34Deuteronomy 34

1¶ Na Moses i go antap long lusim ol ples op bilong Moap na i go long maunten bilong Nibo long antap bilong Pisga, em i hapsait long Jeriko. Na BIKPELA i soim em olgeta hap bilong graun bilong Gileat i go long Dan.Select Deuteronomy 34:1

2Na olgeta Naptalai na graun bilong Ifraim na Manasa na olgeta hap bilong graun bilong Juda i go long solwara i stap longwe,Select Deuteronomy 34:2

3Na saut na ples op bilong ples daun bilong Jeriko, em biktaun bilong ol diwai palmen i go long Soar.Select Deuteronomy 34:3

4Na BIKPELA i tok long em, Dispela em i graun Mi bin tok tru antap long dispela long Ebraham na long Aisak na long Jekop na tok, Bai Mi givim dispela long ol pikinini bilong yu. Mi bin inapim yu long lukim dispela long tupela ai bilong yu, tasol yu no ken go hapsait na go long em.Select Deuteronomy 34:4

5¶ Olsem Moses wokboi bilong BIKPELA i dai pinis long dispela ples long graun bilong Moap long bihainim tok bilong BIKPELA.Select Deuteronomy 34:5

6Na Em i planim em long wanpela ples daun long graun bilong Moap, hapsait long Bet-pior. Tasol i no gat wanpela man i save long ples matmat bilong em inap long dispela de.Select Deuteronomy 34:6

7Na Moses i stap wan handet na twenti krismas taim em i dai pinis. Ai bilong em i no bagarap na tu em i no lusim strong bilong bodi bilong em.Select Deuteronomy 34:7

8Na ol pikinini bilong Isrel i krai sori long Moses long tripela ten de long ol ples op bilong Moap. Olsem ol de bilong krai sori na pilim bel hevi long Moses i pinis.Select Deuteronomy 34:8

9¶ Na Josua, pikinini man bilong Nun, i pulap long spirit bilong save tru. Long wanem Moses i bin putim ol han bilong em long em. Na ol pikinini bilong Isrel i bihainim tok bilong em na mekim olsem BIKPELA i bin givim strongpela tok long Moses.Select Deuteronomy 34:9

10Na i no gat wanpela profet i kirap bihain insait long Isrel i wankain olsem Moses, BIKPELA i bin save long em, pes i lukim pes.Select Deuteronomy 34:10

11Long olgeta mak na samting i winim tingting BIKPELA i bin salim em long mekim ol dispela long graun bilong Isip long Fero na long ol wokboi bilong em, na long olgeta hap bilong graun bilong em,Select Deuteronomy 34:11

12Na long olgeta samting bilong strongpela han na long olgeta samting bilong bikpela pret, Moses i bin soim ol dispela long ol ai bilong olgeta Isrel.Select Deuteronomy 34:12