52 Samuel 5

1¶ Nau olgeta lain bilong Isrel i kam long Devit long Hibron, na tok, i spik, Lukim, mipela i stap bun bilong yu na bodi bilong yu.Select 2 Samuel 5:1

2Na tu long taim bipo, taim Sol i stap king long bosim mipela, yu bin stap em husat i stiaim Isrel i go ausait na bringim ol i kam insait. Na BIKPELA i tokim yu, Yu bai givim kaikai long ol lain bilong Mi Isrel, na yu bai stap wanpela kepten long bosim Isrel.Select 2 Samuel 5:2

3Olsem tasol olgeta lapun hetman bilong Isrel i kam long king long Hibron. Na king Devit i wokim wanpela kontrak bilong bel isi wantaim ol long Hibron long ai bilong BIKPELA. Na ol i makim Devit king long bosim Isrel.Select 2 Samuel 5:3

4Na Devit i gat 30 krismas taim em i stat long bosim kingdom, na em i bosim kingdom 40 yia.Select 2 Samuel 5:4

5Long Hibron em i bosim kingdom long Juda sevenpela yia na sikispela mun. Na long Jerusalem em i bosim kingdom long olgeta Isrel na Juda 33 yia.Select 2 Samuel 5:5

6¶ Na king na ol lain bilong em i kam long Jerusalem long ol lain Jebus, ol man i stap long dispela hap, husat i tokim Devit, i spik, Sapos yu no tekewe ol aipas na ol lek nogut, yu no ken kam long hia. Ol i tingting olsem, Devit i no inap long kam long hia.Select 2 Samuel 5:6

7Tasol Devit i kisim strongpela ples hait bilong Saion. Dispela stret em i biktaun bilong Devit.Select 2 Samuel 5:7

8Na Devit i tok long dispela de, Husat man i go antap long baret, na paitim ol lain Jebus, na ol lek nogut na ol aipas, husat tewel bilong Devit i hetim, em bai stap nambawan hetman na kepten. Olsem na ol i tok, Ol aipas na ol lek nogut bai i no inap kam insait long dispela haus.Select 2 Samuel 5:8

9Olsem tasol Devit i stap long dispela haus soldia, na kolim nem bilong en biktaun bilong Devit. Na Devit i wokim ples raun nabaut i stat long Milo na i kam insait.Select 2 Samuel 5:9

10Na Devit i go moa, na kamap bikpela, na God BIKPELA bilong ol ami i stap wantaim em.Select 2 Samuel 5:10

11¶ Na Hairam, king bilong Tair, i salim ol mausman long Devit, na salim ol diwai sida, na ol kamda, na ol man bilong wok wantaim ston. Na ol i wokim wanpela haus bilong Devit.Select 2 Samuel 5:11

12Na Devit i kisim save long BIKPELA i bin strongim em long stap king long bosim Isrel, na long Em i bin litimapim kingdom bilong em bilong tingim lain manmeri bilong Em Isrel.Select 2 Samuel 5:12

13Na Devit i kisim long em sampela moa meri na nambatu lain meri ausait long Jerusalem, bihain long em i lusim Hibron i kam. Na i gat yet ol pikinini man na ol pikinini meri ol i karim long Devit.Select 2 Samuel 5:13

14Na dispela em ol nem bilong ol dispela husat ol i karim long em long Jerusalem, Samua, na Sobap, na Netan, na Solomon,Select 2 Samuel 5:14

15Ipar tu, na Elisua, na Nefek, na Jafia,Select 2 Samuel 5:15

16Na Elisama, na Eliada, na Elifalet.Select 2 Samuel 5:16

17¶ Tasol taim ol Filistin i harim long ol i bin makim Devit king long bosim Isrel, olgeta Filistin i kam antap long painim Devit. Na Devit i harim long dispela, na em i go daun long dispela ples hait.Select 2 Samuel 5:17

18Ol Filistin tu i kam na lainim ol yet long ples daun bilong Refaim.Select 2 Samuel 5:18

19Na Devit i askim long BIKPELA, i spik, Bai mi go antap long ol Filistin? Yu bai givim ol long han bilong mi? Na BIKPELA i tokim Devit, Go antap. Long wanem, em i tru olgeta, Mi bai givim ol Filistin long han bilong yu.Select 2 Samuel 5:19

20Na Devit i kam long Beal-perasim, na Devit i paitim ol long dispela hap, na tok, BIKPELA i bin bruk ausait antap long ol birua bilong mi long ai bilong mi, olsem ol wara i bruk. Olsem na em i kolim nem bilong dispela ples Beal-perasim.Select 2 Samuel 5:20

21Na ol i lusim long dispela hap ol piksa god bilong ol, na Devit na ol lain bilong em i kukim ol olgeta.Select 2 Samuel 5:21

22Na ol Filistin i kam antap yet gen, na lainim ol yet long ples daun bilong Refaim.Select 2 Samuel 5:22

23Na taim Devit i askim long BIKPELA, Em i tok, Yu no ken go antap. Tasol raunim hap i go long baksait bilong ol, na kam antap long ol pas klostu long ol diwai malberi.Select 2 Samuel 5:23

24Na larim i stap olsem, taim yu harim nois bilong wanpela wokabaut long ol antap bilong ol diwai malberi, orait nau yu bai kirapim yu yet. Long wanem, nau bai BIKPELA i go ausait bipo long yu, long paitim ami bilong ol Filistin.Select 2 Samuel 5:24

25Na Devit i mekim olsem, olsem BIKPELA i bin tok strong long em. Na em i paitim ol Filistin i stat long Geba i go inap long yu kam long Gaser.Select 2 Samuel 5:25