50Psalms 50

1¶ Dispela strongpela God, yes dispela BIKPELA, Em i bin toktok. Na Em i bin singautim dispela graun taim san i kamap inap long taim em i go daun.Select Psalms 50:1

2Lait bilong God i bin i kamaut long Saion, em ples naispela samting i stap inap tru.Select Psalms 50:2

3God bilong yumi bai kam, na bai Em i no pasim maus. Long pes bilong Em, paia bai bagarapim ol samting, na dispela bai stap olsem bikpela raun raun nabaut long Em.Select Psalms 50:3

4Em i stap antap na bai Em i singaut long ol heven na long dispela graun, bai Em i ken jasim ol manmeri bilong En.Select Psalms 50:4

5Yupela bringim i kam long Mi ol seint bilong Mi. Em ol man i bin givim sakrifais bilong mekim kontrak wantaim Mi.Select Psalms 50:5

6Na ol heven bai i tokaut long stretpela pasin bilong Em. Long wanem, God yet i stap jas. Sela.Select Psalms 50:6

7¶ O manmeri bilong Mi, yupela i mas harim na bai Mi toktok. O Israel, yu mas harim na bai Mi tokaut klia long kotim yu. Mi stap God, yes God bilong yu.Select Psalms 50:7

8Bai Mi no krosim yu long ol sakrifais bilong yu na ol ofa yu save kukim olgeta, long ol i mas stap olgeta taim long pes bilong Mi.Select Psalms 50:8

9Bai Mi no kisim wanpela yangpela bulmakau long haus bilong yu, o ol meme man long ol banis meme bilong yu.Select Psalms 50:9

10Long wanem olgeta wan wan animal bilong bus i bilong Mi, wantaim ol bulmakau samting i stap long wan tausen liklik maunten.Select Psalms 50:10

11Mi save long olgeta pisin bilong ol maunten. Na ol wel animal bilong ples kunai ol i bilong Mi.Select Psalms 50:11

12Sapos Mi bin i stap hangre, Mi no bin tokim yu. Long wanem dispela graun wantaim ol samting i pulap long en ol i bilong Mi.Select Psalms 50:12

13Ating bai Mi kaikai mit bilong ol bulmakau man? O bai Mi dringim blut bilong ol meme, a?Select Psalms 50:13

14Yu mas ofaim tenkyu long God. Na yu mas baim long Man i Antap tru ol strongpela promis bilong yu.Select Psalms 50:14

15Na yu mas singautim Mi long de bilong trabel. Bai Mi kisim bek yu, na bai yu givim glori long Mi.Select Psalms 50:15

16¶ Tasol God i tok long ol man i nogut tru olsem, Yu gat wanem wok long tokaut long ol lo bilong Mi ol i raitim? O long kisim kontrak bilong Mi long maus bilong yu?Select Psalms 50:16

17Long wanem yu no laikim tru tok skul, na yu rausim ol tok bilong Mi i go long baksait bilong yu.Select Psalms 50:17

18Taim yu lukim stilman, yu bin tok orait wantaim em. Na yu bin poroman wantaim ol man i bagarapim marit long pasin pamuk.Select Psalms 50:18

19Yu save givim maus bilong yu long pasin nogut. Na tang bilong yu i wokim pasin giaman.Select Psalms 50:19

20Yu sindaun na tok birua long brata bilong yu. Yu krungutim gutnem bilong pikinini man bilong mama bilong yu yet.Select Psalms 50:20

21Yu bin mekim ol dispela samting na Mi bin pasim maus. Yu bin ting, Mi wankain olgeta olsem yu yet. Tasol bai Mi krosim yu, na bai Mi lainim ol long ai bilong yu.Select Psalms 50:21

22Yupela man i lusim tingting long God, yupela tingim na skelim dispela nau. Nogut Mi brukim yupela long ol liklik hap, na i no gat wanpela man bilong kisim bek yupela.Select Psalms 50:22

23Wanem man i litimapim nem olsem ofa, em i givim glori long Mi. Na bai Mi soim kisim bek bilong God long man i mekim wokabaut bilong en i stap stret.Select Psalms 50:23