2 Samuel Chapter 21 King Jems Pisin Baibel

Historical books · 2 Samuel · King Jems Pisin Baibel · 22 verses

Verse layout

📝 Overview of this chapter Flow, key verses and people

사무엘하 21장은 사울이 기브온 사람을 죽인 일로 든 3년 기근과 사울 자손 일곱의 처형, 리스바의 시신 지킴과 사울 집안의 장례, 블레셋 거인족과 벌인 네 차례 싸움을 기록한 장이다.

Jump to verse

1 2 3 4 5 6 7 8 9 10 11 12 13 14 15 16 17 18 19 20 21 22

212 Samuel · King Jems Pisin Baibel

¹¶ Nau i gat wanpela bikpela taim hangre long ol de bilong Devit tripela yia, yia i bihainim yia. Na Devit i askim long BIKPELA. Na BIKPELA i bekim tok, Em i bilong Sol, na bilong hauslain bilong em i pulap long blut, bilong wanem, em i kilim i dai ol lain Gibion.

²Na king i singautim ol lain Gibion, na tokim ol, (nau ol lain Gibion i no bilong ol pikinini bilong Isrel, tasol ol i hap lain i stap yet bilong ol lain Amor, na ol pikinini bilong Isrel i bin wokim strongpela promis long ol. Na Sol i painim rot long kilim ol i dai taim em i hatwok tru long sait bilong ol pikinini bilong Isrel na Juda.)

³Olsem na Devit i tokim ol lain Gibion, Mi bai mekim wanem samting bilong stretim yupela? Na bai mi mekim karamapim long mekim i kamap wanbel wantaim wanem samting, inap long yupela ken blesim samting papa i givim pikinini bilong BIKPELA?

⁴Na ol lain Gibion i tokim em, Mipela i no gat laik long kisim silva o gol long Sol, o long hauslain bilong em. Na tu long stretim mipela yu no ken kilim wanpela man long Isrel. Na em i tok, Wanem samting yupela tok, dispela bai mi mekim bilong stretim yupela.

⁵Na ol i bekim tok long king, Dispela man husat i kaikai mipela olgeta, na husat i kamapim plen i birua long mipela inap long mipela i ken bagarap olgeta long stap yet insait long wanpela hap arere bilong Isrel,

⁶Larim king i givim sevenpela man bilong ol pikinini man bilong em i kam long mipela, na mipela bai hangamapim ol i go long BIKPELA long Gibia bilong Sol, husat BIKPELA i bin makim. Na king i tok, Mi bai givim ol.

⁷Tasol king i soim sori long Mefiboset, pikinini man bilong Jonatan, pikinini man bilong Sol, bilong tingim dispela strongpela promis bilong BIKPELA i stap namel long tupela, namel long Devit na Jonatan, pikinini man bilong Sol.

⁸Tasol king i kisim tupela pikinini man bilong Rispa, pikinini meri bilong Ea, husat em i karim long Sol, Amoni na Mefiboset. Na em i kisim dispela faipela pikinini man bilong Mikal, pikinini meri bilong Sol, husat em i lukautim long helpim Adriel, pikinini man bilong man Mehola Basilai.

⁹Na em i givim ol long ol han bilong ol lain Gibion, na ol i hangamapim ol long liklik maunten long ai bilong BIKPELA. Na olgeta sevenpela ol i pundaun wantaim, na ol i mekim ol i dai long ol de bilong kamautim kaikai, long ol namba wan de, long stat bilong taim bilong kamautim bali.

¹⁰¶ Na Rispa, pikinini meri bilong Ea, i kisim bek laplap, na opim dispela bilong em yet antap long ston, i stat long stat bilong taim bilong kamautim bali i go inap wara i kam daun long ol long heven, na em i no larim ol pisin bilong skai long malolo antap long ol long san, o long ol animal bilong ples kunai long nait tu.

¹¹Na ol i tokim Devit long wanem samting Rispa, pikinini meri bilong Ea, nambatu lain meri bilong Sol, i bin mekim.

¹²Na Devit i go na kisim ol bun bilong Sol, na ol bun bilong Jonatan, pikinini man bilong em, long ol man bilong Jebes-gileat, husat i bin stilim ol long rot bilong Bet-san, we ol Filistin i bin hangamapim ol, taim ol Filistin i bin kilim i dai Sol long Gilboa.

¹³Na long dispela ples em i bringim i kam antap ol bun bilong Sol na ol bun bilong Jonatan, pikinini man bilong em. Na ol i bungim ol bun bilong ol husat ol i hangamapim.

¹⁴Na ol bun bilong Sol na Jonatan, pikinini man bilong em, ol i planim long hap bilong Benjamin long Sela, long matmat bilong Kis, papa bilong em. Na ol i wokim olgeta samting king i tok strong long wokim. Na bihain long dispela, God i harim strongpela askim bilong helpim dispela hap.

¹⁵¶ Na moa tu ol Filistin i gat bikpela pait yet gen wantaim Isrel. Na Devit i go daun, na ol wokboi bilong em wantaim em, na pait birua long ol Filistin. Na Devit i wok long hap i dai.

¹⁶Na Isbi-benop, husat i wanpela bilong ol pikinini man bilong dispela traipela man, husat hevi bilong spia bilong tromoi bilong em i 300 sekel bras long hevi, taim em i pas nabaut wantaim wanpela nupela bainat, em i gat tingting long kilim i dai Devit.

¹⁷Tasol Abisai, pikinini man bilong Seruaia, i helpim em, na paitim dispela Filistin, na kilim em. Nau ol lain bilong Devit i wokim strongpela promis i go long em, i spik, Yu bai i no inap go ausait moa wantaim mipela long pait, inap long yu no kilim i dai lait bilong Isrel.

¹⁸Na em i kamap olsem bihain long dispela, long i gat wanpela pait gen wantaim ol Filistin long Gop. Nau man Husat Sibekai i kilim i dai Sap, husat i wanpela bilong ol pikinini man bilong dispela traipela man.

¹⁹Na i gat wanpela pait gen long Gop wantaim ol Filistin, we Elhanan, pikinini man bilong Jeare-oregim, wanpela man Betlehem, i kilim i dai brata bilong man Gat Golaiat, husat handel bilong spia bilong tromoi bilong em i olsem bikpela hap diwai bilong man bilong wokim laplap.

²⁰Na i gat wanpela pait yet long Gat, we i gat wanpela man i longpela tru, husat i gat long tupela han wan wan sikispela pinga, na long tupela fut wan wan, sikispela pinga, 24 olgeta. Na em tu, meri i karim long dispela traipela man.

²¹Na taim em i duim Isrel, Jonatan, pikinini man bilong Simea, brata bilong Devit, i kilim em i dai.

²²Ol dispela fopela, meri i karim long dispela traipela man long Gat, na ol i pundaun long han bilong Devit, na long han bilong ol wokboi bilong em.

King Jems Pisin Baibel
Tap a verse to copy, share, highlight or add a note. Dotted words link to encyclopedia articles.

22 verses in this chapter

21 / 24 chapters

The text is King Jems Pisin Baibel(톡피신어) — From getbible.net (CrossWire SWORD module) · license: CC BY-NC-ND 4.0 (Creative Commons: BY-NC-ND 4.0) Highlights, notes and read marks stay with the chapter whichever version you read. Dotted words are people, places and terms that have an encyclopedia article (marked once per page). Highlights, notes and read marks are saved only in this browser and gathered under My marks.

2 Samuel Chapter 21 King Jems Pisin Baibel

Articles mentioning this chapter

More