12Judges 12

1¶ Na ol man bilong Ifraim i bungim ol yet wantaim, na go long hap not, na tokim Jepta, Olsem wanem na yu go hapsait long pait birua long ol pikinini bilong Amon, na yu no bin singautim mipela long go wantaim yu? Mipela bai kukim haus bilong yu antap long yu wantaim paia.Select Judges 12:1

2Na Jepta i tokim ol, Mi na ol lain bilong mi i stap long wanpela bikpela strongpela pait wantaim ol pikinini bilong Amon. Na taim mi singautim yupela, yupela i no kisim bek mi ausait long ol han bilong ol.Select Judges 12:2

3Na taim mi luksave olsem yupela i no kisim bek mi, mi putim laip bilong mi long tupela han bilong mi, na go hapsait bilong birua long ol pikinini bilong Amon, na BIKPELA i givim ol i go long han bilong mi. Olsem wanem na nau yupela i kam antap long mi tude, long pait birua long mi?Select Judges 12:3

4Nau Jepta i bungim olgeta man bilong Gileat wantaim, na pait wantaim Ifraim. Na ol man bilong Gileat i paitim Ifraim, bilong wanem, ol i tok, Yupela ol lain Gileat i stap ol lain i ranawe long Ifraim namel long ol lain Ifraim, na namel long ol lain Manasa.Select Judges 12:4

5Na ol lain Gileat i kisim ol pasis bilong Jordan bipo long ol lain Ifraim. Na em i stap olsem, long taim ol dispela lain Ifraim husat i ranawe pinis i tok, Larim mi go hapsait, long ol man bilong Gileat i tokim ol, Ating yu wanpela man Ifraim, a? Sapos em i tok, Nogat,Select Judges 12:5

6Nau ol i tokim em, Tok nau Shibboleth. Na em i tok Sibolet. Long wanem, em i no inap long wokim maus long kolim dispela stret. Nau ol i kisim em, na kilim em i dai long ol pasis bilong Jordan. Na i pundaun long dispela taim bilong ol lain Ifraim 42,000 man.Select Judges 12:6

7Na Jepta i jasim Israel sikispela yia. Nau man Gileat Jepta i dai pinis, na ol i planim em long wanpela bilong ol biktaun bilong GileatSelect Judges 12:7

8¶ Na bihain long em Ipsan bilong Betlehem i jasim Isrel.Select Judges 12:8

9Na em i gat 30 pikinini man, na 30 pikinini meri, husat em i salim ausait long hap, na em i kisim 30 pikinini meri long ausait hap i kam insait bilong ol pikinini man bilong em. Na em i jasim Isrel sevenpela yia.Select Judges 12:9

10Nau Ipsan i dai pinis, na ol i planim em long Betlehem.Select Judges 12:10

11Na bihain long em Elon, wanpela man Sebyulan, i jasim Isrel. Na em i jasim Isrel tenpela yia.Select Judges 12:11

12Na man Sebyulan Elon i dai pinis, na ol i planim em long Aisalon long hap bilong Sebyulan.Select Judges 12:12

13Na bihain long em Apdon, pikinini man bilong Hilel, wanpela man Piraton, i jasim Isrel.Select Judges 12:13

14Na em i gat 40 pikinini man na 30 pikinini man bilong ol bratasusa bilong em, husat i ran antap long 70 pikinini bilong donki. Na em i jasim Isrel etpela yia.Select Judges 12:14

15Na Apdon, pikinini man bilong man Piraton Hilel, i dai pinis, na ol i planim em long Piraton long hap bilong Ifraim, long maunten bilong ol lain AmalekSelect Judges 12:15