10Deuteronomy 10

1¶ Long dispela taim BIKPELA i tok long mi, Yu mas katim tupela hap ston olsem namba wan tupela na kamap long Mi long maunten, na yu mas wokim wanpela bokis long diwai.Select Deuteronomy 10:1

2Na bai Mi rait long tupela hap ston ol tok i bin i stap long namba wan tupela hap ston yu bin brukim ol, na yu mas putim tupela insait long bokis.Select Deuteronomy 10:2

3Na mi wokim wanpela bokis long diwai sitim, na mi katim tupela hap ston olsem namba wan tupela, na mi go antap long maunten, na mi gat dispela tupela hap ston long han bilong mi.Select Deuteronomy 10:3

4Na Em i rait long tupela hap ston long bihainim namba wan rait, em dispela tenpela strongpela tok BIKPELA i tok long yupela long dispela long maunten na tok i kamaut long namel long paia long de bilong dispela bung. Na BIKPELA i givim tupela long mi.Select Deuteronomy 10:4

5Na mi tanim mi yet na kam daun long maunten, na mi putim tupela hap ston insait long bokis mi bin wokim dispela na tupela i stap long dispela bokis, olsem BIKPELA i givim strongpela tok long mi.Select Deuteronomy 10:5

6Na ol pikinini bilong Isrel i wokabaut long lusim Berot bilong ol pikinini bilong Jakan na i go long Mosera. Eron i dai pinis long dispela ples na ol i planim em long dispela ples. Na Eleasar pikinini man bilong em i kisim wok bilong em na wok long wok bilong pris.Select Deuteronomy 10:6

7Ol i lusim dispela ples na wokabaut long Gutgoda. Na ol i lusim Gutgoda na go long Jotbat, em graun bilong ol wara riva.Select Deuteronomy 10:7

8Long dispela taim BIKPELA i makim lain bilong Livai long karim bokis bilong kontrak bilong BIKPELA, na long sanap long pes bilong BIKPELA long mekim wok long Em, na long blesim nem bilong Em inap long dispela de.Select Deuteronomy 10:8

9Olsem na, Livai i no kisim wanpela hap o ol samting wantaim ol brata bilong em. BIKPELA em i olsem ol samting bilong em, olsem God BIKPELA bilong yu i promisim em.Select Deuteronomy 10:9

10Na mi bin stap long maunten, olsem namba wan taim, foti de na foti nait. Na BIKPELA i harim tok bilong mi long dispela taim tu, na BIKPELA i orait long Em i no bagarapim yu.Select Deuteronomy 10:10

11Na BIKPELA i tokim mi, Kirap, mekim wokabaut bilong yu long ai bilong ol manmeri, bai ol i ken i go insait na kisim dispela hap graun, Mi bin tok tru antap long dispela long ol papa bilong ol long givim dispela long ol.Select Deuteronomy 10:11

12¶ Na nau Isrel, God BIKPELA bilong yu i makim wanem samting long yu mas mekim? Tasol em long pret long God BIKPELA bilong yu, na long wokabaut long olgeta we bilong Em, na long laikim tru Em, na long mekim wok long God BIKPELA bilong yu long olgeta hap bilong bel bilong yu na long olgeta hap bilong tewel bilong yu,Select Deuteronomy 10:12

13Na long holimpas ol strongpela tok bilong BIKPELA na ol strongpela tok i stap long buk bilong Em. Mi givim yu strongpela tok long ol dispela long dispela de bilong helpim yu.Select Deuteronomy 10:13

14Harim, heven na heven bilong ol heven na tu dispela graun wantaim olgeta samting i stap long em, ol i bilong God BIKPELA bilong yu.Select Deuteronomy 10:14

15Tasol BIKPELA i gat bikpela amamas long ol papa bilong yu long laikim tru ol na Em i makim ol pikinini na tumbuna pikinini bilong ol i kamap bihain long ol, na yupela i winim olgeta arapela manmeri olsem em i stap dispela de.Select Deuteronomy 10:15

16Olsem na yupela i mas mekim pasin i olsem yupela i katim skin long bel bilong yupela, na yupela i no ken stap bikhet moa.Select Deuteronomy 10:16

17Long wanem God BIKPELA bilong yupela em i God bilong ol god na Bikpela bilong ol bikpela. Em i wanpela bikpela God na Em i strongpela na Em i pretim man. Em i no tingim wanpela man i winim narapela na tu Em i no kisim pe bilong grisim.Select Deuteronomy 10:17

18Em i wokim stretpela kot long ol pikinini i nogat papa na meri man bilong em i dai pinis, na Em i laikim tru man o meri bilong narapela ples, long Em i givim em kaikai na klos.Select Deuteronomy 10:18

19Olsem na, yupela i mas laikim tru man o meri bilong narapela ples. Long wanem yupela i bin i stap lain bilong narapela ples long graun bilong Isip.Select Deuteronomy 10:19

20Yu mas pret long God BIKPELA bilong yu, yu mas mekim wok long Em na yu mas holimpas long Em na tok tru antap long nem bilong Em.Select Deuteronomy 10:20

21Em i stap wanpela yu mas litimapim na Em i stap God bilong yu. Em i bin wokim long helpim yu ol dispela bikpela samting na samting bilong pretim ol man, na ol ai bilong yu i bin lukim dispela.Select Deuteronomy 10:21

22Ol papa bilong yu i bin i go daun long Isip wantaim seventi manmeri. Na nau God BIKPELA bilong yu i mekim yu i kamap olsem ol sta bilong heven long namba bilong yu.Select Deuteronomy 10:22