20Judges 20

1¶ Nau olgeta pikinini bilong Isrel i go ausait, na bung bilong ol manmeri i bung wantaim olsem wanpela man, i stat long Dan, yes, i go inap long Biar-siba, wantaim ol man bilong hap bilong Gileat, i go long BIKPELA long Mispe.Select Judges 20:1

2Na nambawan hetman bilong olgeta manmeri, yes, bilong olgeta lain bilong Isrel, i bringim ol yet long bung bilong ol manmeri bilong God, 400,000 man bilong pait long lek husat i kamautim bainat.Select Judges 20:2

3(Nau ol pikinini bilong Benjamin i harim long ol pikinini bilong Isrel i go antap long Mispe pinis.) Nau ol pikinini bilong Isrel i tok, Tokim mipela, dispela samting nogut i kamap olsem wanem?Select Judges 20:3

4Na dispela man Livai, man bilong meri husat ol i kilim i dai, i bekim na tok, Mi kam long Gibia, dispela i bilong Benjamin, mi na namba tu lain meri bilong mi, long slip.Select Judges 20:4

5Na ol man bilong Gibia i kirap bilong birua long mi, na raunim haus raun nabaut long mi long nait, na ol i gat tingting long kilim mi i dai. Na namba tu lain meri bilong mi ol i bin bagarapim, inap long em i dai pinis.Select Judges 20:5

6Na mi kisim namba tu lain meri bilong mi, na katim em long planti hap hap, na salim em i go long olgeta hap long kantri bilong samting papa i givim pikinini bilong Isrel. Long wanem, ol i bin mekim pamuk rot pasin na longlong pasin insait long Isrel.Select Judges 20:6

7Lukim, yupela olgeta i stap ol pikinini bilong Isrel. Givim hia tingting bilong yupela na tok helpim.Select Judges 20:7

8Na olgeta manmeri i kirap olsem wanpela man, i spik, I no gat wanpela bilong yumi bai go long haus sel bilong em, o i no gat wanpela bilong yumi bai tanim i go long haus bilong em.Select Judges 20:8

9Tasol nau dispela bai stap samting yumi bai mekim long Gibia, yumibai go antap, long satu, long birua long en.Select Judges 20:9

10Na yumi bai kisim tenpela man bilong 100 ausait long olgeta ol lain bilong Isrel, na 100 bilong 1,000, na 1,000 bilong 10,000, long kisim kaikai bilong ol manmeri, inap long ol i ken mekim, taim ol i kam long Gibia bilong Benjamin, bilong bihainim olgeta dispela longlong pasin long ol i bin wokim insait long Isrel.Select Judges 20:10

11Olsem na olgeta man bilong Isrel i bung bilong birua long biktaun, pas wantaim olsem wanpela man.Select Judges 20:11

12¶ Na ol lain bilong Isrel i salim ol man i go nabaut long olgeta lain bilong Benjamin, i spik, Em i wanem kain pasin nogut, dispela ol i mekim namel long yupela?Select Judges 20:12

13Olsem na nau givim long mipela ol dispela man, ol pikinini bilong Belial, husat i stap long Gibia, inap long mipela i ken mekim ol i dai, na rausim i go pasin nogut long Isrel. Tasol ol pikinini bilong Benjamin i no laik harim long nek bilong ol brata bilong ol, ol pikinini bilong Isrel.Select Judges 20:13

14Tasol ol pikinini bilong Benjamin i bungim ol yet wantaim ausait long ol biktaun bilong Gibia, long go ausait long pait birua long ol pikinini bilong Isrel.Select Judges 20:14

15Na ol i kaunim ol pikinini bilong Benjamin long dispela taim ausait long ol biktaun 26,000 man husat i kamautim bainat, dispela i no kaunim ol husat i stap long Gibia, dispela namba em i 700 man ol i makim.Select Judges 20:15

16Namel long olgeta dispela manmeri i gat 700 han kais man ol i makim. Olgeta wan wan em i inap long sutim ol ston klostu olsem brait bilong hap gras, na ol i no save abrusim mak.Select Judges 20:16

17Na ol man bilong Isrel, i no kaunim Benjamin, i gat namba olsem 400,000 man husat i kamautim bainat. Olgeta dispela man i ol man bilong bikpela pait.Select Judges 20:17

18¶ Na ol pikinini bilong Isrel i kirap, na go long haus bilong God, na askim tok helpim long God, na tok, Husat bilong mipela bai go antap pastaim long pait birua long ol pikinini bilong Benjamin? Na BIKPELA i tok, Juda bai go antap pastaim.Select Judges 20:18

19Na ol pikinini bilong Isrel i kirap long moning, na wokim kem i birua long Gibia.Select Judges 20:19

20Na ol man bilong Isrel i go ausait long pait birua long Benjamin. Na ol man bilong Isrel i putim ol yet long lain long pait birua long ol long Gibia.Select Judges 20:20

21Na ol pikinini bilong Benjamin i kam ausait long Gibia, na bagarapim olgeta i go daun long graun, bilong ol Isrel long dispela de, 22,000 man.Select Judges 20:21

22Na ol manmeri bilong Isrel i strongim bel bilong ol yet, na putim pait bilong ol gen long lain long ples we ol i putim ol yet long lain long namba wan de.Select Judges 20:22

23(Na ol pikinini bilong Isrel i go antap na krai tru long ai bilong BIKPELA inap long apinun tru, na askim tok helpim long BIKPELA, i spik, Bai mi go antap gen long pait birua long ol pikinini bilong Benjamin, brata bilong mi? Na BIKPELA i tok, Go antap bilong birua long em.)Select Judges 20:23

24Na ol pikinini bilong Isrel i kam klostu na birua long ol pikinini bilong Benjamin long namba tu de.Select Judges 20:24

25Na Benjamin i go ausait na birua long ol ausait long Gibia long namba tu de, na bagarapim olgeta i go daun long graun, bilong ol pikinini bilong Isrel gen, 18,000 man. Olgeta dispela i kamautim bainat.Select Judges 20:25

26¶ Nau olgeta pikinini bilong Isrel, na olgeta manmeri, i go antap, na kam long haus bilong God, na krai tru, na sindaun long ai bilong BIKPELA, na tambuim kaikai long dispela de inap long apinun tru, na ofaim ol ofa i kuk olgeta na ol ofa bilong givim bel isi long ai bilong BIKPELA.Select Judges 20:26

27Na ol pikinini bilong Isrel i askim long BIKPELA, (long wanem, bokis bilong kontrak bilong God i stap long dispela hap long ol dispela de,Select Judges 20:27

28Na Finias, pikinini man bilong Eliesar, pikinini man bilong Aron, i sanap long ai bilong em long ol dispela de,) i spik, Bai mi go yet gen ausait long pait birua long ol pikinini bilong Benjamin, brata bilong mi, o bai mi lusim? Na BIKPELA i tok, Go antap. Long wanem, tumora Mi bai givim ol i go long han bilong yu.Select Judges 20:28

29Na Isrel i putim ol man bilong wet hait raun nabaut long Gibia.Select Judges 20:29

30Na ol pikinini bilong Isrel i go antap bilong birua long ol pikinini bilong Benjamin long namba tri de, na putim ol yet long lain bilong birua long Gibia, olsem long ol arapela taim.Select Judges 20:30

31Na ol pikinini bilong Benjamin i go ausait bilong birua long ol manmeri, na ol i pulim ol i go lusim dispela biktaun. Na ol i stat long paitim ol manmeri, na kilim, olsem long ol arapela taim, long ol bikrot, long dispela wanpela i go antap long haus bilong God, na arapela long Gibia long ples kunai, klostu olsem 30 man bilong Isrel.Select Judges 20:31

32Na ol pikinini bilong Benjamin i tok, Yumi paitim ol i go daun long ai bilong yumi, olsem long pastaim. Tasol ol pikinini bilong Isrel i tok, Yumi ranawe, na pulim ol i lusim biktaun i go long ol bikrot.Select Judges 20:32

33Na olgeta man bilong Isrel i kirap ausait long ol ples bilong ol, na putim ol yet long lain long Beal-temar Na ol man bilong wet hait bilong Isrel i kam antap ausait long ol ples bilong ol, yes, ausait long ol ples gras bilong Gibia.Select Judges 20:33

34Na i gat i kam birua long Gibia 10,000 man ol i makim ausait long olgeta Isrel, na dispela pait i nogut moa. Tasol ol i no save long samting nogut i stap klostu long ol.Select Judges 20:34

35Na BIKPELA i paitim Benjamin long ai bilong ol Isrel. Na ol pikinini bilong Isrel i bagarapim olgeta bilong ol lain Benjamin long dispela de 25,100 man. Olgeta dispela i save kamautim bainat.Select Judges 20:35

36Olsem na ol pikinini bilong Benjamin i luksave long ol i paitim ol. Long wanem, ol man bilong Isrel i givim spes long ol lain Benjamin, bilong wanem, ol i putim bilip long ol man i wet hait, husat ol i bin putim klostu long Gibia.Select Judges 20:36

37Na ol man bilong wet hait i hariap, na ran hariap antap long Gibia. Na ol man bilong wet hait i pulim ol yet i go, na paitim olgeta dispela biktaun wantaim sap bilong bainat.Select Judges 20:37

38Nau i gat wanpela mak ol i makim namel long ol man bilong Isrel na ol man bilong wet hait, long ol bai wokim wanpela bikpela lait bilong paia wantaim smuk i kirap i kam ausait long biktaun.Select Judges 20:38

39Na taim ol man bilong Isrel i surik bek long pait, Benjamin i stat long paitim na kilim bilong ol man bilong Isrel klostu olsem 30 man. Long wanem, ol i tok, Tru tumas, yumi paitim ol i go daun long ai bilong yumi, olsem long namba wan pait.Select Judges 20:39

40Tasol taim lait bilong paia i stat long kirap ausait long biktaun wantaim wanpela bikpela pos smuk, ol lain Benjamin i lukluk i go baksait long ol, na, lukim, lait bilong paia bilong biktaun i go antap long heven.Select Judges 20:40

41Na taim ol man bilong Isrel i tanim gen, ol man bilong Benjamin i kirap nogut tru. Long wanem, ol i luksave olsem samting nogut i kam antap long ol.Select Judges 20:41

42Olsem na ol i tanim ol baksait bilong ol long ai bilong ol man bilong Isrel i go long rot bilong ples i no gat man. Tasol pait i kamap long ol. Na ol husat i kam ausait long ol biktaun i bagarapim ol olgeta long namel bilong ol.Select Judges 20:42

43Olsem na ol i raunim ol lain Benjamin raun nabaut, na ranim ol, na krungutim ol i go daun isi tru i go pas klostu long Gibia i go long hap san i kamap.Select Judges 20:43

44Na i gat bilong Benjamin husat i pundaun pinis 18,000 man. Olgeta dispela em i ol strongpela man bilong pait.Select Judges 20:44

45Na ol i tanim na ranawe i go long ples i no gat man i go long ston bilong Rimon. Na ol i mumutim ol las hap bilong ol long ol bikrot, 5,000 man. Na ol i ran bihainim ol strong i go long Gidom, na kilim i dai 2,000 man bilong ol.Select Judges 20:45

46Inap long olgeta husat i pundaun long dispela de bilong Benjamin em 25,000 man husat i kamautim bainat. Olgeta bilong ol ol i ol strongpela man bilong pait.Select Judges 20:46

47Tasol 600 man i tanim na ranawe i go long ples i no gat man i go long ston Rimon, na stap long ston Rimon fopela mun.Select Judges 20:47

48Na ol man bilong Isrel i tanim gen i go long ol pikinini bilong Benjamin, na paitim ol wantaim sap bilong bainat, wankain olsem ol man bilong olgeta wan wan biktaun, olsem ol animal, na olgeta husat i kam long han bilong ol. Na tu ol i kirapim paia long olgeta biktaun ol i kam long ol.Select Judges 20:48