242 Samuel 24

1¶ Na gen belhat bilong BIKPELA i kirap na birua long Isrel, na Em i kirapim Devit long birua long ol na long tok, Go, kaunim Isrel na Juda.Select 2 Samuel 24:1

2Long wanem, king i tokim Joap, kepten bilong ami, husat i stap wantaim em, Go nau namel long olgeta ol lain bilong Isrel, i stat long Dan, yes, i go inap long Biar-siba, na yupela kaunim ol lain, inap long mi ken save long namba bilong ol lain.Select 2 Samuel 24:2

3Na Joap i tokim king, Nau BIKPELA, God bilong yu, i kin skruim sampela moa long ol lain, maski ol i stap hamas, 100 taims moa, na long tupela ai bilong king, bikman bilong mi, i ken lukim dispela. Tasol bilong wanem king, bikman bilong mi, i gat gutpela amamas long dispela samting?Select 2 Samuel 24:3

4Tasol tok bilong king i winim Joap, na ol kepten bilong ami. Na Joap na ol kepten bilong ami i go ausait i lusim pes bilong king, long kaunim ol lain bilong Isrel.Select 2 Samuel 24:4

5Na ol i go hapsait long Jordan, na sanapim ol haus sel long Aroa, long han sut sait bilong dispela biktaun i slip long namel bilong dispela riva bilong Gat, na i go long Jaser.Select 2 Samuel 24:5

6Nau ol i kam long Gileat, na long hap bilong Tatim-hotsi. Na ol i kam long Dan-jean, na kam nabaut i go long Saidon.Select 2 Samuel 24:6

7Na ol i kamap long strongpela ples hait bilong Tair, na long olgeta biktaun bilong ol lain Hiv, na bilong ol lain Kenan. Na ol i go ausait long hap saut bilong Juda, yes, inap long Biar-siba.Select 2 Samuel 24:7

8Olsem tasol taim ol i bin go namel long olgeta dispela hap, ol i kam long Jerusalem long pinis bilong nainpela mun na 20 de.Select 2 Samuel 24:8

9Na Joap i givim ripot long namba olgeta bilong ol lain i go long king. Na i gat long Isrel 800,000 strongpela man bilong pait husat i pulim bainat. Na ol man bilong Juda em 500,000 man.Select 2 Samuel 24:9

10¶ Na bel bilong Devit i paitim em bihain long em i bin kaunim ol lain. Na Devit i tokim BIKPELA, Mi bin sin bikpela long dispela mi bin mekim. Na nau, mi askim Yu long daun pasin, O BIKPELA, tekewe dispela sin nogut bilong wokboi bilong Yu. Long wanem, mi bin mekim kranki pasin tru.Select 2 Samuel 24:10

11Long wanem, taim Devit i kirap long moning, tok bilong BIKPELA i kam long profet Gat, sia bilong Devit, i spik,Select 2 Samuel 24:11

12Go na tokim Devit, BIKPELA i tok olsem, Mi bai kolim tripela samting long yu. Yu makim wanpela bilong ol, inap long Mi ken mekim dispela long yu.Select 2 Samuel 24:12

13Olsem tasol Gat i kam long Devit na tokim em, na em i tokim em, Bai i gat sevenpela yia bilong bikpela taim hangre i kam long yu long hap bilong yu? O yu bai ranawe tripela mun long ai bilong ol birua bilong yu, taim ol i ran bihainim yu? O long bai i gat tripela de bilong sik nogut i stap long hap bilong yu? Nau givim tingting, na lukluk gut long wanem kain bekim mi bai givim long Em husat i salim mi.Select 2 Samuel 24:13

14Na Devit i tokim Gat, Mi stap long wanpela hatpela ples tru. Larim mipela pundaun nau i go long han bilong BIKPELA. Long wanem, ol sori bilong Em i bikpela. Na Em i no ken larim mi pundaun i go long han bilong man.Select 2 Samuel 24:14

15Olsem tasol BIKPELA i salim wanpela sik nogut i kam long Isrel long moning, yes, i go inap long taim God i makim. Na i gat ol manmeri i dai pinis i stat long Dan, yes, i go inap long Biar-siba, 70,000 man.Select 2 Samuel 24:15

16Na taim ensel i stretim han bilong em antap long Jerusalem long bagarapim dispela olgeta, BIKPELA i tanim bel bilong Em long dispela samting nogut, na tokim dispela ensel husat i bagarapim olgeta ol manmeri, Em inap. Pasim nau han bilong yu. Na ensel bilong BIKPELA i stap klostu long ples bilong klinim wit samting bilong man Jebus Arauna.Select 2 Samuel 24:16

17Na Devit i tokim BIKPELA taim em i lukim dispela ensel husat i paitim ol manmeri, na tok, Harim, mi bin mekim sin, na mi bin mekim pasin nogut. Tasol ol dispela sipsip, ol i bin mekim wanem? Larim han bilong Yu, mi askim Yu plis, i stap birua long mi, na i birua long hauslain bilong papa bilong mi.Select 2 Samuel 24:17

18¶ Na Gat i kam long dispela de long Devit, na tokim em, Go antap, sanapim wanpela alta long BIKPELA long plua bilong klinim wit samting bilong man Jebus Arauna.Select 2 Samuel 24:18

19Na Devit, bilong bihainim toktok bilong Gat, i go antap olsem BIKPELA i tok strong.Select 2 Samuel 24:19

20Na Arauna i lukluk, na lukim king na ol wokboi bilong em i wok long kam long em. Na Arauna i go ausait, na lindaunim em yet long ai bilong king long pes bilong em antap long graun.Select 2 Samuel 24:20

21Na Arauna i tok, Olsem wanem na king, bikman bilong mi, i kam long wokboi bilong em? Na Devit i tok, Long baim dispela plua bilong klinim wit samting long yu, long wokim wanpela alta long BIKPELA, inap long dispela sik nogut i ken i pinis long ol manmeri.Select 2 Samuel 24:21

22Na Arauna i tokim Devit, Larim king, bikman bilong mi, kisim na wokim ofa i go antap long wanem samting i luk olsem i gutpela long ai bilong em. Lukim, ol bulmakau man bilong sakrifais i kuk olgeta, na ol samting bilong klinim wit samting na ol arapela samting bilong ol bulmakau man bilong diwai bilong ofa i stap long hia.Select 2 Samuel 24:22

23Olgeta dispela samting Arauna, olsem wanpela king, i bin givim long king. Na Arauna i tokim king, BIKPELA, God bilong yu, i ken orait long yu.Select 2 Samuel 24:23

24Na king i tokim Arauna, Nogat. Tasol tru tumas, mi bai baim dispela long yu long wanpela pe. Na tu bai mi no inap ofaim ol ofa i kuk olgeta i go long BIKPELA, God bilong mi, long dispela samting mi no bin baim liklik. Olsem tasol Devit i baim dispela plua bilong klinim wit samting na ol bulmakau man long 50 sekel silva.Select 2 Samuel 24:24

25Na Devit i wokim long dispela hap wanpela alta i go long BIKPELA, na ofaim ol ofa i kuk olgeta na ol ofa bilong givim bel isi. Olsem tasol BIKPELA i harim askim bilong helpim dispela hap, na dispela sik nogut i pinis long Isrel.Select 2 Samuel 24:25