1Judges 1

1¶ Nau bihain long dai bilong Josua, em i kamap olsem, long ol pikinini bilong Isrel i askim BIKPELA, i spik, Husat bai go antap pastaim bilong helpim mipela birua long ol lain Kenan, long pait birua long ol?Select Judges 1:1

2Na BIKPELA i tok, Juda bai go antap. Lukim, Mi bin givim dispela hap i go long han bilong em.Select Judges 1:2

3Na Juda i tokim Simion, brata bilong em, Kam antap wantaim mi insait long hap satu bilong mi, inap long yumi ken pait birua long ol lain Kenan. Na wankain olsem bai mi go wantaim yu long hap satu bilong yu. Olsem na Simion i go wantaim em.Select Judges 1:3

4Na Juda i go antap. Na BIKPELA i givim ol lain Kenan na ol lain Peris i go long han bilong ol. Na ol i kilim i dai bilong ol long Besek 10,000 man.Select Judges 1:4

5Na ol i lukim Adoni-besek long Besek. Na ol i pait birua long em, na ol i kilim i dai ol lain Kenan na ol lain Peris.Select Judges 1:5

6Tasol Adoni-besek i ranawe. Na ol i ran bihainim em, na kisim em, na katim i go tupela bikpela pinga bilong em na tupela bikpela pinga bilong lek bilong em.Select Judges 1:6

7Na Adoni-besek i tok, 70 king, taim mi bin katim i go ol bikpela pinga bilong ol na ol bikpela pinga bilong lek bilong ol, i bungim kaikai bilong ol aninit long tebol bilong mi. Olsem mi bin mekim, olsem tasol God i bin bekim pe long mi. Na ol i bringim em long Jerusalem, na em i dai pinis long dispela hap.Select Judges 1:7

8Nau ol pikinini bilong Juda i bin pait birua long Jerusalem, na bin kisim dispela, na paitim dispela wantaim sap bilong bainat, na kirapim paia long biktaun.Select Judges 1:8

9¶ Na bihain long en ol pikinini bilong Juda i go daun long pait birua long ol lain Kenan, husat i stap long maunten, na long hap saut, na long ples daun.Select Judges 1:9

10Na Juda i go birua long ol lain Kenan husat i stap long Hebron. (Nau nem bilong Hebron bipo em i Kiriat-arba.) Na ol i kilim i dai Sesai, na Ahiman, na Talmai.Select Judges 1:10

11Na em i lusim dispela ples i go birua long ol husat i stap long Debir. Na nem bilong Debir bipo em i Kiriat-sefer.Select Judges 1:11

12Na Kelep i tok, Man husat i paitim Kiriat-sefer, na kisim dispela, long em bai mi givim Aksa, pikinini meri bilong mi, long maritim.Select Judges 1:12

13Na Otniel, pikinini man bilong Kenas, liklik brata bilong Kelep, i kisim dispela. Na em i givim em Aksa, pikinini meri bilong em, long maritim.Select Judges 1:13

14Na em i kamap olsem, taim meri i kam long em, long meri i kirapim em long askim long papa bilong meri wanpela ples kunai. Na meri i kalap i lusim donki bilong em. Na Kelep i tokim em, Yu laikim wanem?Select Judges 1:14

15Na meri i tokim em, Givim mi wanpela blesing. Long wanem, yu bin givim mi wanpela hap graun long hap saut. Givim mi tu ol ai bilong wara. Na Kelep i givim em ol ai bilong wara antap na ol ai bilong wara daunbilo.Select Judges 1:15

16Na ol pikinini bilong ol lain Ken, tambu papa bilong Moses, i go antap ausait long biktaun bilong ol diwai palmen wantaim ol pikinini bilong Juda long ples i no gat man bilong Juda, dispela i slip long hap saut bilong Arat. Na ol i go na stap namel long ol manmeri.Select Judges 1:16

17Na Juda i go wantaim Simion, brata bilong em, na ol i kilim i dai ol lain Kenan husat i stap long Sefat, na bagarapim dispela olgeta. Na ol i kolim nem bilong dispela biktaun Horma.Select Judges 1:17

18Juda tu i kisim Gasa wantaim ol hap arere bilong en, na Askelon wantaim ol hap arere bilong en, na Ekron wantaim ol hap arere bilong en.Select Judges 1:18

19Na BIKPELA i stap wantaim Juda. Na em i ranim i go ausait ol husat i stap long maunten. Tasol em i no inap long ranim i go ausait ol husat i stap long ples daun, bilong wanem, ol i gat ol karis ain.Select Judges 1:19

20Na ol i givim Hebron i go long Kelep, olsem Moses i tok. Na em i rausim i go ausait long dispela ples dispela tripela pikinini man bilong Anak.Select Judges 1:20

21¶ Na ol pikinini bilong Benjamin i no bin ranim i go ausait ol lain Jebus husat i stap long Jerusalem. Tasol ol lain Jebus i stap wantaim ol pikinini bilong Benjamin long Jerusalem inap long tude.Select Judges 1:21

22Na hauslain bilong Josep, ol tu i go antap long birua long Betel. Na BIKPELA i stap wantaim ol.Select Judges 1:22

23Na hauslain bilong Josep i salim ol man long lukstil long Betel. (Nau nem bilong dispela biktaun bipo em i Lus.)Select Judges 1:23

24Na ol man bilong lukstil i lukim wanpela man i kam ausait long biktaun, na ol i tokim em, Soim mipela, mipela askim yu plis, dua i go insait long biktaun, na mipela bai soim sori long yu.Select Judges 1:24

25Na taim em i soim ol pinis dua i go insait long biktaun, ol i paitim biktaun wantaim sap bilong bainat. Tasol ol i larim man i go na olgeta famili bilong em.Select Judges 1:25

26Na man i go insait long hap bilong ol lain Hit, na wokim wanpela biktaun, na kolim nem bilong en Lus. Dispela em i nem bilong en inap long tude.Select Judges 1:26

27Na tu Manasa i no bin ranim i go ausait ol husat i stap long Bet-sean na ol taun bilong en, o Teanak na ol taun bilong en, o ol husat i stap long Dor na ol taun bilong en, o ol husat i stap long Ipleam na ol taun bilong en, o ol husat i stap long Megido na ol taun bilong en. Tasol ol lain Kenan i gat laik long stap long dispela hap.Select Judges 1:27

28Na em i kamap olsem, taim Isrel i gat strong, long ol putim takis antap long ol lain Kenan, na ol i no bin ranim ol i go ausait olgeta.Select Judges 1:28

29Na tu Ifraim i no bin ranim i go ausait ol lain Kenan husat i stap long Geser. Tasol ol lain Kenan i stap long Geser namel long ol.Select Judges 1:29

30Na tu Sebyulan i no bin ranim i go ausait ol husat i stap long Kitron, o ol husat i stap long Nahalol. Tasol ol lain Kenan i stap namel long ol, na kamap ol lain bilong baim takis long ol.Select Judges 1:30

31Na tu Aser i no bin ranim i go ausait ol husat i stap long Ako, o ol husat i stap long Saidon, o long Alap, o long Aksip, o long Helba, o long Afik, o long Rehop.Select Judges 1:31

32Tasol ol lain Aser i stap namel long ol lain Kenan, ol husat i stap long dispela hap. Long wanem, ol i no bin ranim ol i go ausait.Select Judges 1:32

33Na tu Naptalai i no bin ranim i go ausait ol husat i stap long Bet-semes, o ol husat i stap long Bet-anat. Tasol em i stap namel long ol lain Kenan, ol husat i stap long dispela hap. Tasol ol husat i stap long Bet-semes na long Bet-anat i kamap ol lain bilong baim takis long ol.Select Judges 1:33

34Na ol lain Amor i yusim strong long mekim ol pikinini bilong Dan i go long maunten. Long wanem, ol i no laik larim ol kam daun long ples daun.Select Judges 1:34

35Tasol ol lain Amor i gat laik long stap long maunten Heres long Aisalon, na long Sealbim. Tasol han bilong hauslain bilong Josep i winim ol, inap long ol i kamap ol lain bilong baim takis long ol.Select Judges 1:35

36Na hap arere bilong ol lain Amor em i stat long hap i go antap long Akrabim, i stat long dispela ston, na i go antap.Select Judges 1:36