4James 4

1¶ Ol bikpela pait na ol pait namel long yupela i kam long we? Ating i yes long ol i kam long hia, yes, long dispela ol aigris bilong yupela i wokim ol bikpela pait insait long ol hap bilong bodi bilong yupela?Select James 4:1

2Yupela i aigris, na yupela i no gat. Yupela i kilim man, na gat laik long kisim, na yupela i no inap long kisim. Yupela i pait na wokim bikpela pait, tasol yupela i no gat, bilong wanem, yupela i no askim.Select James 4:2

3Yupela i askim, na yupela i no kisim, bilong wanem, yupela i askim rong, inap long yupela i ken kaikai dispela olgeta long ol aigris bilong yupela.Select James 4:3

4Yupela ol man na meri bilong bagarapim marit wantaim pamuk pasin, ating yupela i no save long pasin pren wantaim dispela graun em i pasin birua wantaim God? Olsem na husat man i gat laik long stap pren bilong dispela graun em i birua bilong God.Select James 4:4

5Yupela i ting long rait bilong God i tok nating, Dispela spirit husat i stap insait long yumi i aigris inap long mangal tingting?Select James 4:5

6Tasol em i givim marimari moa. Olsem na em i tok, God i sanap na birua long hambak man, tasol em i givim marimari long man bilong daunim em yet.Select James 4:6

7Olsem na putim yupela yet aninit long God. Sanap na birua long Seten, na em bai ranawe long yupela.Select James 4:7

8Go klostu long God, na em bai go klostu long yupela. Klinim ol han bilong yupela, yupela ol sinman. Na klinim ol bel bilong yupela, yupela ol man bilong tupela tingting.Select James 4:8

9Kisim hevi, na soim sori, na krai tru. Larim ol lap bilong yupela i tanim i kamap pasin bilong soim sori, na amamas tru bilong yupela i kamap pasin hevi.Select James 4:9

10Daunim yupela yet long ai bilong Bikpela, na em bai litimapim yupela.Select James 4:10

11¶ No ken toktok nogut wanpela i go long sait bilong narapela, ol brata. Em husat i toktok nogut long sait bilong brata bilong em, na jasim brata bilong em, i toktok nogut long sait bilong lo, na jasim lo. Tasol sapos yu jasim lo, yu no stap wanpela man bilong bihainim lo, tasol wanpela jas.Select James 4:11

12I gat wanpela man bilong givim lo, husat em i inap long kisim bek na long bagarapim olgeta. Yu husat long yu jasim narapela?Select James 4:12

13Goan nau, yupela husat i tok, Tude o tumora mipela bai go insait long wanpela kain biktaun, na stap yet long dispela hap wanpela yia, na baim na salim samting, na kisim win samting,Select James 4:13

14We yupela i no save long wanem samting bai stap long de bihain. Long wanem, laip bilong yupela em i wanem samting? Yes, em i wanpela smuk wara, dispela i kamap ples klia long liklik taim tasol, na nau em i pinis olgeta i go.Select James 4:14

15Long wanem, em i gutpela moa long yupela i tok, Sapos Bikpela i laik, mipela bai stap laip, na mekim dispela, o dispela.Select James 4:15

16Tasol nau yupela i wokim amamas tru long ol tok hambak bilong yupela. Olgeta kain pasin bilong wokim amamas tru olsem em i nogut.Select James 4:16

17Olsem na long em husat i save long mekim gutpela, na em i no mekim, long em dispela em i sin.Select James 4:17