Psalms 70
King Jems Pisin Baibel
1 ¶ O God, Yu mas hariap long kisim bek mi. O BIKPELA, Yu mas hariap long helpim mi.
2 Ol man i wok long kisim tewel bilong mi, ol i ken sem na paul. Yu ken tanim i go bek ol man i gat bikpela laik long mi kisim bagarap. Na Yu ken mekim ol i kamap paul.
3 Yu ken tanim ol i go bek bilong givim pe bilong sem bilong ol man i tok olsem, Aha, aha.
4 Olgeta manmeri i wok long painim Yu ol i ken amamas na belgut insait long Yu. Na ol manmeri i laikim tru kisim bek bilong Yu ol i ken tok olgeta taim olsem, Larim nem bilong God i ken i kamap bikpela.
5 Tasol mi stap rabisman na mi sot long ol samting. O God, Yu mas hariap na kam long mi. Yu stap helpim bilong mi na man bilong kisim bek mi. O BIKPELA, Yu no ken wet i stap.
About this translation
King Jems Pisin Baibel ·
King Jems Pisin Baibel
Creative Commons: BY-NC-ND 4.0 · Translation source
Dispela wok bilong tanim tok em i wok bilong David Holland na Bryan Girard. Version 1.2