long Hadariser i luksave long Isrel i paitim ol pinis, ol i wokim pasin bilong bel isi wantaim Isrel, na stap aninit long ol. Olsem tasol ol lain Siria i pret long helpim ol pikinini bilong Amon moa liklik.Select 2 Samuel 10:19