13Zechariah 13

1¶ Long dispela de bai i gat wanpela ai bilong wara i sut i op long hauslain bilong Devit, na bilong ol lain i stap long Jerusalem, bilong sin na bilong pasin bilong stap doti.Select Zechariah 13:1

2Na em bai kamap olsem long dispela de, BIKPELA bilong ol ami i tok, long Mi bai rausim ol nem bilong ol piksa bilong god giaman ausait long dispela hap, na ol man bai i no inap holim tingting long ol moa. Na tu Mi bai mekim ol profet na ol spirit i no klin long go ausait long lusim dispela hap.Select Zechariah 13:2

3Na em bai kamap olsem, long taim wanpela bai autim tok profet yet, nau papa bilong em na mama bilong em husat i kamapim em bai tokim em, Yu bai i no inap stap laip. Long wanem, yu toktok long ol giaman long nem bilong BIKPELA. Na papa bilong em na mama bilong em husat i kamapim em bai sutim em namel taim em i autim tok profet.Select Zechariah 13:3

4Na em bai kamap olsem long dispela de, long ol profet bai stap sem, olgeta wan wan, long driman samting bilong em, taim em i bin autim tok profet. Na tu bai ol i no inap werim wanpela klos i rap bilong giamanim ol man.Select Zechariah 13:4

5Tasol em bai tok, Mi no stap profet, mi stap wanpela man bilong lukautim gaden samting. Long wanem, ol man i skulim mi long lukautim ol bulmakau samting i stat long taim mi yangpela.Select Zechariah 13:5

6Na wanpela bai tokim em, Ol dispela bagarap i stap long tupela han bilong yu em i wanem samting? Nau em bai bekim tok, Mi bin kisim bagarap wantaim ol dispela insait long haus bilong ol pren bilong mi.Select Zechariah 13:6

7¶ Kirap, O bainat, bilong birua long wasman bilong sipsip bilong Mi, na bilong birua long man husat i poroman bilong Mi, BIKPELA bilong ol ami i tok. Paitim wasman bilong sipsip, na ol sipsip bai bruk nabaut. Na Mi bai tanim han bilong Mi antap long ol liklik pikinini.Select Zechariah 13:7

8Na em bai kamap olsem, long insait long dispela hap olgeta, BIKPELA i tok, tupela hap insait long en bai ol i rausim na ol bai dai. Tasol namba tri hap bai stap yet insait long en.Select Zechariah 13:8

9Na Mi bai bringim dispela namba tri hap namel long paia, na Mi bai klinim ol olsem ol i klinim silva, na Mi bai traim ol olsem ol i traim gol. Ol bai singaut long nem bilong Mi, na Mi bai harim ol. Mi bai tok, Dispela em i lain manmeri bilong Mi. Na ol bai tok, BIKPELA em i God bilong mi.Select Zechariah 13:9