10Judges 10

1¶ Na bihain long Abimelek, Tola, pikinini man bilong Pua, pikinini man bilong Dodo, wanpela man Isakar, i kirap long pait long lukautim Isrel. Na em i stap long Samir long maunten Ifraim.Select Judges 10:1

2Na em i jasim Isrel 23 yia, na em i dai pinis, na ol i planim em long Samir.Select Judges 10:2

3Na bihain long em Jair i kirap, wanpela man Gileat, na em i jasim Isrel 22 yia.Select Judges 10:3

4Na em i gat 30 pikinini man husat i ran antap long 30 pikinini bilong donki, na ol i gat 30 biktaun, dispela ol i kolim Havot-jair inap long tude, dispela i stap long hap bilong GileatSelect Judges 10:4

5Na Jair i dai pinis, na ol i planim em long Kemon.Select Judges 10:5

6¶ Na ol pikinini bilong Isrel i mekim pasin nogut gen long ai bilong BIKPELA, na bihainim Bealim, na Astarot, na ol god bilong Siria, na ol god bilong Saidon, na ol god bilong Moap, na ol god bilong ol pikinini bilong Amon, na ol god bilong ol Filistin, na givim baksait long BIKPELA, na ol i no bihainim Em.Select Judges 10:6

7Na belhat bilong BIKPELA i hat i birua long Isrel, na Em i salim ol olsem kago i go long ol han bilong ol Filistin, na i go long ol han bilong ol pikinini bilong Amon.Select Judges 10:7

8Na dispela yia ol i givim hevi na bagarapim bel bilong ol pikinini bilong Isrel, 18 yia, olgeta pikinini bilong Isrel husat i stap long hapsait bilong Jordan long hap bilong ol lain Amor, dispela em i GileatSelect Judges 10:8

9Na moa tu ol pikinini bilong Amon i go hapsait long Jordan long pait tu i birua long Juda, na i birua long Benjamin, na i birua long hauslain bilong Ifraim, inap long Isrel i pilim bikpela wari tru.Select Judges 10:9

10¶ Na ol pikinini bilong Isrel i krai i go long BIKPELA, i spik, Mipela i bin mekim sin i birua long Yu, bilong wanem, mipela i bin givim baksait long God bilong mipela, na tu mipela i bihainim Bealim wantaim.Select Judges 10:10

11Na BIKPELA i tokim ol pikinini bilong Isrel, Ating i yes long Mi kisim bek yupela long han bilong ol lain Isip, na long ol lain Amor, long ol pikinini bilong Amon, na long ol Filistin?Select Judges 10:11

12Ol lain Saidon tu, na ol lain Amalek, na ol lain Maon, i bin givim hevi long yupela. Na yupela i krai long Mi, na Mi kisim bek yupela i kam ausait long han bilong ol.Select Judges 10:12

13Yet yupela i bin givim baksait long Mi, na bihainim ol arapela god. Olsem na bai Mi no inap kisim bek yupela moa.Select Judges 10:13

14Go na krai i go long ol god husat yupela bin makim. Larim ol kisim bek yupela long taim bilong bikpela hevi bilong yupela.Select Judges 10:14

15Na ol pikinini bilong Isrel i tokim BIKPELA, Mipela i bin mekim sin. Yu mekim long mipela wanem samting i luk olsem em i gutpela long ai bilong Yu. Kisim bek mipela tasol, mipela askim Yu plis, tude.Select Judges 10:15

16Na ol i rausim i go ol narakain god long namel bilong ol, na bihainim BIKPELA. Na tewel bilong Em i pilim bikpela hevi bikos Isrel i pulap long hevi nogut.Select Judges 10:16

17Nau ol pikinini bilong Amon i bung wantaim, na wokim kem long Gileat. Na ol pikinini bilong Isrel i bungim ol yet wantaim, na wokim kem long Mispe.Select Judges 10:17

18Na ol manmeri na ol hetman bilong Gileat i tok wanpela i go long narapela, Em i wanem man husat bai stat long pait birua long ol pikinini bilong Amon? Em bai stap het long bosim olgeta husat i stap long GileatSelect Judges 10:18